袁弓夷

袁弓夷（英文：Elmer Yuen Gong-yi，1949年1月30號—），初名袁肅，譜名袁世宏，係香港出名電工實業家、時事評論員同埋國際反共主義說客，亦係袁彌昌、袁彌明嘅老頭。

袁弓夷

早年喺香港創立多間電企，近年因為喺香港修例風波前後高調發聲支持跟住開始參政，而喺政界出名。

2022年1月7日，袁弓夷喺佢嘅Youtube Channel「袁爸爸 袁弓夷政經評論」搞直播，題為「香港成為西安共同體？龔小夏 袁弓夷」，當中提到佢有份成立「香港臨時立法會」，以抗衡「香港國家安全法」同「新選制」後嘅立會，為支持香港修例風波嘅港人提供議會平台。

2022年7月27日，袁弓夷、何良懋同埋梁頌恆喺加拿大多倫多宣布成立組織香港議會籌備委員會。8月3日，香港保安局指袁弓夷等人因籌組「香港議會」，涉犯《國安法》第22條顛覆國家政權罪而被國安處通緝。