西炒飯係香港人發明嘅炒飯，雖然有「西式」兩個字，不過唔係源於歐美地區，而係源於香港嘅茶餐廳，喺一啲大牌檔同港式快餐店亦有提供，西炒飯嘅主要特色係成本低，材料方面亦少用新鮮肉食。
西炒飯用料上冇一定嘅標準，不過一定要有番茄醬，或者用茄膏，令佢有紅色嘅外表。由於番茄係源於西方嘅食材，所以港英時期嘅香港人畀咗呢個名佢。白飯通常係冷飯，即係隔夜飯，其他配料就通常包括有雞蛋、香腸粒同火腿粒，同埋番茄、洋蔥、蘑菇等。
西炒飯
