言外之意

言外之意（粵音：jin4 ngoi6 zi1 ji3；英文：implicature；德文：Implikatur），香港語言學學會又有譯做含意、含蘊、隱涵等，係語用學講到嘅一個概念。語用學係語言學下嘅一個學科，簡單講就係研究語言嘅實際使用。喺嚴格語用學上，言外之意係意思嘅一種。如果講話者講出話段，話段「暗示」咗某啲意思，但話段當中並冇直接講呢啲意思出嚟，噉呢啲「暗示」嘅意思就屬於言外之意。

例如，如果阿明開口問

「阿珍，我哋一齊去食飯囉lo3。」

而阿珍答

「吓？我仲有好多嘢做喎。」

喺上述對話當中，阿珍並冇直接講話唔想同阿明佢哋去食飯，但係阿珍講嘅嘢顯然有言外之意，話唔想去。阿珍唔想去呢個意思就係佢呢段話嘅言外之意。

基本概念

内文：語用學同語義學

言外之意係指講嘅嘢冇明言某個意思，要聽者透過語境等嘅因素去理解佢。

例一：

阿明問：「呢度泊唔泊得車呀？」

對方答：「嗰邊有個停車場。」

言外之意：呢度唔泊得車。

例二：

公司同事：「聽晚有嘢要搞，你得唔得閒？」

言外之意：希望聽嘅人可以幫手。

例三：

阿媽問：「你今晚幾點返屋企？」

阿偉答：「我依家仲喺公司，好多嘢未搞掂。」

言外之意：今晚會好遲返屋企。

理論分析

睇埋：言語行為理論同協調原則

言外之意係語用學上嘅重要概念。言語行為理論同協調原則等有影響力嘅理論，都花咗好多篇幅講言外之意。

睇埋

• 語用
• 婉轉
• 雙重意思
• 言外行為