許鎮德
許鎮德，PDSM[1]（Steve Hui，1963年4月24號—）係香港警務處警察公共關係科前總警司。
| 許鎮德 | |
|---|---|
| 出生日 | 1963年4月24號  （61歲） |
| 國籍 | 香港 |
| 母校 | 香港浸會大學 |
| 職業 | 差人 |
| 僱主 | 香港警察、陽光巴士、載通國際 |
[改維基數據] | |
生平
編輯許鎮德11歲加入少年警訊，1987年畢業後加入香港警隊，曾經響九龍西總區支援科、人事科同保安科做過。2007年到2010年，佢做時任行政長官曾蔭權嘅副官，主要負責禮儀同接待工作，同埋預先到場視察環境。佢之後做九龍東總區擔任特別項目（計劃）高級警司，策劃過將軍澳分區升格做獨立警區嘅工作[2]。
2014年3月底，許鎮德獲升做警察公共關係科總警司，負責同傳媒溝通嘅工作。同年9月底香港爆發雨遮革命，警方每日晏晝4點都會搞記者會，絕大多數日子就係由許鎮德主持。皆因曝光率高，同埋每次開記者會都會重覆幾句說話，包括「好多謝你嘅提問」、「或者我再重申一次」、「容許我再強調」同「I will now recap in English」，英文又帶有好多港式英文口音，所以逐漸受網民留意同追捧[3][4]。
2017年2月，許鎮德晉升爲助理處長。2018年5月24號正式停止香港警務處嘅職務退休。
2019年1月1號，許鎮德開始做陽光巴士有限公司執行董事，同年4月1號轉做載通國際行政總監，負責管理九巴龍運企業傳訊部、培訓及服務質素管理部、人力資源部同埋新成立嘅職員關係及福利服務部。
參考
編輯
- ↑ 〈二〇一八年授勳名單 附件：二〇一八年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2018年7月1號。頁 13。
- ↑ 〈前特首副官掌警察公共關係科〉。原著喺2016年3月4號歸檔。喺2014年10月11號搵到。
- ↑ 〈4點鐘許Sir特約 變收視保證〉。原著喺2014年10月13號歸檔。喺2014年10月11號搵到。
- ↑ 許鎮德無現身記者會 警方：有機會再見