誼園文具玩具精品批發市場
名 編輯
個名係1959年由總理周恩來提議改出嚟。
史 編輯
廣州喺開辦交易會之後，中共中央為咗照顧北韓同越南政府，喺1959年到海珠廣場嘅中國出口商品交易會（今日嘅海印繽繽廣場）對面整咗間園林解放式展覽館。但1974年因交易會搬到流花路嘅東方賓館一帶，原先嘅誼園改成由廣州市科委負責辦科技展覽交流會嘅場所。1980年開咗廣東第一個《國外電子產品展覽會》，之後唔停噉開咗各類國內外技術交流會同展覽會。
由於廣州市人民政府解決一德路周街擺地攤問題，喺1987年由廣州市科委將啲走鬼引嗮入室內繼續搞生意，重用咗「誼園」個名做品牌。
1994年，由於廣州市政府要整闊成條解放路同起解放橋，加上要改造舊城區，間嘢搬到而家黃沙一帶。
1995年，中國國務院發展研究中心話佢做中國第一間搞文具同玩具精品嘅大型專業批發市場。