諾曼第公國（粵拼：nok6 maan6 dai6 gung1 gwok3；英文：Duchy of Normandy）係一個存在於 911 年至 1469 年間嘅國家，喺地理位置上大致相當於廿一世紀初嘅法國北半橛。
喺 11 世紀中，諾曼第公國征服咗英格蘭，對英文嘅發展造成咗深遠影響：諾曼第公國嘅官方語言係古諾曼文—呢隻語言屬於羅曼語言。喺跟住落嚟嗰三個世紀期間，英格蘭人受諾曼第公國統治，成日都接觸諾曼第公國嘅貴族同官員，好多時都焗住要用古諾曼文同佢哋講嘢，逐漸由古諾曼文借咗大量字詞過去古英文度。
