演講
(由講稿跳轉過嚟)
演講（粵拼：jin2 gong2），或者叫演說（粵拼：jin2 syut3）都得，係演講者發表公眾講話。根據個人風格，有啲演講者會預先寫定講稿，演講嗰陣會睇住嚟讀；有啲鍾意小小爆肚；有啲唔用講稿講，表現真我。
.jpg)
技巧
編輯有管理等領域嘅研究者嘗試做實證性質嘅研究，睇吓演講要點做先至可以令人覺得講者有吸引力。佢哋講到嘅嘢包括[1][2]：
- 講者要有意識想去理解自己有咩優缺點；
- 講者要講到自己行事係有清楚目標嘅；
- 講者要提吓自己點樣克服挑戰，亦要留意自己經過挑戰後有乜嘢成長；可以睇睇角色發展嘅概念。
- 講者要提吓自己學咗呢啲嘢之後，點樣運用自己嘅經驗嚟幫其他人達致同樣嘅成長；
研究指，一個人講自己嘅故事嗰陣有上述呢啲特徵，聽者會傾向覺得想聽佢嘅故事。
呢種噉嘅講故仔方式，仲被指可以用嚟講一間企業嘅故事，幫企業吸引消費者嘅注意[3]，即係好似噉—
以前我（哋）做開嘅工作係噉噉噉嘅。有一日，我（哋）經歷咗一單噉嘅撈絞嘢，令我（哋）意識到有必要作出改變。
決定咗變，我（哋）做咗啲噉噉噉嘅嘢，途中遇到呢啲呢啲困難，我（哋）用咗噉噉噉嘅方法克服，當然期間有失敗，但我（哋）依然堅持。
克服咗重大嘅困難之後，我（哋）終於達致... 可以用我（哋）嘅經驗嚟幫人，亦更加有信心面對將來嘅挑戰。
