趙雲首先投靠袁紹，但因袁紹心胸狹窄而改投公孫瓚。後來公孫瓚俾袁紹逼至自盡，趙雲投靠劉備。
建安十三年（208年），劉備喺荊州俾曹操出兵追殺，於是向江陵逃走，但係劉備唔想放棄自願跟住佢嘅人民，結果喺當陽長阪俾曹軍追上。嗰陣趙雲負責保護劉備一家大細，因為戰亂而搞到失散，於是進入曹軍嘅陣營。後來抱住劉備嘅仔劉禪，同埋保護住老婆甘夫人平安返到劉備嗰邊。
除咗嗰陣嘅戰績外，後來重有益州、漢水、北伐嘅仗都戰績卓越。佢喺建興七年（229年）病死。
趙雲死後，劉禪追加謚號叫做順平侯。
- 趙統：趙雲嘅大仔，趙雲死後繼承佢個爵位。
- 趙廣：趙雲嘅細仔，官職係牙門將，喺沓中跟住姜維嗰陣戰死沙場。
