趙斗淳事件

趙斗淳事件（韓文：조두순 사건）係2008年12月喺韓國一單強姦案，犯人趙斗淳喺廁所用極其殘忍嘅手段強姦一個8歳細路囡，最後畀人判坐12年監，但係好多韓國市民都唔滿意，唔想佢再出嚟為害人間。事件後來畀人拍成電影《許願》。

趙斗淳事件
地點	韓國京畿道安山市檀園區廁所
日期	2008年12月11號 (2008-12-11) – 2009 年 9 月 24 號
襲擊目標	娜英/素媛（化名）
形式	強姦、非禮、誘拐、色魔
武器	廁所泵、座廁
受害者	娜英/素媛
參與者	趙斗淳

事件經過

2008年12月11號朝早8點半，當時得8歲嘅細路囡娜英出門口參加學校嘅才藝表演大會，經過京畿道某一間教堂，突然畀犯人趙斗淳夾硬抱住拖入教堂廁所，趙斗淳除衫除褲之後強逼娜英就範。但係娜英頑強抵抗，激嬲咗趙斗淳而不斷畀佢掌摑、重擊同埋咬面，仲畀佢捉著個頭顱撞入馬桶水箱，性侵過程中趙斗淳仲用廁所泵吸娜英嘅屎眼，令到娜英骨盆骨折、大小腸流出體外壞死、肛門同性器官80％損壞之後暈咗。

事後為洗清犯罪證據，趙斗淳將大量凍水倒入娜英嘅體內，洗走殘留喺入面嘅精液，等到娜英喺廁所醒返，趙斗淳已經著咗草，之後先畀社區居民發現送醫，但因為傷害嚴重，娜英需要裝人工尿袋同埋以後去大小便都要人哋幫手。