強姦
強姦一般指男人對女人夾粗嚟嘅陰道性交[1]，多數係犯罪。廣泛啲講，亦包括一個或多個人以暴力、威脅等手段，強迫一個或多個受害人發生嘅性行為。「強姦」嘅同（／近）義詞有老強、強暴、姦污、施暴、性侵以及強制性交等。
意思
編輯狹義
編輯傳統上同法律上嘅強姦犯定性都係指男方而唔係女方，主要係由於生理上嘅特點——喺一般情形，要個男嘅情願，先至會性興奮，繼而扯旗，然後再插得到條㞗入去個屄度；至於個女嘅，就算唔鍾意，只要唔夠本事反抗，就阻止唔到。不過亦都有女人綁起男人，再用春藥整到佢條嘢不由自主噉舉起，然後交配嘅罕有案例[2]。其實，違反意願噉達成所有陰道性交前設條件嘅方法，唔止得物理同化學類，心理脅迫一樣有若干效果，更莫講話多種手段並用。亦有針對神經嘅藥物同儀器，能夠夾硬令陰莖勃起。
廣義
編輯無分男女，只要係一方夾硬令人同佢發生性關係，就係強姦。由於唔同國家嘅風俗文化都唔同，有啲國家認為，滿足到「強行發生性行為」呢個定義，就係犯強姦罪；而有啲國家法律就只限制男方而無限制女方呢一種行為，所以詞理同法理都可能有落差。
犯罪情況
編輯聯合國數據
編輯根據聯合國婦女署2013年統計126個國家。[3]由數據反映發展中國家較發達國家強姦問題更加嚴重，而重視孔孟之道嘅日本、新加坡，同中華民國，當中有發展中國家，但性罪行係屬於世界上最少行列。
第一個括號顯示，每隔幾多分鐘就發生女性性侵案，數字越小案件越多。
第二個括號，指該國自世界經濟論壇2013年度《全球性別差距報告》，性別平等指數得分（冰島最高有0.8731，最低也門得0.5128）：
最高人均犯罪地區
編輯較高人均犯罪地區
編輯中度人均犯罪地區
編輯- 哥倫比亞（5.1）（0.7171）
- 也門（5.4）（0.5128）
- 馬里（5.6）（0.5872）
- 索馬里（5.7）（？）
- 美國（5.8）（0.7392）
- 南蘇丹（5.9）（？）[6]
- 波蘭（5.9）（0.7031）
- 羅馬尼亞（6.0）（？）
最低人均犯罪地區
編輯中國大陸
編輯近代
編輯據《廣西文革機密檔案資料》披露：1967至1968年間，性暴力現象好普遍。當中，完整強姦、輪姦、性虐待，乃至性暴力辱屍、毀屍記載有二百二十五個案例。按民調，女性受害者人數應當千人以上。一時間，殺人姦妻、殺父姦女竟成為廣西省區農村社會常態。[7][8] 不過，文革時期官府受理都會有好多屈人食死貓案件，真正犯人多走得快好世界，最近就有媒體報導大陸有80幾歲醫生平反成功[9]。另外有女黨員被下令強姦，例如張志新。
近年
編輯中國全國犯罪人均上係好普遍，當中性犯罪同性病（如愛滋病）屬全球性嚴重水平。聯合國科學統計為按人均犯罪同數字，中國都係全球第二名，排第一係印度，並有年增長率惡化。上海、安徽、四川、河南等地先後發生老公強迫老婆同佢做愛情況，且司法機關處理時會有分歧。婚內有無強姦，「婚內強迫性行為」係咪犯罪，理論界、司法界，同社會都有關注同爭論。綜合當局同非官方來源，疑強姦案當中有好多，都被當作其他較輕微罪行處理，例如原本可能係強姦但變成告非禮、猥褻，甚至有執法當局試圖遊說受害人和解了事。近期，較出名又有國外媒體報導係指香港女導演林淑貞個案。佢疑身處中國大陸時，受到海南航空人員企圖強姦。[10]
香港
編輯自香港主權移交後，平均每年有一百幾十單案被差人列為強姦，差人重話2017年頭10月有56單，多過上年一成[11]。根據《刑事罪行條例》（香港法例第200章）第122條：「猥褻侵犯係刑事罪行，最高可處10年監禁......」強姦定性都好合乎「國際標準」，同樣要有強迫性質，必須有陰莖插入陰道情節，先算強姦。
戰爭暴行
編輯近代
編輯軍佬搞強姦係戰爭罪，打仗時好多國家都有強姦發生。蘇聯紅軍曾經喺二戰之後佔領咗德國、波蘭各東歐地區（華沙公約國家），並做過好多姦殺暴行[13]。歷史學家安東尼·比弗喺佢本書《柏林在1945年陷落》入面提過，蘇聯強姦咗200萬位德國婦女同幾千個前蘇聯婦女。重有韓戰時，中共軍人強姦過韓國婦女，至今共匪一類依然臭名遠播。根據中國人民志願軍第42軍吳瑞林軍長回憶，因為強姦朝鮮民女問題，所以入朝初期已槍斃一批志願軍。根據《一九五二年志願軍後勤工作簡結》，11萬人志願軍後勤部隊中，由1952年1月至11月中，就有一百零九人自殺，三十九人自傷，六百八十七人逃亡，汽車肇禍壓死八十一人，壓傷九十四人，誤傷一百零八人，強姦四十一人，通姦五百一十四人，雞姦一百五十人。1954至1955年，最少發生20單強姦殺人事件。題外話，有好多志願軍返去中國唔係被成美軍間諜、開除黨籍、就係打成右派，好多都冇好收場，直至毛澤東政權因文革結束而倒台，80年代中共先至為志願軍戰俘恢復名譽[14]。
大日本帝國軍妓問題上，主要係太平洋戰爭時，日軍疑用招募同強迫方式兩種手段要女人（戰敗國同日本本國都有）為皇軍提供性服務。慰安婦妓女問題主要係人道同國際法方面爭議，係指自願定強迫。不過，如果有指日軍有冇強姦軍妓以外婦女，同歸唔歸類到慰安婦上，就久不可考。反而，南韓學校教材會強調慰安婦係「性奴」，中國等反日國家，多就慰安婦問題上對現代日本存有負面情緒同偏見歧視。
成因同控制
編輯由多項數據同事實見證，聯合國數據反映，相信性犯罪同道德水平，教育程度，資本化程度最少三大方面成正比。因為例子國家證明地區人口愈貧賤愈易出現性犯罪，但高收入人士參與強姦嘅事件就好少成案。相比強姦，政客、貧官、高收入資產階級，相對有更多例子係捲入同錢、政權有關嘅性交易、性賄賂醜聞，例如近年中國反貪而爆出軍中性醜聞，當中湯燦以「軍中妖姬」出名國際[15][16]犯罪心理學上，罪犯可能出於對性好奇，至性飢渴同過份對性開放，對人存敵意。重有北韓出名「歡樂組」。
另外，學者研究色情經濟可能會影響性犯罪問題。因為性服務非法地區，性犯罪需求同性病傳播率都較高。但大多數性行業合法國家，例如有台灣、香港（一樓一）、荷蘭（叫雞同大麻合法國家），同成人動漫電影發達國日本、美國，強姦百份數的確較低，青少年未婚大肚比例都好低。
相關詞彙
編輯輪大米又叫輪姦，指好多人迫一個人同佢哋輪流性交，以多男害一女居多，相反嘅情況好少見[17]。用藥迷暈人哋再姦，叫迷姦[18]。灌醉人哋然後姦，係醉姦[19]。將不省人事（例如飲醉咗酒）嘅人帶走去性交（通常無得到對方同意），俗稱執屍[20]。
睇埋
編輯
參考
編輯- ↑ 〈為何建議不再用「強姦」字眼？ | 關注婦女性暴力協會 | 立場新聞〉。《立場新聞 Stand News》。原先內容歸檔喺2021-06-25。喺2021-05-29搵到。
- ↑ "Forced penetration: If a woman forces a man to have sex, is that rape?". BBC News (英國英文). 2019-07-25. 原先內容歸檔喺2021-05-26. 喺2021-06-01搵到.
- ↑ 〈聯合國婦女署(2011年)，"關於關於侵害婦女暴力行為的事實和數字"〉。原先內容歸檔喺2014年9月18號。喺2017年12月3號搵到。
- ↑ 印度尤 (2014-08-22)。〈女性的脆弱來自於我們惡劣的環境：印度總理獨立日演說，談人民最關切的「強暴」與「廁所」 - The News Lens 關鍵評論網〉。《The News Lens 關鍵評論網》 (中文)。原先內容歸檔喺2017-03-05。喺2017-03-05搵到。
- ↑ 印度尤。〈印度黑暗面？（一）從強暴來看背後的社會議題 | YaoIndia 就是要印度〉。yaoindia.com/ (臺灣中文)。原先內容歸檔喺2021-06-28。喺2021-05-29搵到。
- ↑ 〈陪南蘇丹哭泣她們生下強暴犯的孩子〉。《聯合報》。原先內容歸檔喺2017-03-05。喺2017-03-05搵到。
- ↑ 〈《廣西文革機密檔案資料》（1） by 宋永毅, 国史出版社〉。原先內容歸檔喺2020年3月28號。喺2018年7月24號搵到。
- ↑ 广西文革中骇人听闻的性暴力 互聯網檔案館嘅歸檔，歸檔日期2018年7月16號，.大纪元2017年03月25日
- ↑ 〈醫生文革被屈強姦 37年後還清白 ｜ 蘋果日報〉。《Apple Daily 蘋果日報》 (香港中文)。原著喺2021-06-02歸檔。喺2021-05-29搵到。
- ↑ 【險遭強姦】海航機師爬入房胸襲 香港女導演林淑貞報警 互聯網檔案館嘅歸檔，歸檔日期2018年7月24號，.2018年07月23日
- ↑ 〈詳細罪案統計| 香港警務處〉。原先內容歸檔喺2017年11月19號。喺2017年11月28號搵到。
- ↑ 電子版香港法例：意圖作出肛交而襲擊 互聯網檔案館嘅歸檔，歸檔日期2020年9月8號，.118B.意圖作出肛交而襲擊：任何人襲擊另一人，意圖作出肛交，即屬犯罪，一經循公訴程序定罪，可處監禁10年。(由1991年第90號第3條增補)
- ↑ [[[華沙起義]]時，雖然1944年7月29號蘇聯紅軍就去到維斯瓦河東岸，但就因親唔親共問題無支援波蘭抵抗軍，因為史太林只想要幫波蘭親蘇派建立社會主義國家傀儡政權。反而之後大局已定，紅軍先至入城，但一入去就開始進行共產恐怖主義統治強姦同搶劫；另一方面就係同美國鬥快打劫納粹制V2火箭，正正係批評聲音中「共匪」，詳細見內連：蘇聯戰爭罪行。]
- ↑ 〈2.2萬志願軍被俘 逾半選擇赴台 戰俘分隔兩岸命運懸殊 ｜ 蘋果日報〉。《Apple Daily 蘋果日報》 (香港中文)。原著喺2021-06-02歸檔。喺2021-05-29搵到。
- ↑ 〈軍中妖姬湯燦染愛滋中共高層恐慌- 中時電子報〉。原先內容歸檔喺2017年8月15號。喺2017年12月2號搵到。
- ↑ 〈谷俊山案：賄賂徐才厚求脫困 共享妖姬湯燦 - 東網即時 2015年08月10〉。原先內容歸檔喺2016年2月29號。喺2017年12月2號搵到。
- ↑ 〈吸鬼案事主否認求玩3P - 太陽報〉。the-sun.on.cc。原先內容歸檔喺2010-07-04。喺2021-05-29搵到。
- ↑ 〈迷姦水禁之不絕 《蘋果》直擊光天化日鬧巿交易 ｜ 蘋果日報〉。《Apple Daily 蘋果日報》 (香港中文)。原著喺2021-06-02歸檔。喺2021-05-29搵到。
- ↑ 〈青年社區法網 - 個案短片 - 醉姦〉。youth.clic.org.hk。原先內容歸檔喺2021-06-28。喺2021-05-29搵到。
- ↑ 〈事主被指「執屍」帶被告返家強姦 ｜ 蘋果日報〉。《Apple Daily 蘋果日報》 (香港中文)。原先內容歸檔喺2021-06-28。喺2021-05-28搵到。
- ↑ 〈林鄭連任是同香港民意為敵（劉細良） ｜ 蘋果日報〉。《Apple Daily 蘋果日報》 (香港中文)。原著喺2021-05-27歸檔。喺2021-05-29搵到。
- ↑ 〈存档副本〉。dict.revised.moe.edu.tw。原著喺2021-06-02歸檔。喺2021-05-29搵到。