達姆彈

達姆彈、開花彈（英文：Dumdum bullets）又稱「入身變形彈」或者「炸子」，係一種含鉛重金屬子彈。佢貫穿力差，主要對象係生物，造成大範圍，無定向擴張型傷害，長遠鉛中毒。子彈本身口徑無統一，「手狗（手槍）」或「長火（步槍）」都用得，強大破壞力同廉價，就算1899年「海牙公約」已列禁用。不過，有啲國家重好愛佢，內政鎮壓時會用，個別小國重會唔守規矩對外交戰時使用。

射前係中空型彈頭同剖面（1、2），同埋打中獵物後彈頭殘品（3、4、5）。見到彈頭破壞效果。1870年畫。

開發

達姆彈一種典型--平頭型

19世紀末，英屬印度用.303英吋英式子彈做基礎，成功研發出第一種「開花彈」。近代，經過薩達姆政權同中華人民共和國改良，到兩伊戰爭上同六四事件鎮壓上，達到一定目的。

實例

軍事用

以巴衝突

2013年，以色列國防軍用達姆彈喺巴勒斯坦希伯崙附近，擊斃咗一位青少年。

六四清場

中國大陸六四事件時，中共解放軍用實彈鎮壓國民一事，有關注指控就係「炸子」達姆彈。另外，英國駐華大使唐納德得悉強硬派領導鄧小平當年5月就表明：「殺200人，保中國20年穩定」立場。2018年中華民國總統蔡英文籲中國大陸正視歷史，國台辦並未正面回應。

警民實例

2011年挪威爆炸同槍擊事件

「2011年挪威爆炸同槍擊事件」發生69個人被槍殺。7月22號，布雷維克將達姆彈裝上自動步槍同霰彈槍後，向挪威烏托亞島上多人開槍。

國際公約

• 1868年聖彼得堡宣言
• 1899年海牙公約
• 1977年日內瓦協定
• 國際法