邱帶娣
邱帶娣，BBS，MH，係香港建制陣營（親中派）政治人物，而家係新界社團聯會成員，曾經係元朗區議員，但係喺2015年香港區議會選舉輸咗畀泛民主派嘅杜嘉倫。
議員生涯
編輯邱帶娣由1988年開始做新界北郊選區其中一名區議員。1991年新界北郊選區分拆成新田選區同埋錦綉花園選區，邱帶娣做咗錦綉花園選區議員廿四年。
2011年錦綉花園美食廣場嘅小商戶被終止合約，一啲錦綉嘅居民發起行動反抗，並尋求身為當區區議員嘅邱帶娣求助。但係，邱帶娣對事件不聞不問，仲抹黑參與呢次行動嘅年青人唔係當區居民[1]。
喺2015年香港區議會選舉，佢喺自己嘅錦綉花園選區角逐連任，對手包括新思維梁煒堃，同埋因為2011年錦綉花園美食廣場事件而參選嘅泛民主派杜嘉倫[1]。最終佢以230票之差，輸咗畀杜嘉倫[2][3]，四年後，佢嘅徒弟張弓發喺錦綉花園選區參選，但係，張弓發所屬嘅經民聯整體選情受制於香港修例風波，一樣要輸畀杜嘉倫。
喺2021年9月，佢成為香港特别行政區選舉委員會委員(新界分區委員會、地區撲滅罪行委員會及地區防火委員會委員代表)[4]。2022年，佢喺李家超無提政綱嘅情況下，有份提名李家超參與2022年香港行政長官選舉[5]。
參考
編輯- ↑ 1.0 1.1 〈元朗傘兵杜嘉倫爭連任：無負當初承諾 | 獨媒報導〉。《香港獨立媒體網》。2019-11-22。喺2021-04-07搵到。
- ↑ 〈2015區議會選舉專頁 立場新聞〉。《2015區議會選舉專頁 立場新聞》。原著喺2015-12-26歸檔。喺2021-04-07搵到。
- ↑ 〈2015年區議會選舉 - 選舉結果(元朗)〉。www.elections.gov.hk。喺2021-04-07搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈一文看清李家超786張提名〉。《信報網站 hkej.com》。喺2022-09-02搵到。