郭得勝家族新鴻基地產創辦人郭得勝嘅家族,祖籍中山石岐。目前郭氏嘅第三代已經開始接手公司嘅生意。

家族史 編輯

郭得勝屋企本身喺廣州係做雜貨批發生意[1],二戰打完之後佢落咗嚟香港,1952年搞咗鴻昌進出口公司,專門代理YKK拉鏈,更加有「洋雜大王」嘅稱號。

1958年,郭得勝在內嘅8個商人合組「永業公司」。到1963年,佢再同當中嘅馮景禧李兆基合組新鴻基公司,有「三劍俠」嘅美譽。後來三個人拆夥,馮景禧攞咗新鴻基嘅金融業務;李兆基就自立恆基地產;郭得勝就繼續經營新鴻基嘅地產業務。

1980年,郭得勝自大女郭燕萍因癌早死[2]之後,健康都一直每況愈下,新鴻基嘅業務就落喺郭得勝嘅三個仔(郭炳湘、郭炳江、郭炳聯)身上,三人合稱「郭氏三兄弟」。

後來三兄弟因為大佬郭炳湘嘅紅顏知己以及其他問題,三兄弟反面。郭炳湘主席個位畀阿媽鄺肖卿出山取代。之後再交由郭炳江、郭炳聯做聯席主席。

郭炳湘後來自立帝國集團,脫離家族生意。

自從郭得勝死咗,鄺肖卿變咗成個家族嘅靈魂人物,負責喺三兄弟之間同家族事務上協調。[3]

現況 編輯

郭炳湘自立帝國集團,喺佢死咗之後,佢嘅仔女開始接手公司嘅業務。新鴻基嘅業務喺郭炳湘被踢出局之後,已經交俾郭炳江、郭炳聯兩人去做,後來郭炳江坐監,郭炳江個仔郭基煇就開始多咗參與公司業務。 而郭得勝本身代理嘅YKK拉鏈業務後來交咗俾細佬郭得標打理,之後由二仔郭炳炎繼承,三仔郭炳濠就喺李兆基嘅恆基地產做嘢,依家係董事;大仔郭炳燊依家幫緊新鴻基收樓[4]

另外,郭得勝嘅舅仔鄺準一家亦都喺新鴻基打工,佢主要負責物業管理嘅部分。

上市公司 編輯

有股權,但唔係大股東:

家族聯姻 編輯

黃允畋家族有一段姻親關係:

  • 郭婉君=黃宜通

顧林慶家族有一段姻親關係:

呂明才家族有一段姻親關係:

李兆基家族有一段姻親關係:

  • 郭兆聰=李敬儀

家族成員 編輯

根據郭得勝死嗰時嘅訃聞同埋後來其他新聞綜合得知:

參考 編輯