鄭則士Kent Cheng1951年5月23號—),人稱Kent哥、肥Kent,係香港男演員,1986年1997年兩屆香港電影金像獎最佳男主角。

鄭則士
男演員
英文名Kent Cheng
花名肥Kent
國籍 中國香港
出世 (1951-05-23) 1951年5月23號(72歲)
 英屬香港
職業演員
香港電影金像獎最佳男主角

生平 編輯

鄭則士喺香港出世,自細就對演戲有好大興趣。佢自己話,細個父母間中帶佢去戲院睇粵語片,佢見童星馮寶寶有時做乞兒妹,有時做皇帝女,覺得好好玩。讀小四嗰陣寫作文《我的志願》,佢寫「要做明星」,畀老師鬧貪慕虛榮,撕爛篇文,要佢由頭作過。[1]

佢書讀到中一,因為屋企窮決定唔返學,等父母能夠供細佬妹繼續讀。街坊介紹佢去珠寶首飾工場做學徒。佢話,每個月人工20蚊剃頭錢,三年半後,加至600蚊,算係大師傅,喺景福返工,晚黑加班造金吊墜,一晚額外賺百幾蚊,1970年代初月入千幾元,相當唔錯。做咗金飾師傅十年,佢去參加無綫電視嘅做戲比賽節目《聲寶片場》,攞咗獎獲簽約,要放棄金飾工作轉行。佢屋企人覺得佢放棄月薪2000蚊來轉份400蚊嘅工痴線,卒之佢阿媽支持佢。[1]

鄭則士係喺1972年加入咗電影公司藝員訓練班入行,但只係做二打六。到1976年佢加入無綫電視,先參與咗好多劇集嘅演出。佢第一部出場嘅劇集係1976年長篇劇《狂潮》,飾演一個私家偵探。1979年佢喺劇集《四眼神探》入面第一次做主角。除此之外佢重演出咗《強人》、《流氓皇帝》、《二人三足》、《獵鷹》等等劇集。

但鄭則士喺電視界只係打滾咗幾年,就喺1980年佢開始全心參與電影演出。佢第一部電影係周潤發主演嘅《灰靈》。其間佢唔但只做演員,重做埋導演以至監製。好似1985年佢執導咗《何必有我》,喺入面飾演「肥貓」呢個角色,就成功贏得香港電影金像獎最佳男主角。鄭則士成日話呢個角色係佢出道以來最鍾意嘅,所以之後佢喺1988年搵嚟張曼玉同其他演員,拍攝咗《何必有我》續集《肥貓流浪記》。

出道以嚟鄭則士以一身肥胖嘅形象示人,以精湛同具火喉嘅演技出名。因為身形關係,出任主角嘅作品唔多,但演技成日都俾人誇讚。九十年代佢一直參與警匪片嘅演出:喺李連杰主演嘅《中南海保鑣》飾演一個幫辦;喺《四大探長》飾演一個沙展;喺成龍嘅《重案組》飾演一個貪污警員。呢啲警匪片使到佢塑造出警長嘅形象。其後佢終於憑住《三個受傷的警察》,喺1996年再度贏得香港電影金像獎最佳男主角。

佢喺1993年靠參演萬梓良嘅《龍兄鼠弟》返番無綫電視,但佢喺無綫所演嘅劇集好少。由於覺得唔受到重用,佢決定喺1997年轉投亞洲電視。喺亞視佢先演出咗「肥貓」系列嘅劇集,無耐佢開始演繹一啲歷史人物,好似孫子蘇東坡等等,吸引咗一啲唔鍾意亞視嘅觀眾特登轉台欣賞佢嘅演出。

佢喺九十年代曾經同朋友合資開電影公司,不過因市道唔好欠債過千萬,不過重有阿媽同老婆陪佢度過難關[2]

近年佢主力喺大陸拍劇,直到2006年先至再選擇重返無綫。

2019年參與劇集《荷里活有個大老千》,同王子涵、吳業坤同埋BabyJohn等新人合作[3]

演出作品 編輯

電影 編輯

電視劇(無綫電視 編輯

電視劇(亞洲電視 編輯

電視劇(其他) 編輯

參考 編輯

  1. 1.0 1.1 則仕專訪1講就喊 感激媽媽容許追夢. (美國英文). 2019-09-17. 原著喺2019-12-28歸檔. 喺2019-12-28搵到.
  2. 則仕專訪2運娶美女 由破產變人上人. (美國英文). 2019-09-17. 原著喺2019-12-28歸檔. 喺2019-12-28搵到.
  3. . (美國英文). 2019-02-09. 喺2019-05-22搵到.

連出去 編輯