釜山鎮區

釜山鎮區（粵音：fu² saan¹ zan³ keoi¹）係韓國釜山轄下嘅區。面積29.7km²，人口38萬（2010）。喺釜山廣域市中心，係釜山嘅購物、貿易、娛樂中心。

史

喺1914年釜山府初設之際，釜山鎮區重喺府外，係屬東萊郡嘅，1936年歸釜山府。

1914年4月1號，東萊郡西面成立。
1936年4月1號，西面編入釜山府，設釜山鎮出張所。
1957年1月1號，釜山市嘅釜田洞、凡田洞、蓮池洞、草邑洞、楊亭洞、田浦洞、釜岩洞、堂甘洞、開琴洞、伽倻洞、大淵洞、龍湖洞、勘蠻洞、牛岩洞、龍塘洞、門峴洞，再加埋凡一洞嘅一部分，合併爲釜山鎮區。
1963年慶尚南道東萊郡嘅龜浦邑、沙上面歸入釜山鎮區。
1975年10月1號，釜山鎮區分出一部分（大淵洞、龍湖洞、龍塘洞、勘蠻洞、牛岩洞、門峴洞），同東萊區一部分、東區一部分合併爲南區。
1978年2月15號，又分出兩部分：鶴章洞一部分畀咗西區；一大部份（龜浦洞、金谷洞、華明洞、德川洞、萬德洞、德浦洞、三樂洞、毛羅洞、掛法洞、甘田洞、周禮洞、鶴章洞、嚴弓洞）同慶尚南道金海郡大渚邑嘅鳴旨面、駕洛面合併爲北區。

釜山鎮區轄11個法定洞，共25個行政洞。