弦 (樂器)

弦jyun4（英文：string），有啲樂器嘅樂手跟英文叫綫，係多種樂器出聲嘅音源，爾類樂器叫弦樂器。弦嘅功能係樂手用件樂器嗰陣，透過振動而發出聲，例如小提琴同結他都有明顯、由件樂器外部睇得到嘅弦^[1]。

至於弦嘅振動係由乜嘢引起，就睇樂器種類而定。結他同豎琴等等叫撥弦樂器嘅爾啲，正常係靠樂手搵手指彈啲弦，嚟令啲弦出現振動；提琴同粵胡等等叫弓弦樂器嘅爾啲，就正常係靠樂手用一支弓拉啲弦嚟引起振動；至於鋼琴等等叫擊弦樂器嘅爾啲，就正常係靠琴鎚打落啲弦度嚟引起振動。

弦出嘅聲會好細，要放大先聽到；將聲放大有兩種方法，傳統方法係駁音板，用電嘅話就係駁拾音器。

睇埋

↑ Rossing, Thomas (2010). The Science of String Instruments (PDF). Stanford, CA: Springer Science+Business Media, LLC. pp. 20–21.

呢篇弦 (樂器)係一篇關於音樂嘅楔位文章。你可以編輯呢版充實內容。