開主選單

香港公開大學

香港一間公立大學
香港公開大學標誌

香港公開大學英文The Open University of Hong Kong,簡稱:公大,縮寫:OUHK),1997年之前叫香港公開進修學院,係位於香港九龍何文田嘅法定大學,以「有教無類」同「寬進嚴出」為辦學精神。大學喺1989年由香港政府成立,本部由四間學院組成,分別係人文社會科學院、李兆基商業管理學院、科技學院同教育及語文學院。大學擁有自行評審資格,可以頒授學位至榮譽博士各級學銜。香港公開大學係香港第一間主要採用遙距教學方式嘅大學,2001年起開辦全日制課程,並喺2007年起參與大學聯合招生辦法(JUPAS)收生。現任校長係黃玉山教授。

教學模式

遙距教學

遙距課程係香港公開大學由創辦至今一直開辦嘅課程。大學會向報讀遙距課程嘅學生派發自學教材,部分課程更包括互動電腦光碟、視像光碟同電腦軟件等教學媒體[1]。大學嘅導師會喺平日夜晚或星期六日定期舉行導修課(Tutorial)、補習式指導(Surgery)。遙距課程冇規定學生一定要去上堂,但係部分遙距課程規定學生一定要出席特定嘅課堂或實驗堂。此外,大學會安排導師喺指定嘅時間透過電話電郵或用互聯網為學生提供指引同協助。導師亦會根據學生完成嘅功課畀評語,幫助學生學習。

雖然大部分遙距課程採用開放入學模式,冇入學學歷限制,亦冇規定要讀幾耐,但係學生一定要喺修讀課程期間完成指定功課(TMA或CMA),並喺期終考試合格,先至可以獲得嗰科嘅學分。此外,每一個遙距課程,包括文憑同學位課程,都設有修讀規則,學生一定要遵循修讀規則,累積指定科目嘅學分,先至可以申請嗰個課程嘅學歷證書。

全日制面授教學

全日制課程係香港公開大學近年主力發展嘅課程[2],同其他大學嘅全日制課程相似,以演講課堂(Lecture)同導修課堂(Tutorial)作為學習方式,部分課程更包括實驗同實習。面授課程主要分為全日制同兼讀制兩種,部分全日制面授學位課程已經加入大學聯合招生辦法(JUPAS)

出面網頁

參考

  1. "何謂遙距學習". 香港公開大學. 喺2013-07-29搵到. 
  2. "全日制課程". 香港公開大學. 喺2013-07-29搵到.