鑽石山火葬場（英文：Diamond Hill Crematorium）係香港一個由食物環境衛生署管理嘅火葬場，位於九龍黃大仙蒲崗村道199號。正門入口門廊牌坊有一副對聯，上聯「造物本無憑須知哲同歸愚同萎」，下聯「陰陽今異路但願留者壽去者安」。
因為鑽石山火葬場鄰近富山邨，而舊時又有富山公眾殮房（實際喺沙田區大圍）附設火葬場，過去有啲市民會混淆兩者，但隨住新界（沙田）法醫學大樓取代咗富山公眾殮房，唔會再出現混淆嘅情況。
