流動應用程式製作

流動應用程式製作顧名思義係指整流動應用程式（粵拼：ep1 si2）嘅過程。

2015 年有班人喺度開發 ep1 si2。

跟住落嚟嘅內容，假設讀者經已識嗮程式編寫同軟件工程嗰啲基本概念。

步驟

睇埋：軟件工程、程式編寫同工程學設計過程

開發流動應用程式嘅過程可以幾撈絞，主要有以下講到嘅步驟：

• 度橋：任何設計同開發產品嘅過程，開頭嗰陣都係要界定好件產品「要達到咩目的」－開發者要同 clientclaai1 an4 傾掂佢，講好嗮隻 ep1 si2 要達致啲乜嘢功能，亦要決定隻 ep1 si2 要係靠本機定網頁嚟行。
• 設計：開發者跟住就要郁手設計隻 ep1 si2，包括諗吓隻 ep1 si2 要有邊啲組成部份，每個組成部份要有點樣嘅 input-output 關係；除此之外，開發者仲有必要度吓隻 ep1 si2 望落要係點嘅樣，亦要預想吓用家體驗會係點－「預想用家體驗」包括諗吓用家會想用隻 ep1 si2 達成咩目的、每個目的會要求用家撳邊啲掣、同埋每個目的要經過嗰啲步驟係咪會令用家愉快（或者至少唔會搞到用家唔舒服）... 呀噉。可以睇埋 CG 方面嘅嘢。
• 郁手：即係實際噉郁手編寫隻 ep1 si2，而呢個工序會用到好多唔同嘅整合開發環境（IDE），例如喺 2020 年代，Android Studio 就係一隻成日畀人攞嚟開發 Android ep1 si2 嘅 IDE，包含咗多種功能，包括畀用家編輯隻 ep1 si2 嘅用家介面，仲包括埋模擬器，開發者有得喺自己部 PC 度模擬「隻 ep1 si2 喺 Android 上面行嗰陣會係點嘅樣」。
• 整合：整合由第三方提供嘅服務；有唔少 ep1 si2 都要配合第三方嘅服務嚟用，開發者要試吓將隻 ep1 si2 結合落去呢啲服務度，睇吓行起上嚟係點。
• 測試同 debug
• 出街：將隻 ep1 si2 放出街畀人用；開發者跟住仲可以收集啲用家用完之後嘅意見，睇吓隻 ep1 si2 有冇嘢需要改良。

睇埋

• 流動應用程式