陳偉霆

陳偉霆
陳偉霆
	陳偉霆2018年喺上海
男藝人
羅馬拼音	Chan Wai Ting
英文名	William Chan
花名	飽飽，等等，大師兄，佛爺，的士陳
國籍	中國（香港）
籍貫	廣東雲浮
出世	1985年11月21號（38歲）; 英屬香港
職業	歌手; 舞者; 演員;
語言	粵語; 國語; 英文;
教育程度	耀中國際學校中七畢業
音樂類	粵語流行曲; 華語流行曲;
演奏樂器	人聲
出道地	香港
出道日期	2006年， 18年之前
出道作品	歌：《Taxi》（2008）; 專輯：《Will Power》（2008）
代表作品	《前度》; 《紮職》; 《古劍奇譚》; 《老九門》; 《橙紅年代》; 《醉玲瓏》
出名角色	陳均平《前度》; 阿霆《紮職》; 陵越《古劍奇譚》; 張啟山《老九門》; 劉子光《橙紅年代》 ; 元凌《醉玲瓏》
活躍年代	2006年至依家
唱片公司	英皇娛樂（2006年至依家）
經紀公司	英皇娛樂（2006年至依家）
網站	陳偉霆嘅新浪微博
相關團體	Sun Boy'z（2006年－2008年）
	網路電影資料庫（IMDb）資訊

陳偉霆（英文：William Chan；1985年 11月21號—），係中國大陸發展嘅香港男歌手、舞者同演員。2006年6月，陳偉霆以新成員身份加入張致恆、麥子豪嘅組合Boy'z（後改名做Sun Boy'z），開始建立跳舞歌手嘅形象。2013年開始進軍中國大陸市場。

經歷

早年

1985年11月21號，陳偉霆響香港出世，祖籍廣東雲浮。佢響聖若瑟英文中學讀中一至中五，中六至中七就讀耀中國際學校^[2]。

響耀中國際學校畢業之後，當時只有18歲嘅佢參加咗由無綫電視主辦嘅全球華人新秀歌唱大賽香港區選拔賽，攞到「金咪大獎」（冠軍）、「勁舞臺風演繹獎」同埋「自我才華表演獎」。佢為咗出道做藝人，因而放棄咗原先可以到英國升大學嘅機會，同年簽約英皇娛樂^[2]。

香港發展（2003 - 2013）

2007年SUN BOY'Z響蘭桂坊嘉年華，由左至右分別係麥子豪、陳偉霆、張致恆

陳偉霆響入娛樂圈早期並冇乜job接，除咗主持翡翠台嘅《迪士尼開心星期六》之外，根本就冇其他嘢做，試過三年冇工上門^[3]。直至2006年6月，陳偉霆響經過訓練後，正式加入Boy'z（之後改名叫Sun Boy'z）^[4]。

2008年4月，陳偉霆話為咗更好嘅個人發展，正式退出Sun Boy'z，係繼關智斌之後第二位退出Boy'z嘅人^[5]。無耐，佢就發表咗個人第一張專輯《Will Power》，一下攞咗四個新人金獎。

除此之外，佢亦開始轉戰電影、配音界。2007年，當佢仲係Sun Boy'z成員個陣，佢已經接咗《羅拔神奇家族》、《閃閃的紅星之孩子的天空》等漫畫片，後嚟亦先後為《怪獸大戰外星人》（泡泡）、《超鼠特攻》（一哥）、《開運兔》（主角E.B.）等配音。電影方面，佢響2009年第一次拍電影，作品係《竊聽風雲》；同年聯同鄧紫棋、詩雅主演《愛出貓》。2010年，佢同鐘欣桐主演《前度》，之後又拍過《得閒炒飯》、《紮職》、《出軌的女人》等電影。

雖然陳偉霆已經向多方位全面發展，但係佢嘅人氣依然冇上升。

轉戰大陸（2013 -）

2013年，陳偉霆決定將工作重心轉移到大陸，2月尾首次接拍《少年四大名捕》；同年7月簽入阿諾工作室，接拍咗《古劍奇譚》，《古劍奇譚》成為全國同時段電視劇收視率第一，佢亦籍住角色「陵越」打開知名度。2014年1月，佢憑住災難電影《救火英雄》嘅「張文健」一角獲澳門國際電影節最佳男配角。同年又憑住《男人不可以窮》嘅「薛可勇」攞到歐洲萬像國際華語電影節最佳青年男演員。

2015年5月，佢憑住《古劍奇譚》「陵越」獲得上海電視節白玉蘭獎最佳男配角提名。跟住佢又拍咗《搏擊迷城》同古裝劇《蜀山戰紀之劍俠傳奇》。

2016年，佢出演嘅作品《因為愛情有幸福》、《那件瘋狂的小事叫愛情》、電影《爵跡》上映。同年8月27號佢響北京搞個人第一場巡迴演唱會「Inside Me 2016」，第二次同第三次演唱會分別響上海同南京搞。

2017年，佢分別響重慶同廣州搞「Inside Me 2017」演唱會。4月24號，佢憑住響《老九門》嘅「張啟山」一角入駐上海杜莎夫人蠟像館。7月13號，由佢主演嘅《醉玲瓏》正式上映。同年打入「2017福布斯中國名人榜」，係第21位^[6]。

2018年，佢憑住響演唱會嘅造型入駐北京杜莎夫人蠟像館。

2020年，本身打算響3月搞嘅演唱會因為疫情而推遲咗。

個人生活

陳偉霆係響三姐弟入面年紀最細嘅，老豆因為癌症早走，由阿媽一手養大^[7]。

2005年，當時20歲嘅陳偉霆因為主持《香港迪士尼樂園Viva! Club Disney》而識咗16歲嘅Angelababy，兩個人之後拍拖，甚至已經係接近同住嘅關係，直至2010年分手。據指呢段感情係因為大陸男演員黃曉明嘅介入而分開。黃曉明唔承認，就話：「唔可能！我冇咁大魅力掛？而我都唔知道陳偉霆係乜水。」（原文：「不可能！我沒這麼大魅力吧？而我不知道陳偉霆是誰。」）^[6]

「而我不知道陳偉霆是誰」成為啲人攞嚟笑陳偉霆「冇名氣」嘅字句。陳偉霆響2012年發表首歌《我是誰》嚟自嘲。響2013年轉戰中國大陸後，陳偉霆憑住《古劍奇譚》、《救火英雄》、《老九門》、《醉玲瓏》等作品已經響中國有住一定嘅知名度，但響香港知名度依然唔高^[6]。

2010年，陳偉霆同蔡卓妍承認拍拖，兩個人響之前拍電影《美麗密令》嗰陣撻著。無耐舊愛Angelababy就踢爆陳同蔡拍拖唔止三個月，係背叛雙方嘅另一半中開始^[8]。2015年兩個人宣佈分手^[9]。

2021年，佢畀人爆出同模特何穗拍緊拖，仲畀人影到一齊出入男方屋企^[10]。

音樂作品

有關SUN BOY'Z時期出嘅專輯，請睇SUN BOY'Z音樂作品。

個人專輯

Will Power（2008年）
戰士（2009年）
Do You Wanna Dance（2010年）
Heads or Tails（2010年）
WOW（2011年）
Pop It Up（2012年）

演藝

獎項

個人

年份	獎項
2003年	全球華人新秀歌唱大賽香港區選拔賽 - 金咪大獎全球華人新秀歌唱大賽香港區選拔賽 - 勁舞台風演繹獎全球華人新秀歌唱大賽香港區選拔賽 - 自我才華表演獎
2008年	Yahoo!搜尋人氣大獎2008 - 樂壇新勢力（男歌手） 2008年度新城國語力頒獎禮 - 新城國語新勢力歌手 2008年度新城勁爆頒獎禮 - 新城勁爆新人王（男歌手） 2008年度新城勁爆頒獎禮 - 新城勁爆跳舞歌曲（Taxi） 2008年度PM第七屆樂壇頒獎禮 - 舞台人氣熱爆男新人 2008年度PM第七屆樂壇頒獎禮 - 全方位躍進男新人 2008年度PM第七屆樂壇頒獎禮 - 飛躍舞台演繹獎
2009年	2008年度叱咤樂壇流行榜頒獎典禮 - 叱咤樂壇生力軍男歌手金獎 2008年度十大勁歌金曲頒獎典禮 - 最受歡迎新人獎（男）（金獎） SINA Music樂壇民意指數頒獎禮2008 - 我最喜歡男新人（金獎）第三十一屆十大中文金曲頒獎音樂會 - 最有前途新人獎（金獎） IFPI香港唱片銷量大獎頒獎禮2008 - 最暢銷本地男新人 2009勁歌金曲優秀選第二回得獎歌曲 - 今天終於知道錯 Yahoo!搜尋人氣大獎2009 - 人氣MV（今天終於知道錯） 2009年度新城勁爆頒獎禮 - 新城勁爆跳唱歌手 2009年度新城勁爆頒獎禮 - 新城勁爆人氣歌手 2009年度新城勁爆頒獎禮 - 新城勁爆改編歌曲（今天終於知道錯）
2010年	2009年度十大勁歌金曲頒獎典禮最受歡迎改編歌曲獎 - 銅獎（今天終於知道錯） 2010勁歌金曲優秀選第一回得獎歌曲 - Do you wanna dance 2010勁歌金曲優秀選第三回得獎歌曲 - 尾巴 Yahoo!搜尋人氣大獎2010 - 人氣MV（穿心箭） 2010年度新城國語力頒獎禮 - 新城國語力跳舞歌曲（Do You Wanna Dance） 2010年度新城國語力頒獎禮 - 新城國語力跳唱歌手 2010年度新城勁爆頒獎禮 - 新城勁爆跳唱歌手 2010年度新城勁爆頒獎禮 - 新城勁爆跳舞歌曲（Do You Wanna Dance）
2011年	2010年度十大勁歌金曲頒獎典禮 2010年度傑出表現獎 - 金獎 2010年度音樂先峰榜 - 跳舞歌手 2010年度音樂先峰榜 - 最佳合唱歌曲（就在現場） 2011年度新城勁爆頒獎禮 - 新城勁爆跳唱歌手 2011年度新城勁爆頒獎禮 - 新城勁爆跳舞歌曲（Baby Don't Cry）
2012年	SINA Music樂壇民意指數頒獎禮2011 - SINA Music 跳舞歌曲大獎（Baby Don't Cry） 2011年度十大勁歌金曲頒獎典禮最受歡迎唱作歌星 - 銅獎 2012年度新城國語力頒獎禮 - 新城國語力亞洲跳唱歌手 2012年度新城勁爆頒獎禮 - 新城勁爆跳舞歌曲金獎（女皇） 2012年度新城勁爆頒獎禮 - 新城勁爆亞洲跳唱歌手大獎
2013年	第五屆澳門國際電影節 - 最佳男配角（救火英雄）第六屆歐洲萬像國際華語電影節 - 英國萬像國際華語電影節最佳青年男演員（男人唔可以窮）
2014年	2014溫德姆星月榜樣盛典 - 年度最受歡迎人氣演員安徽衛視 2014國劇盛典 - 最受歡迎全能藝人安徽衛視2014國劇盛典 - 年度電視劇媒體最期待演員 Yahoo!搜尋人氣大獎2014 - 人氣票王尖叫2015愛奇藝之夜 - 最受歡迎男演員獎
2015年	2014優酷全視頻之夜 - 人氣巔峰獎第8屆金芒果電視星光大賞-年度最受歡迎男演員明星權力榜年度港台最受歡迎男演員 2015ELLE風尚大典-年度最具風尚跨界歌手尖叫2016愛奇藝之夜-年度音樂大獎微博之星-影響力十大香港娛樂名人 Yahoo!搜尋人氣大獎2015 - 人氣票王尖叫2016愛奇藝之夜 - 最具人氣偶像
2016年	2016全球移動互聯網大會 - 2016互聯網時代泛華語地區最受關注男演員 2015 IFPI香港唱片銷量大獎 - 十大銷量國語唱片：《等等》 2015 IFPI香港唱片銷量大獎 - 十大銷量本地歌手尖叫2017愛奇藝之夜 - 年度人物獎
2017年	I-MAGAZINE亞洲時尚面孔排行榜－第14名
2018年	I-MAGAZINE亞洲時尚面孔排行榜－第27名
2019年	福布斯中國名人榜－第23名^[11]
2020年	福布斯中國名人榜－第40名第8屆温哥華華語電影節最受歡迎男演員^[12]

Sun Boy'z時期

年份	獎項
2006年	2006年度新城勁爆頒獎禮 ——新城勁爆新人王（組合） 2006年度RoadShow至尊音樂頒獎禮 ——至尊新組合樂隊第二十九屆十大中文金曲 ——最有前途新人獎（優異獎）廣州電台《2006金曲金榜》——最佳新人組合（港台及海外地區部份）《9+2音樂先鋒榜》——港台最受歡迎新人獎（組合）加拿大中文電台《加拿大至Hit中文歌曲排行榜06年總選》——全國推崇新組合第四屆《勁歌王》年度總選頒獎典禮 ——最有前途新組合（香港）第四屆《勁歌王》年度總選頒獎典禮 ——網絡人氣組合（香港）
2007年	2007年度新城勁爆頒獎禮 —— 新城勁爆合唱歌曲《3+1=1》（同關智斌合唱） RoadShow《至尊音樂頒獎禮2007》 —— 至尊合唱歌曲《3+1=1》（同關智斌合唱） RoadShow《至尊音樂頒獎禮2007》 —— RoadShow至尊舞臺演繹《步步進逼》

參考

↑ TOPick柴犬出動 (2019年5月27日)。〈陳偉霆拍CHANEL廣告曬港式英文　蕭叔叔林作為William示範英式口音〉。香港經濟日報。原先內容歸檔喺2019年5月30日。喺2019年8月17日搵到。
↑ ^2.0 ^2.1 〈陳偉霆拍CHANEL廣告晒港式英文蕭叔叔林作為William示範英式口音【有片】 - 香港經濟日報 - TOPick - 娛樂〉。topick.hket.com。喺2021-05-10搵到。
↑ ETtoday新聞雲。〈陳偉霆曬爸媽51年牽手舊照！「帥臉神複製」基因太強啦 | ETtoday星光雲 | ETtoday新聞雲〉。star.ettoday.net (繁體中文)。喺2021-05-10搵到。
↑ Cheung, Kay。〈90後回憶紅歌唔紅人！Boy'z出道15年星途迂迴曲折 | 港生活 - 尋找香港好去處〉。《HK 港生活》 (香港中文)。喺2021-05-10搵到。
↑ 〈陳偉霆：梁洛施英皇決裂可惜 - Yahoo! 新聞〉。web.archive.org。2008-04-24。歸檔時間2008-04-24。喺2021-05-10搵到。{{cite web}}: CS1 maint: bot: original URL status unknown (link)
↑ ^6.0 ^6.1 ^6.2 〈【的士上位大法】陳偉霆首次打入福布斯中國名人榜，為香港排名第二高藝人 - BusinessFocus｜PressLogic〉。web.archive.org。2017-10-04。歸檔時間2017-10-04。喺2022-04-08搵到。{{cite web}}: CS1 maint: bot: original URL status unknown (link)
↑ 新假期 (2020-08-15)。〈盤點陳凱琳、張寶兒、陳偉霆等25個富二代明星驚人身家大揭秘原來係有錢人！｜影視娛樂 | 影視娛樂〉。《新假期》 (美國英文)。喺2021-05-10搵到。
↑ 〈Baby認黐身：依家好開心 - 東方日報〉。orientaldaily.on.cc。喺2022-04-09搵到。
↑ 〈蔡卓妍陳偉霆宣布五年情玩完｜即時新聞｜東網巨星｜on.cc東網〉。web.archive.org。2018-06-24。歸檔時間2018-06-24。喺2022-04-08搵到。{{cite web}}: CS1 maint: bot: original URL status unknown (link)
↑ 陳芷穎 (2021-08-15)。〈陳偉霆被爆與何穗拍拖疑似同居盤點與明星傳緋聞的內地超模〉。《香港01》 (香港中文)。喺2022-04-08搵到。
↑ 〈福布斯中國發布100名人榜，吳京黃渤胡歌位列前三〉。福布斯中國。原先內容歸檔喺2019-08-20。喺2019-10-17搵到。
↑ 〈《碎憶》獲第八屆温哥華華語電影節評委會獎〉。新京報網。喺2020-08-18搵到。

出面網頁

[1] TOPick柴犬出動 (2019年5月27日)。〈陳偉霆拍CHANEL廣告曬港式英文　蕭叔叔林作為William示範英式口音〉。香港經濟日報。原先內容歸檔喺2019年5月30日。喺2019年8月17日搵到。

[:0-2] 2.0 ^2.1 〈陳偉霆拍CHANEL廣告晒港式英文蕭叔叔林作為William示範英式口音【有片】 - 香港經濟日報 - TOPick - 娛樂〉。topick.hket.com。喺2021-05-10搵到。

[3] ETtoday新聞雲。〈陳偉霆曬爸媽51年牽手舊照！「帥臉神複製」基因太強啦 | ETtoday星光雲 | ETtoday新聞雲〉。star.ettoday.net (繁體中文)。喺2021-05-10搵到。

[4] Cheung, Kay。〈90後回憶紅歌唔紅人！Boy'z出道15年星途迂迴曲折 | 港生活 - 尋找香港好去處〉。《HK 港生活》 (香港中文)。喺2021-05-10搵到。

[5] 〈陳偉霆：梁洛施英皇決裂可惜 - Yahoo! 新聞〉。web.archive.org。2008-04-24。歸檔時間2008-04-24。喺2021-05-10搵到。{{cite web}}: CS1 maint: bot: original URL status unknown (link)

[:1-6] 6.0 ^6.1 ^6.2 〈【的士上位大法】陳偉霆首次打入福布斯中國名人榜，為香港排名第二高藝人 - BusinessFocus｜PressLogic〉。web.archive.org。2017-10-04。歸檔時間2017-10-04。喺2022-04-08搵到。{{cite web}}: CS1 maint: bot: original URL status unknown (link)

[7] 新假期 (2020-08-15)。〈盤點陳凱琳、張寶兒、陳偉霆等25個富二代明星驚人身家大揭秘原來係有錢人！｜影視娛樂 | 影視娛樂〉。《新假期》 (美國英文)。喺2021-05-10搵到。

[8] 〈Baby認黐身：依家好開心 - 東方日報〉。orientaldaily.on.cc。喺2022-04-09搵到。

[9] 〈蔡卓妍陳偉霆宣布五年情玩完｜即時新聞｜東網巨星｜on.cc東網〉。web.archive.org。2018-06-24。歸檔時間2018-06-24。喺2022-04-08搵到。{{cite web}}: CS1 maint: bot: original URL status unknown (link)

[10] 陳芷穎 (2021-08-15)。〈陳偉霆被爆與何穗拍拖疑似同居盤點與明星傳緋聞的內地超模〉。《香港01》 (香港中文)。喺2022-04-08搵到。

[11] 〈福布斯中國發布100名人榜，吳京黃渤胡歌位列前三〉。福布斯中國。原先內容歸檔喺2019-08-20。喺2019-10-17搵到。

[12] 〈《碎憶》獲第八屆温哥華華語電影節評委會獎〉。新京報網。喺2020-08-18搵到。

[1]

[2]

[3]

[4]

[5]

[6]

[7]

[8]

[9]

[10]

[11]

[12]