維基百科

鄧紫棋

香港女歌手
  呢篇文章講嘅係歌手。想搵G.E.M.同名專輯，請睇「G.E.M. (專輯)」。
  提示：呢篇文講嘅唔係歌莉雅。

鄧紫棋（粵拼：dang6 zi2 kei4；英文：Gloria Tang Tsz-Kei[1]；1991年8月16號—）[1]，又名G.E.M.（「Get Everybody Moving」，即係「令所有人郁動」）[5]，原名鄧詩穎（粵拼：dang6 si1 wing6；英文：Gloria Tang Sze-wing），係一個香港創作歌手，喺外國擁有「Taylor Swift of China」之稱[4]。2008年7月，以16歲嘅年齡出道，攞咗香港各大樂壇頒獎禮新人金獎。2012年，發行專輯《Xposed》並奪得香港IFPI全年最高銷量香港女歌手。2013年，憑住《Xposed》入圍第24屆金曲獎最佳女歌手，係入圍金曲歌後最年輕嘅女歌手[6]。2013年12月，加盟湖南衛視《我是歌手》第二季成為首發歌手，喺4月4號總決賽攞亞軍。喺節目嘅亮眼表現而喺大中華地區好快紅咗[7][8]。

鄧紫棋
G.E.M.
鄧紫棋（2021年4月）
女歌手
原名鄧詩穎[1]
羅馬拼音Tang Sze-wing
英文名Gloria Tang[2]
花名
  • 宇宙G.E.M.[3]
別名Taylor Swift of China[4]
國籍中國（香港） 中國（香港）
民族漢族
出世 (1991-08-16) 1991年8月16號（33歲）
中國 中國上海
屋企香港 香港新界荃灣柏傲灣
職業
  • 歌手
  • 詞曲作家
  • 唱片監製
  • 演員
語言
教育程度香港演藝學院（肄業）
母校
宗教信仰基督教
音樂類
演奏樂器
  • 人聲
  • 鋼琴
  • 結他
  • 爵士鼓
出道地香港 香港
出道日期2008年7月10號， 16年之前 (2008-07-10)
出道作品《G.E.M.》（EP）
代表作品
活躍年代2008年－依家
唱片公司
經紀公司
  • 蜂鳥音樂（2008年－2019年）
  • G-Nation（2019年－）
網路電影資料庫（IMDb）資訊
獎
十大中文金曲頒獎典禮
優秀流行歌手大獎
2009－2013年
其他獎
勁爆年度歌手 – 新城勁爆頒獎禮
2014年

勁爆女歌手 – 新城勁爆頒獎禮
2011－2013年

勁爆演繹大獎 – 新城勁爆頒獎禮
2009－2010年

鄧紫棋未夠24歲就已完成80場個人演唱會[9]，2015年8月1號喺北京工人體育場舉辦嘅演唱會吸引近4萬人收睇[10]，同年11月喺英國倫敦溫布利體育館完成第73場，亦都係最後一場X.X.X. Live世界巡演[11]。2017年5月，鄧紫棋喺「Queen of Hearts世界巡迴演唱會」武漢站完成咗人生第100場個人演唱會。2018年1月，歌曲《光年之外》MV喺YouTube上經已超過1億次嘅收睇次數，2023年1月突破2.6億。《再見》、《倒數》同《來自天堂的魔鬼》亦先後喺2019年到2021年突破1億。2023年《喜歡你》都以突破一億成為第二高收睇嘅廣東歌MV，成為第一個擁有五支破億MV嘅華語女歌手[12]。2023年1月，鄧紫棋嘅YouTube頻道累積收睇人數突破20億[13]。

鄧紫棋係第27屆KCA美國兒童選擇獎「最受歡迎亞洲藝人」[14][15]，第26屆MTV歐洲音樂大獎（EMA）最佳中國大陸同香港地區歌手[16][17]；而且佢曾經登上福布斯中國百大名人權力榜兩次（2014年第91位[18][19]，2015年第11位[20]），福布斯2016年全球30歲以下最具潛質音樂人名單「30 Under 30」中唯一上榜亞洲音樂人[21][22]。

2019年3月7號夜晚，鄧紫棋喺個人社交網站發布同合作超過11年嘅蜂鳥音樂解約嘅消息[23]，而且喺同年4月19號上晝響個人社交網站公佈鄧紫棋工作室正式開張[24]。

早年生活

編輯

1991年8月16號，鄧紫棋喺上海出世，係屋企大女，下有一個妹妹。鄧紫棋嘅童年喺上海曹楊新村度過[25]，而且同外祖母一齊生活。外祖母喺2011年3月8號過身[26][27]，4歲時同阿媽阿爸移居香港。阿媽係上海音樂學院聲樂系畢業生，婆婆係歌唱老師，舅父係小提琴手，阿公就係樂團色士風手。佢離開上海前同婆婆同住，喺家人影響下，自細鍾意音樂。5歲起就嘗試作曲同填詞，13歲完成英國皇家音樂學院聯合委員會鋼琴檢定考試八級[5][28]。而首張EP入面《睡公主》係13歲時所創作嘅作品。

7歲時，鄧紫棋參與演出教育電視短片[29][30][31][32]。13歲時，同陳奕迅合拍加州紅月餅義賣廣告[33]。2006年，鄧紫棋喺「Westlife亞洲巡迴演唱會（英文：Face to Face Tour#Tour dates）」（Westlife's Face to Face Asia Tour）記者會入面擔任表演嘉賓。

鄧紫棋原本喺九龍城區嘅九龍塘方方樂趣英文小學就讀一年級。2003年，佢喺香港九龍太子道西中華基督教會協和小學上午校畢業[34]，係校內詩歌班成員。中學升讀九龍油麻地真光女書院，課餘時參與體操活動[35]。中一開始，不斷咁參加各項歌唱比賽，而且喺一年內嬴咗5項歌唱比賽冠軍。2006年，參加《Spice It Up 學園祭》攞咗冠軍，亞軍係王灝兒。比賽中，被現任經理人張丹邀請簽約蜂鳥音樂。2008年，佢喺香港中學會考攞到21分。同年10月，正式出道成為發片歌手發行首張個人EP《G.E.M.》，攞咗「叱咤樂壇生力軍女歌手金獎」，2009年因工作量增多，就放棄咗香港演藝學院嘅聲學課程[36]。

演藝生涯

編輯

2008年－2009年：香港出道

編輯
 
2009年4月，鄧紫棋喺荷里活廣場宣傳活動

2008年10月16號，鄧紫棋首張個人EP《G.E.M.》出咗[37]，碟內包括3首廣東歌同2首國語歌，其中收錄當年參賽歌曲《Sleeping Beauty》中文版——《睡公主》。後來佢透露，呢首歌靈感嚟自13歲時自己唔敢對暗戀男生告白嘅故事[38]。為宣傳新碟，喺香港銅鑼灣舉行一連4場街頭騷。喺2008年度叱咤樂壇流行榜頒獎典禮，佢攞咗叱咤樂壇生力軍女歌手金獎，係歷嚟最年輕同首位未成年得獎者[39]，同時攞到香港其他各大音樂頒獎禮新人獎項。

2009年5月5號，鄧紫棋去美國洛杉磯為首張個人大碟《18...》錄音，而且喺同年10月27號發行。《18...》大碟中收錄膾炙人口嘅歌A.I.N.Y.，鄧因此而更廣為人知。同年11月20號、11月21號同埋11月22號，喺九龍灣國際展貿中心匯星（Star hall）舉辦首個個人演唱會《G.E.M. 18 Live 2009演唱會》，重邀請側田同林海峰擔任嘉賓。同年12月，鄧紫棋喺加拿大多倫多舉行首個海外音樂會。

2010年－2013年：香港逐步耕耘

編輯

2009年10月27號，鄧紫棋推出首張個人大碟《18...》[40]。呢隻碟響2010年5月14號由豐華唱片發行臺灣版。宣傳時，鄧紫棋喺多個綜藝節目出現，包括《我愛黑澀棒棒堂》、《天才衝衝衝》、《百萬大歌星》、《王牌大明星》、《娛樂百分百》、《百萬小學堂》同《音樂萬萬歲》。同年7月30號，佢同Mr.舉行《拉闊擂台》音樂會[41]。同年10月28號，佢出第三張音樂專輯《MySecret》，11月1號出限量紀念版《MySecret Box Set》。《MySecret》當中收錄咗《Get Over You》、《Good to be Bad》同《我的秘密》等，3首廣東歌同7首國語歌，共10首歌曲。

2011年5月，鄧紫棋喺香港紅磡體育館完成一連3場嘅「G.E.M. Get Everybody Moving世界巡迴演唱會香港站」，同以19歲之齡喺該館舉行個人演唱會嘅最年輕香港女歌手[42]。同年9月，佢再一次舉行個人演唱會，係該館開滿5場演唱會嘅最年輕華人歌手。之後喺8個城市舉辦幾場「G.E.M. Get Everybody Moving世界巡迴演唱會」，演出地方包括澳門、廣東各地、澳洲、溫哥華、多倫多、美國內華達州里諾等。

2012年1月，鄧紫棋喺個人網頁宣佈舉辦「秘撈Tour」[43]。原因係佢一早喺16歲做咗唱作歌手，冇其他工作經驗。同年2月24號，喺佢YouTube官方頻道「GEMblog」[44]播出佢以榨汁小食店店員身份開展首站秘撈Tour。同年3月22號，客串亞洲電視天氣報告主播同報導天氣[45]，其報導天氣片段[46]被上載到YouTube未夠24個鐘，點擊率就有24萬，2日內點擊率超過33萬。同年5月18號，第3站嘅秘撈Tour播出預告[47]，5月21號播出完整版[48]。喺片入面，佢體驗外籍傭工嘅一日生活。之後第4站，鄧紫棋帶大家去X Camp瞭解香港職業電單車手背後辛酸故事[49]。第5站嘗試幾份暑期工，以服務同銷售行業為主，包括雪糕車售賣員、便利店店員同化妝店銷售員／化妝員[50]。第6站喺蘋果動新聞體驗編輯工作[51]。第7站體驗世界自然基金會教育主任嘅工作[52]。同年3月9號、11號、23號，代表香港參與Asia Music Connection 2012，同陽光直人（Naoto Inti Raymi）、唐禹哲、盧廣仲等歌手到日本、香港同臺灣舉辦巡迴演唱會[53]。同年6月27號，參與iTunes Live@Hong Kong，同Jason Mraz、方大同同台演出。喺排練過程，Jason建議佢幫《Lucky》重新編曲同填詞，而且將歌詞改做中文，令佢哋呢首合唱歌變成一個獨一無二嘅版本[54]。佢都係同日喺iTunes香港平臺出第4張音樂專輯《Xposed》[55]。同年7月5號，佢出第4張音樂專輯《Xposed》，同月8號喺香港觀塘嘅apm商場搞咗簽唱會，吸引近1000人到場睇。5日之後，《Xposed》（Box Set）出咗。7月28號，佢喺臺北西門河岸留言舉行首場音樂會[56]。同年10月27號，佢嘅YouTube官方頻道「GEMblog」觀看量突破6000萬。11月19號，佢首個官方手機應用程式正式發佈。同年12月時，更以600多萬港元分兩次購入荃灣韻濤居嘅一個1476呎海景複式單位，跟父母同細妹共住[57]。

2013年1月中，蜂鳥音樂宣佈啟動鄧紫棋2013年世界巡迴演唱會。4月，佢喺紅館完成一連5場後日X.X.X. Live世界巡迴演唱會香港站，5場演唱會全場爆滿同大獲好評，重邀請王傑、胡夏、張敬軒同林俊傑做嘉賓，佢亦以21歲成為喺紅館開滿10場演唱會嘅最年輕華人歌手[58]。同年3月，佢出首張個人精選輯《The Best of G.E.M. 2008-2012》，上咗各大銷量榜榜首，呢隻碟響香港唱片商會銷量榜長居20個禮拜。由於反應熱烈，7月行第2版，追加收錄大熱單曲《你把我灌醉》。出年發行中國內地版本，送多一張歌詞海報，專輯反應熱烈供不應求，短短一個月銷量突破10萬張。同年4月下旬，蜂鳥音樂表示佢到奧地利遊學3個月。同年5月，佢憑專輯《Xposed》獲提名第24屆金曲獎最佳國語女歌手獎，以21歲成為金曲獎有史以嚟最年輕入圍最佳女歌手嘅候選者[59]。其他有份角逐呢個獎嘅香港候選人有林憶蓮同盧凱彤，係金曲獎有史以嚟最多香港候選者角逐同一獎項。同年6月21號，佢出新單曲《你把我灌醉（Intoxicated）》大獲好評，喺中港臺3地熱播，傳唱度幾高。原唱黃大煒喺微博對佢大加讚賞。該單曲喺QQ音樂重喺一個禮拜內突破1500萬點擊率[60]，喺YouTube錄得超過400萬點擊率，亦喺全民投票嘅情況下攞咗TVB勁歌金曲獎第7位，係TVB勁歌金曲獎史上第一首攞獎嘅國語歌曲。（註：TVB勁歌金曲喺2013年之前一直有最受歡迎國語金曲獎，2013年開始取消「最愛歡迎國語/華語金曲獎」，唔再分語言，而且將十大金曲改做二十大）同年10月，佢陸續出個人現場個人創作《LIVE Piano Session》，當中包括原創作品《偶爾》同《我的秘密》，同重唱蘇芮舊作《是否》[61]。3首作品都收錄喺G.E.M. X.X.X. Live演唱會原聲CD。11月26號，佢出G.E.M. X.X.X. Live演唱會DVD。

2014年－2015年：聞名華語樂壇

編輯
 
2014年5月，鄧紫棋喺X.X.X. Live世界巡迴演唱會武漢站

2013年12月，鄧紫棋加盟湖南衛視《我是歌手》第二季，因而喺全國爆紅。佢喺第一集節目演唱嘅原創歌曲《泡沫》成為2014年華語熱門歌曲。該歌曲收錄喺2012年專輯《Xposed》入面，係佢失戀時到紐約旅行喺街頭睇到吹波而觸發靈感創作[62]。首期節目播出後，佢以個人作品《泡沫》一夜出名，重攞咗百度美女榜同女歌手榜搜尋第1位。第2期，佢對《存在》嘅出色演繹有更多人認同，原唱汪峰同那英等重公開讚賞。有部分網友批評佢演唱之前演唱會表演過嘅改編曲目（《你把我灌醉》、《我要我們在一起》、《Fallin'》）違反規定，但由於《我是歌手》第一季亞軍林志炫都唱過幾首已出嘅翻唱歌曲，證實節目組並無唔畀參賽歌手演唱已公開嘅翻唱作品。《我是歌手》第二季總決賽，賽前節目同微博合作搞票選，佢有78萬票係「網民心中的冠軍」嘅第1名。最終佢攞咗亞軍。同年3月29號，佢喺Nickelodeon（美國MTV旗下頻道）搞嘅2014 Kids' Choice Awards（2014 KCA美國兒童選擇獎）嘅全球投票入面贏咗，攞咗「Favorite Asian Act（亞洲最受歡迎藝人獎）」，係首位攞呢個獎嘅香港歌手。同年4月13號，佢喺第14屆音樂風雲榜年度盛典上獲票選獎項類別嘅港臺最受歡迎女歌手，係為首次奪得嘅最受歡迎女歌手獎項。5月，福布斯中文版公佈「2014福布斯中國名人榜」，佢首次入榜，並列第91位，報導嘅總收入係1090萬人民幣，同時係嗰年首次入榜嘅香港人[63][64]。

 
鄧紫棋蠟像，收喺香港杜莎夫人蠟像館（2015年1月）

自2014年5月1號起，佢從澳門開始繼續佢嘅X.X.X. Live世界巡迴演唱會，演唱會演唱曲目入面減少部分粵語歌曲，增加咗一啲佢喺《我是歌手》第二季入面改編翻唱嘅作品。由於佢喺中國大陸人氣爆增，巡迴演唱會唔單止加咗更多中國北方城市場次（如西安、鄭州、哈爾濱等），北京同上海重分別進行一到兩場加場。由於演唱會門票供不應求，出現咗唔少人囤積門票，喺演唱會開場之前賣黃牛飛嘅現象[65]。同年8月，佢係首位YouTube Channel播放破億嘅華人歌手。8月11號，佢喺奧克蘭開唱，未夠23歲就完成50場個人演唱會[66]。同年9月20號，佢成為中國中央電視台一套《開講啦》節目最年輕演講者。同年12月10號，佢嘅蠟像入駐香港杜莎夫人蠟像館[67]，成為蠟像入駐館時年齡最細嘅藝人。

 
2015年1月，鄧紫棋喺X.X.X. Live世界巡迴演唱會香港站

2015年1月，佢上咗《Harper's Bazaar》大陸版封面，係最年輕封面女郎。2月2號，將於3月12號舉辦嘅「X.X.X. Live世界巡迴演唱會－臺北站」演唱會開票後，4個鐘就賣嗮[68]。2015年除夕（2月18號），佢上咗《中國中央電視台2015羊年春晚》嘅舞臺，彈唱自創歌曲《多遠都要在一起》。呢首歌喺春晚發佈後，迅速喺各大播放平臺同榜單攞到唔錯嘅成績，截至5月尾，首歌嘅MV喺YouTube已錄得380萬嘅點擊率，登上鄧紫棋喺當時YouTube原唱歌曲MV點擊率嘅第7位。2015年5月嘅訪談入面，佢透露呢首歌入面佢將分手想像成永遠唔會再見面嘅遠距離戀愛[69]。同年3月31號，佢喺YouTube推出新歌《單行的軌道》MV。同年4月21號，佢喺洛杉磯召開新聞發佈會，宣佈自2015年11月份開始，以X.X.X Live做主題同美國演唱會娛樂公司Live Nation合作，舉行首次歐美巡迴演唱會[70]。

 
2015年5月，鄧紫棋喺X.X.X. Live世界巡迴演唱會上海站

同年5月初，福布斯中文版公佈「2015福布斯中國名人榜」，佢再次入榜並由2014年91位提升至11位，以6200萬人民幣年收入居在榜90後藝人之首[71]。5月18號，佢喺微博確認參加深圳衛視真人騷《極速前進》，係佢參加嘅首個戶外真人騷。6月2號到澳大利亞悉尼進行首次拍攝，而佢嘅拍檔係好友張芸京。5月，美國Billboard開設首個亞洲網上電台Billboard Radio China，佢參加節目Big Interview係首位訪談嘉賓[72]。同年8月1號，G.E.M. X.X.X. Live 世界巡迴演唱會第64場喺北京工人體育場吸引近4萬觀眾觀看，嗰場係呢次巡演大中華區尾場，亦首次採用全程全網現場直播方式，吸引48萬觀眾上網畀錢睇[73]。8月15號，佢參與浙江衛視歌唱真人騷《中國好聲音》錄製任汪峰組夢想導師，係節目最年輕嘅夢想導師[74]。嗰期節目喺8月21號播出。同年10月29號，佢喺北京正乙祠舉行新專輯記者會，宣佈喺11月6號由索尼音樂娛樂出首張華語錄音室專輯《新的心跳》。專輯詞曲創作全部由鄧紫棋一人包辦，同喺11月6號發佈之前陸續發佈10首歌曲嘅MV[75]。成場發佈會由佢獨自主持完成，同用鋼琴彈唱咗專輯第5主打歌《再見》，發佈會尾發佈《再見》音樂影片[76]。呢首歌喺YouTube已突破700萬點擊率，超越《多遠都要在一起》成爲《新的心跳》專輯喺YouTube點擊率增長最快嘅音樂影片。同月22號，鄧紫棋喺英國倫敦溫布利體育館舉辦「G.E.M. X.X.X. Live」世界巡迴演唱會，呢個場係全球巡演嘅最後一場[11]。

2016年－2018年：平穩發展

編輯
 
2016年4月，鄧紫棋出席《明星空間》頒獎禮

2016年1月5號，福布斯公佈2016年全球30歲以下最具潛質音樂人名單，佢係唯一上榜亞洲音樂人。榜單介紹佢因上銷量、社交媒體關注人數同巡演嘅亮眼成績而入榜。其中包括一輪係2年共73場最高單場觀看人數近4萬人嘅世界巡演[21]。同年2月26號，福布斯公佈2016年「亞洲30歲以下30大最具潛力文體明星」榜單，佢係榜上唯一嘅中國歌手。同年3月尾到4月頭，佢連續喺6個頒獎禮攞咗15座大獎。喺5個頒獎禮入面佢分別以漁網裝舞曲、鋼琴演奏、身着貓女裝結他搖滾等多元形式表演自己嘅原創曲目引起廣泛關注同討論[77][78]。同年5月，佢出Live Piano Session II。系列包含原創新歌《給你的歌》同《畫》，同《新的心跳》專輯主打歌《再見》。該系列係2013年Live Piano Session嘅延續。3首歌都用同步錄音方式，剩係由鄧紫棋同鋼琴進行演繹[79]。

由2015年10月29號發佈，截至2016年9月26號，《再見》MV只係用咗332日，喺YouTube上面嘅點擊率突破咗3000萬，亦係到目前為止YouTube官方頻道「GEMblog」最短時間破3000萬點擊率嘅MV[80]。截至9月14號，佢第5張全視聽專輯《新的心跳》入面所有歌嘅MV喺YouTube嘅總點擊率已經超過1億。佢喺9月30號出等咗7年最新寫真集《G.E.M 25 Looks》，有繁體同簡體版，同日亦出咗獨家收錄4首Remix單曲EP《25Looks》。

2016年11月6號，佢攞咗第23屆MTV歐洲音樂大獎（英文：2016 MTV Europe Music Awards）（EMA）最佳大陸地區同港臺地區藝人，幫G.E.M帶嚟第二個國際大獎[16][17]。佢喺12月30號出新歌《光年之外》，係電影《太空潛航者》嘅中文主題曲。

 
2017年4月，鄧紫棋喺Queen of Hearts世界巡迴演唱會廣州站首場

2017年1月6號，鄧紫棋首部音樂紀錄片《一路逆風》上畫，呢條片由英國導演Nick Wickham（英文：Nick Wickham）執導，記錄佢喺追求音樂同夢想嘅路上，點樣走出人生低谷，電影有29位中港臺藝人同G.E.M嘅親人參與拍攝。之後陸續喺兩岸三地上畫。同月27號，佢繼2015年之後第2次參加央視春晚，唱山歌《歌從灕江來》。同年2月14號，佢喺情人節宣佈舉行個人第3次大型世界巡迴演唱會「G.E.M Queen of Hearts」同公開預售首場4月1號廣州站門票。同年5月26號，鄧紫棋開賣《一路逆風》嘅DVD版本。5月28號，Queen of Hearts 世界巡迴演唱會第一輪喺武漢場完，都係鄧紫棋人生第100場售票演唱會。同年9月5號，鄧紫棋喺香港杜莎夫人蠟像館嘅蠟像換上咗新嘅造型。同年9月15至17號，Queen of Hearts世界巡迴演唱會搬到香港站進行，15號同17號係加場。同年11月18號，《光年之外》MV喺YouTube點擊率已突破9000萬。12月26號，佢喺YouTube官方頻道「GEMblog」發佈咗佢嘅音樂紀錄片《一路逆風》。同年10月27號，鄧紫棋成立個人慈善基金會「棋蹟慈善基金」（GEMiracle Foundation）[81]。

 
鄧紫棋喺大連嘅商演，2018年9月

2018年1月17號凌晨，《光年之外》MV只係用咗383日，喺YouTube上面嘅點擊率突破咗1億，成為咗華語女歌手最快破億MV，同埋香港歌手最快破億MV。截至2020年7月10號，《光年之外》喺YouTube已經達到2億1927萬以上嘅點擊率。同年2月份，鄧紫棋出演謝霆鋒主持嘅節目《鋒味》並做嘉賓。佢喺節目話想煮一道比較有歸屬感嘅家常菜鼓勵一下謝霆鋒，決定挑戰蕃茄炒蛋。佢喺酒店廚房預先練習廚藝，當將蕃茄落鑊時即刻引起小火花，全程雞手鴨腳，不斷尖叫之餘，重唔記得開抽氣扇而導致火警警鐘大響，提醒佢注意安全，嚇親佢即時停手兼彈開[82]。同年7月份，鄧紫棋參加嘅節目《中國新說唱》正式播映，佢同潘瑋柏合夥成為明星製作人，佢哋自稱「攀登組合」。另外，佢喺十周年歌迷慶祝會上面，宣佈咗嚟緊新專輯嘅消息，總共會發3張EP，分別會喺8、10、12月各出一張，而12月嘅EP入面會有一首廣東歌。同年8月10號朝早，鄧紫棋喺YouTube官方頻道「GEMblog」發佈咗《倒數》MV。同年8月16號係鄧紫棋嘅27歲生日，佢喺同一日公佈咗預購全創作數位EP《另一個童話》嘅消息。同年8月18號，Queen of Hearts世界巡迴演唱會經歷咗一年零四個半月，第40場嘅西安站成為咗成個巡迴演唱會Part 1嘅尾站，亦係鄧紫棋喺2018年最後一場嘅演唱會。喺2019年，Queen of Hearts世界巡迴演唱會Part 2將會繼續喺世界各地舉行，相信到時嘅歌單將會更改，同埋加入更多新歌。8月21號，《倒數》MV只係用咗12日，喺YouTube上面嘅點擊率就達到500萬嘅點擊率，鄧紫棋亦喺Facebook上發佈咗劇情版MV。8月30號，鄧紫棋喺各大音樂播放平台，正式推出咗全創作數碼EP《另一個童話》，呢隻EP亦係「童話三部曲」嘅序章。同年9月1號下晝，《倒數》MV只係用咗22日，喺YouTube上面嘅點擊率突破咗1000萬，成為喺YouTube官方頻道「GEMblog」最短時間破1000萬點擊率嘅MV。現時喺YouTube已經達到1億以上嘅點擊率。同年10月26號發行EP《毒蘋果》，係「童話」「第二部曲」，呢隻碟收咗《那一夜》、《毒蘋果》同《突然之間》三支歌。同年11月19號，鄧紫棋入選BBC「年度百大女性」，畀認為係一個充滿影響力嘅音樂家，致力支持唔同對音樂、教育同貧窮有貢獻嘅慈善機構同組織，成為唯一入選嘅華人[83]。同月22號，鄧紫棋個人YouTube頻道「GEMblog」嘅訂閱人數突破100萬，獲官方喺美國寄上金獎狀認證。同年11至12月，鄧紫棋加入咗東方衛視嘅全新歌唱節目《中國夢之聲·下一站傳奇》，同陳偉霆、吳亦凡、宋茜等明星一齊成為傳奇創始人，聯手打造中國唱跳新星。最後由鄧紫棋、陳偉霆、胡海泉領導嘅「挺齊全戰隊」攞到冠軍。同月30號，鄧紫棋重新翻唱咗收錄喺2008年第一張專輯嘅歌曲《回憶的沙漏》，當日凌晨呢首歌嘅10週年版MV響YouTube發佈。12月7號凌晨，鄧紫棋喺YouTube上發佈咗《岩石裡的花》MV，佢係第三張EP《睡皇后》嘅主打歌曲，而且喺同日開始預售。呢隻EP嘅同名歌曲《睡皇后》係鄧紫棋闊別多年嘅粵語作品，係經典作《睡公主》嘅續集，之後鄧紫棋喺官方Youtube頻道發佈由歌迷製作嘅MV，紀錄咗佢出道以嚟嘅片段。

2019年－2020年：解約風波

編輯

2019年3月份，鄧紫棋喺社交網站宣布已經同合作咗11年嘅「蜂鳥音樂」結束合作關係，用千字文訴心聲，話公司對自己有「不公」、「壓迫」嘅行為[84]。由於鄧紫棋宣布解約之前，蜂鳥音樂已開始將「Queen of Hearts世界巡迴演唱會」嘅Part 2宣傳作公開發售，因此鄧紫棋為避免買咗飛嘅歌迷失望，決定演出已將門票發售嘅八場演唱會。Part 2嘅演唱會響3月9號喺澳門場起步[85]，仲橫跨美加同馬來西亞，同年4月28號喺臺灣高雄市高雄巨蛋落幕。同年4月19號，佢喺個人微博發佈成立咗個人獨立工作室[86]。同年12月27號，鄧紫棋推出第七張錄音室專輯同埋第三張個人全創作專輯《摩天動物園》，呢隻碟以動物做主題，仲擔任全碟詞曲創作、MV同專輯概念製作。

2020年1月3號，鄧紫棋擔任臺灣歌手蔡依林所舉辦嘅「Ugly Beauty世界巡迴演唱會」嘉賓，兩人分別合唱咗《說愛你》同埋《光年之外》[87]。同年1月27號，鄧紫棋發佈歌曲《Fly Away》MV，由隊長YoungCaptain執導[88]。同月31號，香港網路溫度計DailyView透過《KEYPO大數據關鍵引擎》取得港澳地區嘅資料樣本數，分析指出鄧紫棋係90後20大最受關注女星排名第一，網路熱度為55278[89]。同年2月2號，鄧紫棋發佈全新單曲《平凡天使》，向武漢肺炎大爆發嘅平凡英雄致敬，散發正能量[90][91][92]。同年3月3號，鄧紫棋發佈歌曲《很久以後》MV，作為電影《可不可以，你也剛好喜歡我》主題曲[93]。同年5月20號，鄧紫棋發佈歌曲《多美麗》MV[94]。同年6月3號，《倒數》官方MV響YouTube上突破1億次點擊率，係鄧紫棋第三首「破億歌曲」，令鄧紫棋成為成個華語樂壇裏面擁有三首「破億歌曲」嘅女歌手，第二個擁有三支破億MV嘅華語歌手（第一個係周杰倫）。同月29號，鄧紫棋發佈同周興哲合唱嘅歌曲《別勉強》MV[95]。同年7月15號，鄧紫棋憑《摩天動物園》獲得金曲獎五項提名，包括年度專輯、年度歌曲、國語女歌手、作曲人同埋國語專輯獎項[96]。同年10月3號，金曲獎正式獲獎名單公佈，鄧紫棋憑《摩天動物園》獲得金曲獎評審團獎[97]。

2021年－而家：平緩發展－全閉關狀態

編輯

2021年2月8號，鄧紫棋發行《平行世界》，歌曲被選為電影《刺殺小說家》嘅主題曲。同年4月1號，鄧紫棋發行《超能力》MV，由陳偉霆擔任男主角。同年5月20號，鄧紫棋發布歌曲《好想好想你》MV，由鹿晗擔任男主角。同年7月27號，鄧紫棋發布《無雙的王者》（王者榮耀年度電競主題曲暨2021世界冠軍杯主題曲）。同年9月12號，《來自天堂的魔鬼》官方MV響YouTube上突破1億次點擊率，係鄧紫棋第四首「破億歌曲」，令鄧紫棋成為整個華語樂壇裡擁有四首「破億歌曲」嘅女歌手，第一個擁有四支破億MV嘅華語歌手，第一個於相同專輯中擁有兩支破億MV嘅華語女歌手。同年11月30號，鄧紫棋同時發布《兩個你》同《兩個自己》，兩首歌旋律相同，但分別用廣東話同國語演唱。同年12月21號，鄧紫棋再發布《倒流時間》。呢首歌係馬來話，鄧紫棋團隊翻譯後由鄧紫棋演唱。

2022年1月6號，鄧紫棋完成最後一個公開活動，聽日喺社交平台上宣佈進入全閉關狀態，表明下次返嚟之後將會帶來新嘅專輯。同年7月16號，鄧紫棋宣佈佢嘅新專輯《啓示錄》出關[98]，《啓示錄》中有14首新歌同14首MV，因此佢成為首個以音樂連續劇嘅方式發布歌曲嘅歌手。呢隻碟響同年9月30號由華納音樂發行。同年12月8號，鄧紫棋發行《面壁者》，呢首歌係bilibili國漫《三體》嘅片尾主題曲。同月9號，鄧紫棋參與湖南衛視音樂綜藝節目《時光音樂會 第二季》客串飛行嘉賓[99]。

2023年6月，鄧紫棋宣布《啓示錄》西班牙文版《Revelación》將喺同年7月10號發行[100][101]。同年12月，鄧紫棋嘅世界巡迴演唱會「I AM GLORIA」首站喺廣州奧林匹克體育中心舉行[102][103]。

2024年2月，鄧紫棋喺香港大球場擔任國際邁亞密表演嘉賓[104]。

歌唱比賽評審

編輯

除音樂創作同演出外，佢亦積極發掘樂壇有潛質新人。2010年起，所屬唱片公司每年一度搞網上歌唱比賽（Brand New Star），吸引唔少香港同東南亞青年歌手同唱作人參加。作為比賽評判，佢都親自參與。每年度冠軍有機會簽約該公司成為旗下歌手。2010年同2011年度冠軍得主分別係Robynn Yip（喺2012年1月同拍檔Kendy Suen組成Robynn & Kendy簽約香港環球唱片）同Jude Tsang[105]。

音樂作品

編輯
内文：鄧紫棋音樂作品一覽

影視作品

編輯
内文：鄧紫棋影視作品一覽

《我是歌手》第二季

編輯

2013年12月，鄧紫棋加盟湖南衛視《我是歌手》第二季、為首發歌手，喺4月4號總決賽攞亞軍。

我是歌手第二季 鄧紫棋競演排名
期數 輪數 播出日期 演唱歌曲 原唱 歌曲介紹 排名 得票率 出場序 備註
全碟編曲：Lupo Groinig（下面註明例外曲目）
1 第一輪排位賽 1月3號 《泡沫》 鄧紫棋 詞／曲：鄧紫棋 5 13.57% 2 個人最低排名
10組第1名
2 第一輪淘汰賽 1月10號 《存在》 汪　峰 詞／曲：汪　峰
編曲：John Laudon、鄧紫棋、Lupo Groinig		 2 19.85% 6 10、20、40組第1名
兩場總成績第2名
3 第二輪排位賽 1月17號 《你把我灌醉》 黃大煒 詞：姚若龍
曲：黃大煒		 1 28.29% 6 個人最高排名
10、20、30組第1名
4 第二輪淘汰賽 1月24號 《我要我們在一起》 范曉萱 詞／曲：李　泉
編曲：Lupo Groinig、鄧紫棋、Doug Petty		 1 24.64% 1 個人最高排名
20、30、40組第1名
兩場總成績第1名
5 第三輪排位賽 1月31號 《If I Were a Boy》 Beyoncé 詞／曲：BC Jean、Toby Gad 2 21.01% 1 10、20組第1名
6 第三輪淘汰賽 2月7號 《喜歡你》 Beyond 詞／曲：黃家駒 1 22.89% 5 個人最高排名
兩場總成績第1名
7 第四輪排位賽 2月21號 《如果沒有你》 莫文蔚 詞：左安安、李焯雄
曲：左安安
編曲：Doug Petty、Lupo Groinig		 4 12.40% 6 個人最低得票率
獲得185票
8 第四輪淘汰賽 2月28號 《Lady Marmalade》 Labelle 詞／曲：Robert Crewe、K.Nolan 5 13.36% 1 個人最低排名
兩場總成績第4名
9 第五輪排位賽 3月7號 《龍捲風》 周杰倫 詞：徐若瑄
曲：周杰倫		 2 20.36% 6 Rap係周杰倫《安靜》
10 第五輪淘汰賽 3月14號 《Fallin'》 Alicia Keys 詞／曲：Alicia Keys
編曲：鄧紫棋、Lupo Groinig、梁翹柏		 1 19.21% 1 個人最高排名
兩場總成績第1名
晉級半決賽
11 突圍賽 3月21號 首發歌手進入半決賽
12 半決賽 3月28號 《你不是真正的快樂》 五月天 詞／曲：阿　信 2 19.43% 2 —
13 總決賽第一輪 4月4號 《春天裏》 汪　峰 詞／曲：汪　峰
編曲：Lupo Groinig、Doug Petty		 2 18.77% 7 幫唱嘉賓：方大同
晉級第二輪
總決賽第二輪 《We Will Rock You》 Queen 詞／曲：Brian May 2 33.73% 4 總成績第2名（24.95%）
個人最高得票率
《一無所有》 崔　健 詞／曲：崔　健
《We Are The Champions》 Queen 詞／曲：Freddie Mercury
14 雙年巔峰會 4月11號 《Imagine》 John Lennon 詞／曲：John Lennon — 9 —

香港派台歌成績

編輯
派台歌成績（四台）
唱片 歌曲 903 RTHK 997 TVB 備註
2008年
G.E.M. 等一個他 2 3 - -
Where Did U Go 2 1 4 2 首支冠軍歌
睡公主 - 4 - 1
回憶的沙漏 20 - - -
2009年
18... All About U 3 1 2 6
Cheer Up! × 1 × × 同容祖兒、張敬軒、林俊傑、泳兒、陳偉霆、徐子珊、倉木麻衣合唱
18... Game Over 2 1 1 2
食煙飲酒講粗口 13 - - - 同林海峰合唱
A.I.N.Y.（愛你） - 1 - -
2010年
18... 想講你知 5 11 3 - 鐳射電器廣告歌
我沒有變過 愛的習慣 合唱歌 10 1 3 - 同側田合唱
MySecret Good to be Bad 8 3 1 3
Get Over You 1 3 4 2
Twinkle II - 2 2 - 新城國語力：1
亞莉亞蒂之歌 - - 11 - 動畫電影《借東西の小矮人亞莉亞蒂》粵語片尾曲
流行南方粵語兒歌大匯：3
MySecret 我的秘密 MySecret - 5 - - 新城國語力：1
2011年
MySecret The Voice Within - 11 1 - 新城國語力：1
愛在當下 × 1 × × 「太陽計劃2011」主題曲
同C AllStar合唱
MySecret 寂寞星球的玫瑰 The Rose - 3 - - 新城國語力：1
Say it Loud - - 2 -
The Best of 2008-2012 情人 - 10 5 - Get Everybody Moving 2011 Live 版本
2012年
Xposed Someday I'll Fly 2 1 1 - 屈臣氏蒸餾水廣告歌
What Have U Done 1 1 1 1 首支四台冠軍歌
Oh Boy 12 - 19 - 新城國語力：1
奇蹟 - - - - 新城國語力：2
泡沫 - - 2 - 新城國語力：2
失真 - - - -
2013年
Xposed 下一秒（我們就要死掉） - 3 4 - 新城國語力：1
潛意式的殘酷 - - 2 2 X.X.X. Live 主題曲
新城國語力：1
The Best of 2008–2012（第二版） 你把我灌醉（Intoxicated） - 9 1 1 新城國語力：1
原唱黃大煒
Live Piano Session 偶爾 - 7 2 2 新城國語力：1
2014年
存在 × - - × 新城國語力：1
另派Live Version版本
原唱汪峰
龍捲風 × - 1 × 新城國語力：2
另派Live Version版本
原唱周杰倫
喜歡你 - 6 2 × 原唱Beyond
2015年
新的心跳 多遠都要在一起 - 8 1 ×
單行的軌道 - - 1 ×
新的心跳 - 3 3 × RTHK華語歌曲排行榜：1
瞬間 × × 3 × TVB8：1
DBC華語歌曲流行指數：12
全球華語歌曲排行榜:1
再見 × × 10 × 新城國語力：1
2016年
新的心跳 來自天堂的魔鬼 × × 1 ×
有心人 × × 19 × 原唱張國榮
Live Piano Session II 給你的歌 × × 7 ×
畫 × × - ×
25 LOOKS 再見（Club Remix） × × 1 ×
2017年
光年之外 × - 13 × 全球華語歌曲排行榜：1
穿越火線 × 13 2 ×
Victoria × 8 - × 加拿大至 HIT 中文歌曲排行榜：1
2018年
童話的休止符 倒數 - 8 1 × 全球華語歌曲排行榜：1
那一夜 × × 1 ×
2019年
童話的休止符 睡皇后 - 1 1 × 加拿大至 HIT 中文歌曲排行榜：1
摩天動物園 Walk on Water - - 2 ×
句號 - - 2 ×
2020年
平凡天使 - 12 1 ×
派台歌成績（五台）
唱片 歌曲 903 RTHK 997 TVB ViuTV 備註
2020年
摩天動物園 別勉強 - 13 4 × - Featuring 周興哲
2021年
兩個你 - 14 1 1 - 劇集《飛虎3壯志英雄》主題曲
加拿大至 HIT 中文歌曲排行榜：12
跨年上榜
兩個自己 × × × - × 《兩個你》國語版
劇集《飛虎3壯志英雄》主題曲
2022年
啓示錄 GLORIA - 3 2 - -
你不是第一個離開的人 × × × × -
FIND YOU - - - × ×
天空沒有極限 - - - × × 曼秀雷敦中國區2020年廣告歌
各台冠軍歌總數
四台a 903 RTHK 997 TVB 備註
2 10 16 4 四台冠軍歌總數：1
五台b 903 RTHK 997 TVB ViuTV 備註
0 0 1 1 0 五台冠軍歌總數：0
  • （*）表示上緊榜
  • （-）未能上榜
  • （×）表示冇派去該平台
  • （(1)）兩週冠軍

私人生活

編輯

戀情

編輯

出道前男友係鄺晨風（Bryon）。2010年12月，佢被香港媒體拍到同林宥嘉約會，戀情首次曝光[106]。2013年7月，林、鄧一齊出席第24屆金曲獎，十指緊扣牽手走上金曲獎星光大道[107]。同年8月，佢哋被發現喺泰國布吉度假，慶祝鄧22歲生辰[108]。2人對感情一直保持低調，並冇正面回應，外界就認為係半公開秘密，亦成日傳雙方分手。2014年3月5號，林宥嘉接受媒體專訪表示話宣告今年巡演結束，就準備暫別歌壇[109]。同月13號，林宥嘉喺香港商業電台宣傳個人演唱會，仲表示兩人已分手一段時間[110]。同月18號，林宥嘉喺宣傳上海演唱會嘅採訪中再次證實分手[111]。同月24號，鄧喺私人Facebook賬號疑似影射對佢嘅唔滿意嘅地方[112][113]，引起媒體大篇幅報道，之後2人前後4年嘅戀情正式完結。

2016年3月2號，大陸媒體《全民星探》報道鄧紫棋喺2月6號去北京幫歌手華晨宇慶生，似展開戀情。2人對此未有回應[114][115]。

2017年4月，鄧紫棋被傳媒拍到同王灝兒（JW）前男友魏俊傑（Mark Ngai）遊東京，之後戀情公開[116]。

口音

編輯

佢喺上海出世，細個移居香港，口音曾被誤認為海外歌手。佢口音獨特，係因為左邊顎骨萎縮，令到兩排牙唔可以咬住，導致講嘢漏風，亦唔係舌繫帶縮短症（俗稱「黐脷筋」）。醫生建議佢要到21歲身體停止發育後，先適合做手術矯正[5][117]。然後佢話，由於手術風險較大，加上近年情況冇惡化，決定暫時唔會接受手術[118]。佢都承認會刻意改變嘴形，令發音更準確[119][120]。

其他

編輯

學生時代網誌曝光

編輯

2011年11月底，佢15歲時寫嘅網誌入面惡評其他藝人嘅內容喺高登討論區入面被曝光。佢接受記者訪問時，直認嗰陣係佢15歲前嘅網誌。佢除咗覺得自己當時好「低能」外，重同俾佢鬧嘅胡杏兒、鄧麗欣同吳卓羲道歉[121]，事件好快平息。2014年，佢喺央視訪談節目入面提到呢件事，再次同胡杏兒致歉[122]。

拒絕參與叱咤頒獎禮

編輯

2012年尾，樂壇頒獎禮臨近，佢表明唔會出席商業電台舉辦嘅叱咤頒獎禮，之後重喺YouTube發表一段短片，標題係《G.E.M. 對香港頒獎禮的看法》，呢個引起商台DJ、一眾娛圈「同行」同網民討論同回應[123]。

撰文支持梁振英、希望香港成為真正嘅民主地方

編輯

2013年8月，香港集思會推出名為《90後有話說》特集，包括11個嚟自唔同界別嘅90後，發表佢哋對社會、民生同政治嘅睇法，鄧紫棋就係其中之一。鄧紫棋嘅文章分為標籤篇、夢想篇、音樂篇、媒體篇同政治篇，首數節談論自己嘅音樂理想同一啲輕鬆話題，喺最後嘅政治篇支持特首。同年9月初，文章喺網上廣傳後，泛民主派批評佢，話佢對政治無知；重有輿論認為藝人亦都有權利表達自己嘅政治訴求，佢嘅意見應該得到尊重。文章標題「想跟特首說聲加油」成為潮文標題[124]。

然而鄧紫棋喺網上為事件解畫，指出淨係認為社會氣氛欠佳，想同特首講聲加油，仲公開希望香港有真普選、成為真正嘅民主地方等。

佔領中環事件立場

編輯

2014年9月尾至10月頭，香港爆發佔領中環運動（簡稱佔中）。9月27號，即佔中揭幕第2日，佢喺Facebook貼出微笑照片同開心文字[125]。同月28號，佔中正式啟動同遭到清場嗰日，佢臉書貼出基督教歌曲《We Cry Out（英文：We Cry Out: The Worship Project）》歌詞，並留言話喺教堂祈禱[125]。呢2條留言喺香港同大陸引起廣泛關注同討論。

香港輿論認為佢嘅28號發言，係喺27號發言被抨擊後嘅應對行為[126]。而大陸社交網絡瘋轉佢28號喺Facebook上頭嘅歌詞，做為佢支持佔中嘅依據，同喺11月傳出佢因支持佔中被封殺嘅消息[127][128]。之後因佢喺大陸各項活動如常，傳言不了了之。10月30號，《明報》刊出嘅訪談入面，佢表示：「佔中還是反佔中，我不希望我的取態會影響年輕觀眾，不希望他們被煽動，而是有自己獨立思考」[129]，堅持拒絕表明立場。

主要獎項

編輯

鄧紫棋自2008年7月出道開始已獲得超過100個兩岸三地嘅音樂獎項，亦係首位未成年嘅叱咤樂壇個人獎項女得主。2013年，鄧紫棋以最年輕嘅香港女歌手身份入圍第24屆金曲獎嘅最佳國語女歌手[130]。2014年，鄧紫棋憑住湖南衛視節目《我是歌手》第二季，人氣急升，仲獲得尼克頻道兒童選擇獎亞洲最受歡迎藝人獎，係首個香港藝人獲得呢項殊榮。同年，喺世界音樂獎獲得三項提名。2016年，鄧紫棋獲得MTV歐洲音樂大獎最佳大陸地區及港台地區藝人[131]。2018年11月19號，鄧紫棋登上2018年BBC百大女性（英文：100 Woman (BBC)）第34名，而佢亦係榜上唯一嘅華人女性[132]。2020年，鄧紫棋以第七張錄音室專輯《摩天動物園》成功獲得第31屆金曲獎嘅評審團獎，係呢個獎項自2007年以嚟嘅第六位得獎者。

廣告代言

編輯

鄧紫棋自2008年出道以嚟就參與過各式各樣嘅廣告代言，包括Biotherm[133]、Calvin Klein[134]、卉妍康預防子宮頸癌疫苗[135]、Circle DNA[136]、穿越火線[137]、部落衝突：皇室戰爭[138]、極速快車手[139]、Dove[140]、鐳射發展[141]、IDA[40]、Jolly Shandy[142]、英皇教育[40]、Maybelline[143]、瘋狂鄰居[144]、必理痛經痛配方[40]、百事可樂[145]、寶礦力水特[註 1]、Skechers[40]、白兔牌暗瘡膏[146]、TAG Heuer[147]、Topshop[148]、Urban Decay[149]、環宇太空XCOR Aerospace形象大使[150]同以純Yishion Y:2等等[151]。

公益活動

編輯
日期 地點 機構 備註
2009年4月 香港 飢饉三十饑饉天使 [40]
2009年5月 全港兒童故事演講比賽－打氣大使 [40]
2009年6月 太陽計劃－太陽少女 [152]
2009年8月 香港起舞 全港中學生舞蹈賽－舞動大使 [153]
2010年3月 香港迪士尼樂園－追蹤史迪仔行動大使 [154]
2010年3月 關注子宮頸癌聯盟－預防子宮頸癌大使 [155]
2010年5月 第三十五屆全港青年翻譯比賽－宣傳大使 [156]
2010年7月 煤氣公司－低碳攝影大使 [157]
2010年10月 海星項目（Project Kaisei）－青年大使 [158]
2011年7月 成長希望基金會－青少年大使 [159]
2012年4月 ATV2012感動香港人物推選－感動香港大使 [160]
2012年7月 太陽計劃－超級太陽使者 [161]
2012年8月 救世軍定向日－定向大師 [162]
2013年3月 世界自然基金會香港分會－星級大使 [163]
2013年9月 全港中學生“寫作樂”計劃－“寫作樂”大使 [164]
2013年10月 “舞動助人Shake To Feed”計劃－舞動助人 [165]
2013年10月－2014年 “一翅都唔食”護鯊行動－護鯊大使 [166]
2015年5月 中國大陸 阿里巴巴娛樂寶&蜂鳥音樂『童年的節奏』公益捐助－發起人 [167]
2015年10月 新浪四川“暖冬行動”第五季－愛心大使 [168]
2018年3月 馬來西亞 2018年馬來西亞世界宣明會飢餓三十人道救援行動－愛心大使 [169]
2023年11月 香港 轉數快「高危警示」－CYBERDEFENDER 守網者 [170]

睇埋

編輯

註

編輯
  1. ↑ 粵語配音

參考

編輯
  1. ↑ 1.0 1.1 1.2 〈鄧紫棋名字被註冊「主因曝光」！　11年藝名恐歸零…前經紀人鬆口了〉。《ETtoday星光雲》 (臺灣中文)。喺2023-10-20搵到。{{cite web}}: CS1 maint: url-status (link)
  2. ↑ SEAN CHENG。〈鄧紫棋新歌《Gloria》：從精神的廢土到恩典的樂土〉。Christianity Today (香港中文)。原著喺2023-03-29歸檔。喺2023-10-20搵到。
  3. ↑ Lavie。〈宇宙G.E.M真的衝出宇宙？鄧紫棋現身NASA為港人增光〉。Marie Claire HK (香港中文)。原著喺2023-09-03歸檔。喺2023-10-20搵到。
  4. ↑ 4.0 4.1 YASMEEN GHARNIT. "HANGING OUT WITH G.E.M." NYLON (英文). 原先內容歸檔喺2023-08-22. 喺2023-10-05搵到.
  5. ↑ 5.0 5.1 5.2 〈娛樂直播 娛樂專訪：鄧紫棋〉。2009-01-12。原著喺2010-01-02歸檔。喺2017-07-01搵到。互聯網檔案館嘅歸檔，歸檔日期2010-01-02.
  6. ↑ 〈第24屆台灣金曲獎提名解讀：真是一場好戲〉。原著喺2014年9月24號歸檔。喺2017年7月1號搵到。
  7. ↑ SYLVIA CHENG; INNA CHOU。〈鄧紫棋教我們的10堂課：「不用對世界太沮喪，因為你一定也曾傷害過人，這就是人性！」〉。ELLE TW (臺灣中文)。喺2023-08-30搵到。
  8. ↑ Tiffany Choi (2017-12-10). "G.E.M., one of Forbes' "30 under 30" most influential people, on handling 80,000 nasty comments, internet trolls and negativity". YP (英文). 喺2023-12-08搵到.
  9. ↑ 紀鉁荷。〈「擁抱自己的缺點」 23歲鄧紫棋靠超猛鐵肺飆唱爆紅！ | ETtoday星光雲〉。《ETtoday新聞雲》 (繁體中文)。原先內容歸檔喺2020-09-04。喺2020-07-30搵到。
  10. ↑ 〈鄧紫棋內地巡演北京收官 新巡演2017再啓動〉。原先內容歸檔喺2016-01-26。喺2016-01-09搵到。
  11. ↑ 11.0 11.1 〈專訪香港歌手鄧紫棋：音樂是唯一語言〉。BBC NEWS (臺灣中文)。喺2023-09-08搵到。
  12. ↑ 〈G.E.M.創紀錄 5曲MV點擊破億〉。《東方日報》 (中文)。2023-11-30。喺2024-01-14搵到。
  13. ↑ 許秀麗 (2023-01-19)。〈鄧紫棋曾經的樂壇小天后 創下多個無人能及紀錄！竟在這事上失利〉。《香港01》 (香港中文)。喺2023-01-19搵到。
  14. ↑ 〈G.E.M. 奪美國KCA 最受歡迎亞洲藝人大獎〉。《明報教育網》 (zn-tw)。喺2024-01-07搵到。{{cite web}}: CS1 maint: unrecognized language (link)
  15. ↑ 〈邓紫棋获美国KCA"最受欢迎亚洲艺人"奖〉。ent.sina.com.cn。喺2024-01-07搵到。
  16. ↑ 16.0 16.1 〈EMA：G.E.M.奪中國及香港地區歌手〉。原先內容歸檔喺2016-11-11。喺2016-11-10搵到。
  17. ↑ 17.0 17.1 "MTV EMA 2017". MTVEMA. 原著喺2016-11-11歸檔. 喺2016-11-10搵到.
  18. ↑ [呢個統計係2013年4月到2014年3月 中港台各地藝人、運動員同埋作家等等嘅知名度、影響力、收入等作指標]
  19. ↑ 〈福布斯名人榜：鄧紫棋首次上榜 周杰倫下滑至第三〉。原著喺2018-08-05歸檔。喺2014-07-06搵到。
  20. ↑ 〈2015福布斯中國名人榜〉。原先內容歸檔喺2015-05-14。喺2015-05-12搵到。
  21. ↑ 21.0 21.1 Steve Baltin (2016-05-30). "2016 30 Under 30: Music". Forbes (英文). 喺2023-12-08搵到.
  22. ↑ 〈這麼厲害！鄧紫棋席琳娜同獲殊榮〉。原著喺2016-01-27歸檔。喺2016-01-09搵到。
  23. ↑ 〈嚴正聲明〉。2019-03-07。原著喺2019-06-14歸檔。喺2019-03-07搵到。
  24. ↑ 〈掰了前東家！鄧紫棋成立個人工作室…粉絲尖叫：鄧老闆來啦〉。《三立新聞網》 (臺灣中文)。2019-04-19。喺2023-05-09搵到。
  25. ↑ 《邓紫棋专访："90后"华语流行乐坛代表性女歌手邓紫棋，讲述她的音乐故事和三十而立的人生感悟 |《可凡倾听》KEVIN HOURS【东方卫视官方频道】》 (英文)，喺2022-07-04搵到
  26. ↑ 《外婆，我很想妳》 (英文)，喺2022-07-04搵到
  27. ↑ 〈G.E.M.鄧紫棋IG悼念婆婆離世12年 貼童年合照顯巨星唱歌功架萌值爆燈〉。《星島網》 (香港中文)。2023-03-08。喺2024-01-24搵到。
  28. ↑ 〈《頭條日報》：G.E.M. At Seventeen〉。原先內容歸檔喺2015-11-05。喺2014-02-07搵到。
  29. ↑ 〈G.E.M.童年教育電視 part 1 of 4：金花學國語 - YouTube〉。2009-03-09。
  30. ↑ 〈G.E.M.童年教育電視 part 2 of 4：小龜也探親 - YouTube〉。2009-03-13。
  31. ↑ 〈G.E.M.童年教育電視 part 3 of 4 : 小娟與小狗 - YouTube〉。2009-03-13。
  32. ↑ 〈G.E.M.童年教育電視 part 4 of 4 : 對不起 - YouTube〉。2009-03-13。
  33. ↑ Face雜誌第73期
  34. ↑ 〈我們都是協和長大的〉。都市日報。2010-10-15。原先內容歸檔喺2019-10-21。喺2019-10-21搵到。
  35. ↑ 〈G.E.M.校際音樂賽奠定實力〉。《東方日報》 (香港中文)。2011-11-02。喺2024-01-16搵到。
  36. ↑ 太陽報 (2015-09-29)。〈鄰居墮樓亡 G.E.M籲珍惜生命〉。原著喺2016-02-29歸檔。喺2017-07-01搵到。
  37. ↑ KRITI NAYYAR. "G.E.M: 10 fascinating facts about Hong Kong's music sensation". LIFESTYLE ASIA (英文). 喺2023-08-30搵到.
  38. ↑ 〈紀錄片第3期鄧紫棋自曝暗戀史〉。原著喺2014-03-27歸檔。喺2017-07-01搵到。互聯網檔案館嘅歸檔，歸檔日期2014-03-27.
  39. ↑   YouTube上面嘅08年度叱吒樂壇流行榜頒獎典禮
  40. ↑ 40.0 40.1 40.2 40.3 40.4 40.5 40.6 〈鄧紫棋『18···』專輯介紹〉。《銀河網路電台》 (臺灣中文)。喺2023-03-26搵到。
  41. ↑ 〈G.E.M.孖Mr.搖滾唱㷫歌迷〉。頭條日報。2010-07-31。
  42. ↑ 〈史上最young 年底開紅館騷〉。原著喺2019-06-29歸檔。喺2020-09-20搵到。
  43. ↑ 秘撈係粵語「外快」嘅意思
  44. ↑   YouTube上面嘅"G.E.M. 秘撈Tour" 第一站 - 果汁檔
  45. ↑   YouTube上面嘅"G.E.M. 祕撈Tour" 第二站 － ATV天氣報告員
  46. ↑   YouTube上面嘅G.E.M. 亞視天氣報告高清完整版
  47. ↑   YouTube上面嘅"G.E.M. 祕撈Tour" 第三站 － 外籍傭工 《預告片》
  48. ↑   YouTube上面嘅"G.E.M. 祕撈Tour" 第三站－外籍傭工
  49. ↑   YouTube上面嘅"G.E.M. 秘撈Tour" 第四站之越野電單車手
  50. ↑ ""G.E.M. 祕撈Tour" 第五站－暑期工 - YouTube"。www.youtube.com。原先內容歸檔喺2020-03-24。喺2020-07-30搵到。
  51. ↑ 〈G.E.M. 祕撈Tour" 第六站 - 蘋果動新聞〉。原著喺2017年1月13號歸檔。喺2017年7月1號搵到。互聯網檔案館嘅歸檔，歸檔日期2017年1月13號，.
  52. ↑ 〈"G.E.M. 祕撈Tour" 第七站﹣世界自然基金會教育主任〉。原先內容歸檔喺2014-02-10。喺2013-01-25搵到。
  53. ↑ "ASIA MUSIC CONNECTION 2012". 原著喺2012年11月26號歸檔. 喺2017-07-01搵到.互聯網檔案館嘅歸檔，歸檔日期2012年11月26號，.
  54. ↑   YouTube上面嘅G.E.M. & Jason Mraz rehearse LUCKY (Chinese version) @ iTunes Live Hong Kong backstage
  55. ↑ "Buy "Xposed" @ iTunes". 原先內容歸檔喺2012-07-27. 喺2012-08-20搵到.
  56. ↑ G.E.M.鄧紫棋Xposed臺北音樂會
  57. ↑ 邱愛霖。〈鄧紫棋曬荃灣豪宅海景相賀新春　擲逾2千萬買入闊別3年終入住〉。《香港01》 (香港中文)。喺2023-11-21搵到。
  58. ↑ 〈10場演唱會的最年輕華人歌手〉。原著喺2019年6月22號歸檔。喺2017年7月1號搵到。
  59. ↑ 〈G.E.M.成金曲獎最年輕的候選人〉。原著喺2014年3月10號歸檔。喺2017年7月1號搵到。互聯網檔案館嘅歸檔，歸檔日期2014年3月10號，.
  60. ↑ 〈鄧紫棋《你把我灌醉》試聽破千萬獲原唱力贊〉。原先內容歸檔喺2014-10-06。喺2014-05-19搵到。
  61. ↑ "G.E.M. LIVE PIANO SESSION - YouTube". www.youtube.com. 原先內容歸檔喺2020-09-04. 喺2020-07-30搵到.
  62. ↑ 〈鄧紫棋做客《靜距離》 《泡沫》背後是失戀情歌〉。原著喺2017-01-02歸檔。喺2017-07-01搵到。
  63. ↑ 〈2014福布斯中國名人榜〉。原著喺2014-05-04歸檔。喺2017-07-01搵到。
  64. ↑ 〈鄧紫棋：港星新一代〉。原著喺2014-05-04歸檔。喺2017-07-01搵到。互聯網檔案館嘅歸檔，歸檔日期2014-05-04.
  65. ↑ 〈黃牛扎堆鄧紫棋個唱 980元門票賣4000〉。原先內容歸檔喺2014-05-26。喺2014-05-27搵到。
  66. ↑ 〈奧克蘭開唱鄧紫棋感恩22歲開50場演唱會〉。原著喺2014-08-19歸檔。喺2014-08-15搵到。
  67. ↑ 〈蜡像又来了！快来猜哪一个才是邓紫棋本尊_大公娱乐_大公网〉。ent.takungpao.com。原先內容歸檔喺2020-09-04。喺2020-07-30搵到。
  68. ↑ 〈鄧紫棋首攻臺北小巨蛋4小時完售　粉絲臉書跪求加場〉。原著喺2015年9月24號歸檔。喺2017年7月1號搵到。
  69. ↑ 〈明星大聲量! G.E.M.鄧紫棋 獨家專訪〉。原著喺2017-08-11歸檔。喺2017年7月1號搵到。
  70. ↑ 〈邓紫棋开启世界巡演 欲进入欧美主流市场〉。原先內容歸檔喺2015-05-31。喺2015-11-12搵到。
  71. ↑ 〈鄧紫棋6200萬年收入成90後藝人之冠 稱不會退出娛樂圈〉。原著喺2016-03-04歸檔。喺2017-07-01搵到。
  72. ↑ "Billboard Launches 'Billboard Radio China,' Asia's First Billboard-Branded Internet Radio Station". 原先內容歸檔喺2015-12-01. 喺2015-11-12搵到.
  73. ↑ 〈鄧紫棋內地巡演北京收官 新巡演2017年再啟動〉。原著喺2022-05-31歸檔。喺2015-08-03搵到。
  74. ↑ 〈好聲音最年輕夢想導師鄧紫棋將助陣汪峰組〉。原著喺2015-08-18歸檔。喺2017-07-01搵到。互聯網檔案館嘅歸檔，歸檔日期2015-08-18.
  75. ↑ 〈流行歌手第1人！鄧紫棋登中國300年一級古蹟「正乙祠」〉。《蕃新聞》 (臺灣中文)。原先內容歸檔喺2020-09-04。喺2020-07-30搵到。
  76. ↑ 鄧紫棋首張全創作視聽專輯「《新的心跳》」發佈會
  77. ↑ 鄧紫棋連獲15獎 紅毯到舞臺表演「精分秀」
  78. ↑ 〈白龍蝦禮服慘淪蛆蛆裝　裸身的鄧紫棋妳贏了…〉。原著喺2016年4月14號歸檔。喺2017年7月1號搵到。
  79. ↑ 〈思念被「畫」下 鄧紫棋全新創作曲《畫》首發〉。原著喺2016-06-05歸檔。喺2017-07-01搵到。互聯網檔案館嘅歸檔，歸檔日期2016-06-05.
  80. ↑ GEMblog (2015-10-29)。〈G.E.M.【再見 GOODBYE】Official MV [HD] 鄧紫棋〉。原先內容歸檔喺2017-02-12。喺2016-09-26搵到 –透過YouTube。
  81. ↑ DANIEL KU。〈G.E.M.鄧紫棋成立個人慈善基金會，「用音樂傳遞愛」〉。VOGUE TW (臺灣中文)。原先內容歸檔喺2021-06-16。喺2023-10-11搵到。
  82. ↑ 〈G.E.M.地獄廚神踩場 表演放火〉。原著喺2018年2月6號歸檔。喺2018年4月7號搵到。
  83. ↑ 黃梓恒 (2018-11-19)。〈鄧紫棋G.E.M.入選BBC「年度百大女性」　被評為具影響力的音樂家〉。《香港01》。原先內容歸檔喺2018-11-20。喺2018-11-19搵到。
  84. ↑ 蘇國豪 (2020-04-22)。〈鄧紫棋解約後成立「棋士聯盟」一周年 貼文慶祝：雨後總有陽光〉。《香港01》 (香港中文)。喺2020-04-22搵到。
  85. ↑ 〈個唱遲兩小時開騷 G.E.M.含淚感激歌迷冇離座〉。《力報》 (澳門中文)。2019-03-11。喺2023-12-11搵到。
  86. ↑ 〈鄧紫棋4月19日微博更新〉。原著喺2019-06-14歸檔。喺2019-04-19搵到。
  87. ↑ 冼燕珊。〈G.E.M.擔任蔡依林演唱會嘉賓 差點講錯說話獲Jolin大方回應〉。《香港01》 (香港中文)。喺2023-11-21搵到。
  88. ↑   YouTube上面嘅《Fly Away》
  89. ↑ 〈睇相／香港二十大90後女星，咁有仙氣你又知幾個？〉。《網路溫度計》。2020-01-31。原先內容歸檔喺2020-09-04。喺2020-01-31搵到。
  90. ↑   YouTube上面嘅《平凡天使 Angels》
  91. ↑ 黃浩晉 (2020-02-02)。〈G.E.M.寫歌表揚好人好事：世界因為你在痛裡有感動〉。《香港01》。原先內容歸檔喺2020-02-02。喺2020-02-02搵到。
  92. ↑ 〈鄧紫棋作新曲《平凡天使》 聲援防疫致敬平凡英雄〉。《搜狐》。2020-02-02。原著喺2020-02-02歸檔。喺2020-02-02搵到。
  93. ↑ Ku, Daniel (2020-03-03)。〈鄧紫棋首度演唱華語片主題曲《很久以後》 MV拍攝現場痛心回憶湧現秒落淚〉。Vogue。原先內容歸檔喺2020-03-15。喺2020-04-10搵到。
  94. ↑   YouTube上面嘅《多美麗》
  95. ↑   YouTube上面嘅嘅影片
  96. ↑ 香港01。〈【金曲獎2020】鄧紫棋入圍5獎超興奮：已經贏了以前的自己！〉。原先內容歸檔喺2021-02-03。喺2020-11-25搵到。
  97. ↑ 明報。〈【首奪金曲獎座】G.E.M.不吐不快 暗窒前經理人：沒有你我還是可以 (18:40)〉。原先內容歸檔喺2021-02-03。喺2020-11-25搵到。
  98. ↑ 〈16歲出道經歷高山低谷 G.E.M.鄧紫棋 回歸樂壇重尋初心〉。《香港經濟日報》 (香港中文)。2022-09-23。喺2024-01-24搵到。
  99. ↑ 東方日報。〈G.E.M.閉完關撲水 酬勞兩折照殺〉。《Yahoo!新聞》 (臺灣中文)。喺2023-03-26搵到。
  100. ↑ "WARNER MUSIC ASIA PARTNERS WITH CHINESE SUPERSTAR G.E.M. FOR GROUNDBREAKING SPANISH ALBUM RELEASE" (英文). 2023-06-16. 原先內容歸檔喺2023-07-10. 喺2023-06-17搵到.
  101. ↑ "To Build a Fanbase, China's G.E.M. Releasing Trailblazing Spanish-Language Version of Album". 《告示牌》. 2023-06-21. 原先內容歸檔喺2023-07-10. 喺2023-07-10搵到.
  102. ↑ charlottema (2023-12-11)。〈G.E.M.鄧紫棋演唱會服裝超強視覺衝擊 「跌落升降台」嚇壞3萬fans〉。《新假期》 (香港中文)。喺2023-12-12搵到。
  103. ↑ 東方日報 (2023-12-10)。〈G.E.M.廣州騷驚見「露出胸部」 閨蜜撐場勁幸福〉。《Yahoo!新聞》 (香港中文)。喺2023-12-12搵到。
  104. ↑ Moon (2024-02-04)。〈G.E.M.鄧紫棋回歸香港舞臺超水準演出 網民極後悔：回家吧！〉。《新假期》 (香港中文)。喺2024-02-14搵到。
  105. ↑ 〈Brand New Star網上歌唱比賽官方網站〉。原著喺2011-04-01歸檔。喺2017年7月1號搵到。互聯網檔案館嘅歸檔，歸檔日期2011-04-01.
  106. ↑ 〈FACE獨家 - 林宥嘉狂扯記者 G.E.M鄧紫棋激動喝止 - YouTube〉。www.youtube.com。原先內容歸檔喺2020-09-04。喺2020-07-30搵到。
  107. ↑ 〈林宥嘉鄧紫棋約定得獎就公開戀情　雙雙摃龜只好閉嘴〉。原先內容歸檔喺2014-10-06。喺2014-08-02搵到。
  108. ↑ 〈林宥嘉鄧紫棋巧告假 爆雙飛普吉島 - Yahoo奇摩新聞〉。tw.news.yahoo.com (中文)。原先內容歸檔喺2020-09-04。喺2020-07-30搵到。
  109. ↑ 〈林宥嘉默认与邓紫棋分手 演唱会后当兵〉。ent.sina.com.cn。原先內容歸檔喺2020-03-24。喺2020-07-30搵到。
  110. ↑ 〈on cc 林宥嘉親證與G E M 分手 原因放心裏 - YouTube〉。www.youtube.com。原先內容歸檔喺2020-09-04。喺2020-07-30搵到。
  111. ↑ 〈林宥嘉入伍前將開唱 不拒鄧紫棋來捧場〉。原先內容歸檔喺2014-08-10。喺2014-08-02搵到。
  112. ↑ 〈鄧紫棋炮轟林宥嘉5宗罪 分手變仇人怒斥其虛偽〉。原著喺2014-08-11歸檔。喺2022-12-01搵到。互聯網檔案館嘅歸檔，歸檔日期2014-08-11.
  113. ↑ 〈好聚難散！鄧紫棋怒轟舊愛林宥嘉5罪狀〉。原著喺2014-03-30歸檔。喺2022-12-01搵到。互聯網檔案館嘅歸檔，歸檔日期2014-03-30.
  114. ↑ 〈鄧紫棋華晨宇戀情曝光？G.E.M.經理人稱不過問藝人私生活 (19:25) - 20160302 - SHOWBIZ〉。《明報OL網》 (繁體中文)。原先內容歸檔喺2020-09-04。喺2020-07-30搵到。
  115. ↑ 〈華晨宇鄧紫棋戀情曝光 除夕慶生機場摸頭〉。綜合。2016-03-02。
  116. ↑ 洪曉璇。〈G.E.M.鄧紫棋久違放閃　為MARK慶生貼多張合照感激一路陪伴〉。《香港01》 (臺灣中文)。喺2023-10-20搵到。
  117. ↑ 香港商業電台叱咤903節目《Black》，2008-11-29。
  118. ↑ 〈鄧紫棋讚光頭側田可愛〉。《星島日報》。2009-10-19。原著喺2012-03-13歸檔。喺2017-07-01搵到。 {{cite news}}: Cite has empty unknown parameter: |coauthors= (help)
  119. ↑ 〈鄧紫棋唱得好說話卻漏風 《歌手2》將翻唱黃大煒〉。原著喺2020-03-24歸檔。喺2017-07-01搵到。
  120. ↑ 鄧紫棋「怪口音」緣於左顎骨萎縮 暫不做手術
  121. ↑ 〈鄧紫棋為失言致歉‧胡杏兒表現大方〉。原著喺2016-03-06歸檔。喺2017-07-01搵到。互聯網檔案館嘅歸檔，歸檔日期2016-03-06.
  122. ↑ 〈開講啦-獨一無二的鄧紫棋 2014-9-20〉。原先內容歸檔喺2015-05-26。喺2014-09-23搵到。
  123. ↑ 〈G.E.M. 對香港頒獎禮的看法〉。原先內容歸檔喺2014-04-25。喺2014-01-16搵到。
  124. ↑ 〈G.E.M.開腔力撐梁振英捱轟〉。原著喺2017-08-11歸檔。喺2014-03-04搵到。
  125. ↑ 125.0 125.1 〈G.E.M. 鄧紫棋〉。www.facebook.com (簡體中文)。原著喺2020-09-04歸檔。喺2020-07-30搵到。
  126. ↑ 〈香港人週末在幹嘛？鄧紫棋懶理佔中被譙翻〉。原著喺2015年9月24號歸檔。喺2017年7月1號搵到。
  127. ↑ 〈傳遭大陸封殺　鄧紫棋淚崩直喊：清者自清〉。原著喺2015年9月24號歸檔。喺2017年7月1號搵到。
  128. ↑ 〈大陸爆紅香港歌手鄧紫棋只因「為香港痛哭」而被「嚴控」〉。原著喺2017年5月17號歸檔。喺2017年7月1號搵到。互聯網檔案館嘅歸檔，歸檔日期2017年5月17號，.
  129. ↑ CheukHim。〈內地唱《一無所有》 傳遞自由信息〉。www.mingpaocanada.com (英文)。原先內容歸檔喺2020-09-04。喺2020-07-30搵到。
  130. ↑ 〈第24屆台灣金曲獎提名解讀：真是一場好戲〉。《騰訊娛樂》。原著喺2014-09-24歸檔。喺2018-09-29搵到。
  131. ↑ 〈EMA:G.E.M.奪中國大陸及香港地區歌手〉。《東網》。2016-11-07。原先內容歸檔喺2016-11-11。喺2018-09-29搵到。
  132. ↑ 林佑珊 (2018-11-19)。〈華人只有她一個！鄧紫棋登「BBC百大女性」　本人一看嚇傻了〉。《ETtoday星光雲》。原先內容歸檔喺2018-11-19。喺2018-11-19搵到。
  133. ↑ 〈G.E.M. 鄧紫棋的最愛！奇蹟特嫩精華〉。BIOTHERM (臺灣中文)。喺2023-09-19搵到。
  134. ↑ COSMO。〈嗌到衝出國際！G.E.M.獲選全球「1000位美麗人物」榜〉。《Yahoo!新聞》 (香港中文)。喺2023-09-19搵到。
  135. ↑ 〈推廣子宮頸癌疫苗 由學校出發〉。《東方日報》 (香港中文)。喺2023-09-19搵到。
  136. ↑   YouTube上面嘅G.E.M shares how Circle DNA test changed her lifestyle
  137. ↑ 楊奇。〈鄧紫棋RAP完馬上飆高音！　「鐵肺無極限」超狂〉。《ETtoday星光雲》 (臺灣中文)。喺2023-09-19搵到。
  138. ↑ 〈邓紫棋代言《部落冲突:皇室战争》，玩家大赞公主神COS〉。《新浪网》 (中國中文)。喺2023-09-19搵到。
  139. ↑ 〈G.E.M.扮男仔上網打機〉。《東方日報》 (香港中文)。喺2023-09-19搵到。
  140. ↑ 〈合作拍朱古力廣告 內地瘋傳G.E.M.金秀賢同居〉。《蘋果日報》 (香港中文)。喺2023-09-19搵到。
  141. ↑ 多個來源：
  142. ↑   YouTube上面嘅G.E.M. X Jolly Shandy: 破格私鬥遊戲!!!
  143. ↑ 多個來源：
  144. ↑ 〈一睹新天后 G.E.M.鄧紫棋瘋狂一面 《瘋狂鄰居》12月14日封測正式啟動〉。GNCnews。2012-12-11。原著喺2019-06-14歸檔。喺2018-09-29搵到。
  145. ↑ 許皓婷。〈王嘉爾「脫口這句話」　鄧紫棋一聽秒翻白眼…怒了！〉。《ETtoday星光雲》 (臺灣中文)。喺2023-09-19搵到。
  146. ↑ Steven Munatones. "It'll Be A GEM Of An Event In Long Beach". Open Water Swimming Association (英文).
  147. ↑ "G.E.M, new ambassador". WORLDTEMPUS. (英文). 喺2023-09-19搵到.
  148. ↑ Ren。〈Topshop確定進駐香港Hong Kong 請來「小鎂」桂綸鎂、「少女時代」孝淵、鄧紫棋代言 6月6日正式開幕〉。GQ Taiwan (臺灣中文)。喺2023-09-19搵到。
  149. ↑ Younie Tsang。〈G.E.M.鄧紫棋3個最美眼妝！成為Urban Decay全球代言人〉。ELLE HK (香港中文)。喺2019-08-13搵到。
  150. ↑ 〈澳門新濠天地任命受訓　G.E.M.太空追夢〉。《東網》 (香港中文)。喺2023-09-19搵到。
  151. ↑   YouTube上面嘅Yishion Fashion Start Music Event Han Geng X G.E.M
  152. ↑ 〈太陽少男少女新鮮出爐 玩手棉球盡展創意活力〉。《香港電台》 (臺灣中文)。2009-06-21。喺2023-03-26搵到。
  153. ↑ 〈鄧紫棋自嫌似棵樹〉。《東方日報》 (香港中文)。喺2023-03-26搵到。
  154. ↑ 東方日報。〈鄧紫棋調皮「史迪女」〉。orientaldaily.on.cc (香港中文)。原先內容歸檔喺2010-06-12。喺2010-03-19搵到。
  155. ↑ 東方日報。〈鄧紫棋自爆M到肥腫難分〉。orientaldaily.on.cc (香港中文)。原先內容歸檔喺2010-07-03。喺2010-03-08搵到。
  156. ↑ 〈第三十五屆全港青年翻譯比賽〉。《半島青年商會》 (香港中文)。喺2010-05-08搵到。
  157. ↑ 〈「低碳．好生活」攝影比賽〉。《Yahoo！新聞》 (香港中文)。喺2010-07-26搵到。
  158. ↑ 〈香港樂壇新生代最夯女歌手——90後"鐵肺唱將"鄧紫棋〉。Ponews.net (繁體中文)。喺2018-12-31搵到。
  159. ↑ 〈邓紫棋个唱舞裙义卖捐助贫困青少年不忘慈善〉。《搜狐音乐》 (中國中文)。喺2013-05-13搵到。
  160. ↑ 〈G.E.M.亮相亞視後與無綫傾合作〉 (香港中文)。星島日報。2012-03-25。原著喺2018-10-02歸檔。喺2012-04-07搵到。
  161. ↑ 〈港台藝發局今嘉許校園藝術大使 GEM王梓軒齊分享藝術表演樂趣〉。《香港電台》 (香港中文)。喺2012-07-14搵到。
  162. ↑ timable。〈「救世軍定向日」比賽〉。timable.com (繁體中文)。喺2012-08-19搵到。{{cite web}}: CS1 maint: url-status (link)
  163. ↑ 腾讯公益。〈陈奕迅响应环保糖兄妹邓紫棋共献爱心〉。《腾讯》 (中國中文)。喺2013-03-07搵到。{{cite web}}: CS1 maint: url-status (link)
  164. ↑ 〈G.E.M.笑男友似小丸子〉。《Yahoo！新聞》 (香港中文)。喺2013-09-24搵到。
  165. ↑ 晴報。〈G.E.M.計劃30歲前結婚生仔〉。《晴報Sky Post》 (香港中文)。喺2013-10-24搵到。
  166. ↑ 〈[零翅婚禮達人] 你辦「無翅」婚宴，G.E.M. 出無限「驚囍」〉。WiX.com (香港中文)。喺2013-09-24搵到。
  167. ↑ 〈娱乐宝打造"大经纪人"平台邓紫棋成首位"梦想合伙人"〉。《新浪时尚》 (中國中文)。喺2015-05-14搵到。
  168. ↑ 〈群星祝福暖冬行动 迪丽热巴公益首秀获力挺〉。《新浪四川》 (中國中文)。喺2015-10-16搵到。
  169. ↑ Pamper my. "Countdown〡 July 22 @ Stadium Malawati, Shah Alam". pamper.my (英文). 喺2018-03-19搵到.
  170. ↑ 〈（有片）轉數快丨阿G.E.M. 提提你　轉數前「想清楚先」〉。《點新聞》 (香港中文)。2023-11-29。喺2024-02-14搵到。

出面網頁

編輯
搵更多有關
鄧紫棋
喺維基媒體兄弟計劃嘅嘢
  維基同享嘅媒體
  維基語錄嘅名言
  維基數據嘅數據
由「https://zh-yue.wikipedia.org/w/index.php?title=鄧紫棋&oldid=2248745」收