陳壽233年297年),字承祚,係蜀漢西晉嘅史學家,係廿四史入面《三國志》嘅作者。佢本身係巴西安漢(而家嘅四川南充)人,當時人話佢叻講故仔,係良史之才。

一生

後生嗰陣勤學,拜譙周為師,當時同輩話佢同李密好似子游子夏文立顏回羅憲子貢,之後做蜀漢觀閣令史,佢唔順當時權臣黃皓,周時被朝廷怒同降職,蜀漢滅亡之後入晉,畀羅憲推薦自己,張華睇重自身才華就被佢舉孝廉,任佐著作郎,補陽平令。

之後張華俾佢推薦做中書郎,忌張華嘅荀勗憎陳壽,計劃叫吏部調佢做長廣太守,陳壽話佢老母老咗就唔做,杜預去守荊州前,有同晉武帝司馬炎推薦佢,最終朝廷畀佢做御史治書。

陳壽老母死嗰陣,照佢遺囑去洛陽埋葬,但係畀人爭議降職,佢老師譙周話佢:「呢一定係才學成名,但係呢當官會受侮辱同損失,不過唔一定係呢嘅不幸,必定要多慎啲。」以後陳壽仲係降職,同譙周話嘅一樣,幾年後,朝廷畀佢做太子中庶子冇到任。

同埋蜀漢名臣出身嘅王崇壽良、李密、李驤杜烈係親密關係,畀人話係兩州有代表性嘅俊傑,入晉後各個開始陌生同唔啱,陳壽同壽良、李驤嗌到互相誣衊,都畀杜烈嚴厲批評,得一個王崇溫和嗻,不分彼此,仲同大家保持親密。

著作

佢作嘅《蜀相諸葛亮集》上奏朝廷,得到著作郎一職,領本郡中正;有《益都耆舊傳》十篇畀文立攞去俾晉武帝司馬炎睇,受到嘉獎;同作《古國志》五十篇。

三國志

《三國志》係佢成名作,有六十六篇,寫咗魏蜀吳三國歷史,俾大家歌頌讚賞,當時夏侯湛睇咗佢呢本書嘅《魏志》之後就毀咗自身作嘅《魏書》。佢同僚張華話:「編篡本朝歷史嘅大任應該留畀佢做。」

佢死後俾梁州大中正尚書郎范頵上書畀皇帝,讚《三國志》呢本書「辭多勸誡,明乎得失,有益風化」,以求搵人記錄,除咗一篇《敘錄》失傳之外,宜家有六十五篇流傳世間。

南朝劉勰係佢《文心雕龍·史傳》都話:「唯陳壽三志,文質辨洽,比之於,非妄譽也。」

爭議

晉書》記佢同丁儀丁廙兩兄弟嘅仔收立傳費,話:「可覓千斛米見與,當為尊公作佳傳。」但係佢哋拒絕咗,陳壽竟唔同佢哋兄弟高名聲立傳。據《三國志·魏書·任城王傳》記嘅話,陳壽出生前13年(220年)曹丕抄嗮丁氏兄弟同全家男丁,根本冇後世,如果用呢個說話,就晉書記嘅係假嘅。但陳壽係《三國志》作者,所以呢講法唔足確切證據。有人信丁儀遺孀嘅著作《寡婦賦》嘅「抱弱子以自慰」一話,認為丁氏兄弟同男性被殺,但係未必牽連男嗣。呢個講法係存疑嘅,因為《寡婦賦》未必係丁儀遺孀所作嘅,講嘅都未必係丁儀遺孀。

潘眉《三國志考證》指出丁儀、丁廙唔係高官同冇大功,又奪嫡唔成,係曹魏罪人,就係唔得立傳嘅原因。王鳴盛《十七史商榷》寫嘅:「丁儀、丁廙巧佞之猶,安得立傳?」朱彝尊仲話:「(陳)壽於魏文士,惟為王粲衛覬等五人立傳,粲取其興造制度,覬取其多識典故,若徐幹陳琳阮瑀應瑒劉楨,僅於《粲傳》附書。彼丁儀、丁廙何獨當立傳乎?造此謗者,亦未明壽作史之大凡矣。」話丁氏兄弟好少事蹟講,就冇同佢哋立傳。

親屬

侄仔

  • 陳符,字長信,有文才,入晉後代陳壽成咗著作佐郎。
  • 陳蒞,字叔度,入晉後任梁州別駕