陳振哲

陳振哲（英文：Richard Chan，1972年—），人稱「機場大叔」，係香港泛民主派人士，地區組織「大埔民主聯盟」成員，大埔區議會林村谷選區前任議員。

佢擁有法律碩士學歷，亦曾經從事會計師工作、殯葬行業（祿福禮儀學院院長），喺2019年8月香港修例風波嘅百萬人塞爆機場行動入面，佢著住西裝擋住喺警察同示威者之間，一度被誤會係機場管理局高層職員，所以畀人叫做「機場大叔」。

陳振哲喺2019年第6屆區議會選舉參選大埔林村谷選區，最後打贏陳灶良，成功當選。

2021年10月4號，陳振哲參加區議員宣誓儀式，之後被監誓人質疑佢嘅宣誓有效性，最終決定佢宣誓無效，無咗個議席。