陶謙
陶謙（粵拼：tou4 him1；132年—194年），字
| 陶謙 | |
|---|---|
| 東漢 安東將軍、徐州牧、溧陽侯 | |
| 生 | 132年 |
| 死 | 194年 |
| 活躍時期 | ？～194年 |
| 繼任 | 劉備(徐州牧) |
| 仔女 | 陶商、陶應 |
| 遞啲名 | |
| 字 | 恭祖 |
生平 編輯
婚後發跡 編輯
陶謙喺細嗰陣時就死咗老豆，佢喺縣入面喺出晒名嘅遊蕩不羈，成日同其他細路仔一齊玩騎馬打仗嘅遊戲，啲細路仔都認陶謙做大佬。前蒼梧太守甘公睇到陶謙後，認為佢相貌雄偉，未來一定會有成就，於是將自己嘅女嫁畀陶謙[2]。結咭婚之後嘅陶謙一改以往浪蕩嘅個性，變到非常之好學，佢被舉為孝廉，封尚書郎，舒縣令，之後又舉為茂才，改封盧縣令。佢為官清白，轉拜幽州刺史，議郎。
征討西羌 編輯
西面嘅外族羌成日都侵擾邊境，朝廷派征西將軍皇甫嵩出戰，皇甫嵩徵召陶謙做揚武都尉，佢哋成功打低咗西羌[3]。中平二年（185年）涼州嘅邊章同埋韓遂喺度搞搞震，朝廷派車騎將軍張溫同埋董卓出兵討伐，張溫徵召陶謙同埋孫堅幫手。期間陶謙不滿張溫嘅無能，孫堅亦都同顢頇專橫嘅董卓唔啱傾[4]，最後陶謙喺酒會上面大鬧張溫，張溫一開始好嬲，但喺其他人嘅勸解下原諒陶謙，並且仲喺對陶謙好好[5]。
經營徐州 編輯
朝廷當初諗住討伐徐州嘅黃巾軍而封咗陶謙做徐州刺史。陶謙上任之後不斷招攬人才，例如佢曾經用刑罰威脅趙昱為自己效力。陶謙又任用陳登嚟負責農事，實施屯田制嚟屯積糧食。董卓討伐戰期間，河南尹朱儁號召其他州郡一齊做低董卓。陶謙派咗三千精兵，其他州郡亦都有畀朱儁少少支持，陶謙推舉朱儁做車騎將軍[6]。董卓死咗之後，佢嘅手下李傕同埋郭汜繼續控制朝廷，陶謙仲喺有派人進貢獻帝，獻帝封佢做安東將軍、徐州牧、溧陽侯[7]。之後陶謙聯合前揚州刺史周乾、琅邪相陰德、東海相劉馗、彭城相汲廉、北海相孔融、沛相袁忠、泰山太守應劭、汝南太守徐璆、前九江太守服虔、博士鄭玄等人一齊推舉朱儁做太師，號召其他軍閥豪強一齊做低李傕，尊奉獻帝，但喺朱儁畀李傕徵召入朝，陶謙佢哋只好放棄[8]。初平四年（193年），陶謙一開始聯合自稱天子嘅闕宣，之後又將佢殺咗、收咗佢嘅部眾[9]。
晚年失意 編輯
初平三年（192年），陶謙為咗呼應盟友袁術而喺發干度屯兵，諗住嚇吓袁紹，點知畀曹操同袁紹一齊做低。袁術雖然喺陶謙嘅盟友，但喺一直霸住徐州嘅廣陵郡。後尾袁術嘅沛國畀陶謙搶咗，袁術又自稱自己喺徐州伯[10]，雙方可能已經唔再係盟友。初平四年（193年），曹操因為老豆曹嵩喺泰山被殺而攻打陶謙，攻陷咗十幾座城，並且喺彭城打低陶謙，陶謙死咗萬幾人，搞到泗水都畀塞住咗。陶謙退守郯城，曹操由於打唔落嚟同埋食晒啲糧食而撤軍。第二年，曹操又打多陶謙一次，攻陷咗瑯琊同埋東海嘅好多縣，陶謙諗住走返鄉下丹陽。冇耐曹操因為呂布偷走咗自己嘅兗州而撤兵[11]。陶謙喺同年病死[12]，死之前叫別駕麋竺搵嚟徐州幫手嘅劉備嚟做徐州牧[13]。
屋企人 編輯
妻子 編輯
- 甘氏，蒼梧郡太守甘公個女。
仔女 編輯
- 陶商，陶謙個仔，冇出嚟做官。
- 陶應，陶謙個仔，冇出嚟做官。
部下 編輯
- 曹豹，陶謙部將。曹操攻打徐州嗰時，曹豹同理劉備喺郯東屯兵抗敵。曹豹之後俾劉備任為下邳相，同張飛駐守下邳，兩人內訌，曹豹搵人叫呂布嚟打下邳，後尾俾張飛斬殺。
- 許耽，中郎將，統領丹陽兵。同曹豹一齊迎接呂布。
- 趙昱，名士。俾陶謙威脅出嚟做別駕，後尾做咗廣陵太守，俾笮融殺害。
- 王朗，治中。同趙昱一齊提議出使長安，俾獻帝封俶會稽太守，後尾因為俾孫策做低而投靠曹操。
- 陳珪，徐州豪族，曾經做過沛相。
- 陳登，陳珪亞仔，陶謙請嚟做典農校尉，佢種植穀物嚟減少飢荒。
- 笮融，下邳相，佛教領袖。攞政府錢嚟起寺廟，因為頗具人望，所以陶謙忍住唔出聲，後尾走咗去江東。
- 蕭建，瑯邪相，諗住私通呂布，俾臧霸殺咗。
- 曹宏，陶謙親信，讒慝小人。
- 呂由，陶謙部將，俾曹仁做低。
- 麋竺，徐州富商。陶謙嘅別駕從事，陶謙死之後投靠劉備。
- 麋芳，彭城相，麋竺嘅細佬，陶謙死之後同亞哥一齊投靠劉備。
- 闕宣，自稱天子。陶謙初期附和，後尾將佢殺咗，並且收編佢嘅部眾。
- 臧霸，同陶謙一齊做低黃巾，拜騎都尉，喺開陽屯駐。後尾幫呂布抗拒曹操，呂布死咗之後帶孫觀、孫康、尹禮、吳敦、昌豨等投靠曹操，加入曹操後仕途順遂，晚年成為魏國重臣。
- 張闓，都尉。陶謙派張闓去迎接曹操嘅老豆曹嵩，但佢見利忘義，將曹嵩殺咗之後搶埋佢啲財物走。後尾投靠淮南嘅袁術，幫袁術搞死咗陳國相駱俊同埋陳王劉寵。
- 呂範，被懷疑喺袁術嘅內應，逃奔孫策。
- 吳範，會稽人，揚州從事。
參考 編輯
引用 編輯
- ↑ 《三國志·魏書八·二公孫陶四張傳》：陶謙字恭祖，丹楊人。
- ↑ 《三國志·魏書八·二公孫陶四張傳》注引《吳書》：謙少孤，始以不羈聞於縣中。年十四，猶綴帛爲幡，乘竹馬而戲，邑中兒僮皆隨之。故蒼梧太守同縣甘公出遇之塗，見其容貌，異而呼之，住車與語，甚恱，因許妻以女。甘公夫人聞之，怒曰：「妾聞陶家兒敖戲無度，如何以女許之？」公曰：「彼有奇表，長必大成。」遂妻之。
- ↑ 《吳書》曰：會西羌寇邊，皇甫嵩爲征西將軍，表請武將。召拜謙楊武都尉，與嵩征羌，大破之。
- ↑ 《三國志·吳書一·破虜討逆傳》中平三年，遣司空張溫行車騎將軍，西討章等。溫表請堅與參軍事，屯長安。溫以詔書召卓，卓良久乃詣溫。溫責讓卓，卓應對不順。堅時在坐，前耳語謂溫曰：「卓不怖罪而鴟張大語，宜以召不時至，陳軍法斬之。」溫曰：「卓素著威名於隴蜀之間，今日殺之，西行無依。」堅曰：「明公親率王兵，威震天下，何賴於卓？觀卓所言，不假明公，輕上無禮，一罪也。章遂跋扈經年，當以時進討，而卓云未可，沮軍疑衆，二罪也。卓受任無功，應召稽留，而軒昂自高，三罪也。古之名將，仗鉞臨衆，未有不斷斬以示威者也。是以穰苴斬莊賈，魏絳戮楊干。今明公垂意於卓，不卽加誅，虧損威刑。於是在矣。」溫不忍發舉，乃曰：「君且還，卓將疑人。」堅因起出。
- ↑ 《吳書》：後邊章、韓遂爲亂，司空張溫銜命征討；又請謙爲參軍事，接遇甚厚，而謙輕其行事，心懷不服。及軍罷還，百寮高會，溫屬謙行酒，謙衆辱溫。溫怒，徙謙於邊。或說溫曰：「陶恭祖本以材略見重於公，一朝以醉飲過失，不蒙容貸，遠棄不毛，厚德不終，四方人士安所歸望！不如釋憾除恨，克復初分，於以遠聞德美。」溫然其言，乃追還謙。謙至，或又謂謙曰：「足下輕辱三公，罪自己作，今蒙釋宥，德莫厚矣；宜降志卑辭以謝之。」謙曰：「諾。」又謂溫曰：「陶恭祖今深自罪責，思在變革。謝天子禮畢，必詣公門。公宜見之，以慰其意。」時溫於宮門見謙，謙仰曰：「謙自謝朝廷，豈爲公邪？」溫曰：「恭祖癡病尚未除邪？」遂爲之置酒，待之如初。
- ↑ 《後漢書·卷七十一·皇甫嵩朱儁列傳》：卓後入關，留儁守洛陽，而儁與山東諸將通謀為內應。既而懼為卓所襲，乃棄官奔荊州。卓以弘農楊懿為河南尹，守洛陽。儁聞，復進兵還洛，懿走。儁以河南殘破無所資，乃東屯中牟，移書州郡，請師討卓。徐州刺史陶謙遣精兵三千，餘州郡稍有所給，謙乃上儁行車騎將軍。
- ↑ 《後漢書·卷七十三·劉虞公孫瓚陶謙列傳》：時董卓雖誅，而李傕、郭汜作亂關中。是時四方斷絕，謙每遣使閒行，奉貢西京。詔遷為徐州牧，加安東將軍，封溧陽侯。
- ↑ 《後漢書·卷七十一·皇甫嵩朱儁列傳》：及董卓被誅，傕、汜作亂，儁時猶在中牟。陶謙以儁名臣，數有戰功，可委以大事，乃與諸豪桀共推儁為太師，因移檄牧伯，同討李傕等，奉迎天子。乃奏記於儁曰：「徐州刺史陶謙、前楊州刺史周干、琅邪相陰德、東海相劉馗、彭城相汲廉、北海相孔融、沛相袁忠、太山太守應劭、汝南太守徐璆、前九江太守服虔、博士鄭玄等，敢言之行車騎將軍河南尹莫府：國家既遭董卓，重以李傕、郭汜之禍，幼主劫執，忠良殘敝，長安隔絕，不知吉凶。是以臨官尹人，搢紳有識，莫不憂懼，以為自非明哲雄霸之士，曷能克濟禍亂！自起兵已來，於茲三年，州郡轉相顧望，未有奮擊之功，而互爭私變，更相疑惑。謙等並共諮諏，議消國難。僉曰：『將軍君侯，既文且武，應運而出，凡百君子，靡不顒顒。』故相率厲，簡選精悍，堪能深入，直指咸陽，多持資糧，足支半歲，謹同心腹，委之元帥。」會李傕用太尉周忠、尚書賈詡策，征儁入朝。軍吏皆憚入關，欲應陶謙等。儁曰：「以君召臣，義不俟駕，況天子詔乎！且傕、汜小豎，樊稠庸兒，無他遠略，又埶力相敵，變難必作。吾乘其閒，大事可濟。」遂辭謙議而就傕征，復為太僕，謙等遂罷。
- ↑ 《三國志·魏書八·二公孫陶四張傳》：下邳闕宣自稱天子，謙初與合從寇鈔，後遂殺宣，并其衆。
- ↑ 《後漢書·卷七十五·劉焉袁術呂布列傳》又兼稱徐州伯。
- ↑ 《三國志·魏書八·二公孫陶四張傳》：興平元年，復東征，略定琅邪、東海諸縣。謙恐，欲走歸丹楊。會張邈叛迎呂布，太祖還擊布。
- ↑ 《三國志·魏書八·二公孫陶四張傳》：是歲，謙病死。
- ↑ 《三國志·蜀書二·先主傳》謙病篤，謂別駕麋竺曰：「非劉備不能安此州也。」