香港基督教錫安教會
香港基督教錫安教會（英文：Hong Kong Church of Zion），簡稱基督教錫安教會或錫安教，係香港一個由梁日華喺1984年搞嘅獨立宗教社團。佢係喺末日論方面嘅教義同基督教有最大差異，重因為鼓吹飲用雙氧水喺香港社會出名，但同時俾傳統教會認為係異端邪教[1]，香港人同媒體叫佢哋做「雙氧教」、「雙氧水教會」[2]。
發展過程 改
1994年，香港錫安教會要由加拿大錫安總會獨立出去發展。香港梁日華聲稱母會牧師趙頌權變成異端，所以宣佈要決裂，獨立發展[3]。而家中國同香港個基督教聯會名單冇錫安教個名[4]。
2004年4月，《時代論壇》採訪梁日華[5]。
2007年5月3號，香港錫安教會註冊香港擔保有限公司，叫「香港基督教錫安教會有限公司」(Hong Kong Church of Zion Limited )。有時用公司名義租用香港九龍灣國際展貿中心搞聚會。
獨特宗教觀念 改
佢所分享嘅教導同傳統基督教教會嘅教導有好大出入，因而引起廣泛香港基督教界嘅爭議同抨擊，當中教導包括末日論[6]、信徒道德標準、雙氧水療法、福音講道帶同詩歌唔應該收費等等。
部分爭議 改
梁日華個牧師資格 改
梁日華曾修讀神學，已被革除會籍。佢細個係道教家庭，父親係地盤佬。佢中學到香港靈恩派真道教會聚會同受水禮，開始成日自讀聖經，去聚會同禱告。之後，佢到加拿大溫哥華三一學院（Trinity Western College）進修，主修電腦，副修神學同古典結他，不過未畢業。返港後，去過好多如，復興教會、五旬節教會等教會渡偷師。
飲雙氧水同否定醫學 改
領袖梁日華推崇「自然療法」同「氧份療法」，1996年開始一直叫大家飲用雙氧水。香港多數人都知道有佢嘅存在，「雙氧水教會」一稱成為佢個教會嘅代名詞[7]。梁日華又認為誠心祈禱，就算有病都會自己好。佢話神旨會治癒病人，無信心先要求醫，識得「屬靈定律」就會有醫治神蹟。
曲解聖經爭議 改
梁日華反對傳統神學訓練[8]，用自己方式解釋經文而引發合理性同客觀性方面問題[9][10]。
梁日華鼓勵信徒自行研讀聖經，每日一篇栽種溪水旁，聲言幫到信徒避免陷入迷惑世界。傳統教會就鼓勵研讀聖經明白神救世計劃，過住更合神意生活。[11]
反對傳統禮儀同節日 改
梁日華拒絕傳統基督教同大公教會禮儀，信徒無須守聖餐紀念耶穌基督。只要信錫安教，就可以隨時安排浸禮加會，無須初信培育，同考問心事。梁日華質疑聖誕節、復活節等慶祝節日存在必要。[12]
牧者生活奢華爭議 改
梁日華生活似乎都同其他宗教界人士有分別，佢過份奢華而引斂財爭議[13]。
偷羊爭議 改
錫安教會採用手段招攬其他教會會友轉會存爭議。
知名教徒 改
出面網站 改
相關 改
拉線，923共同信息，天馬座行動，曼德拉效應，「錫安劍耳機」。
參考 改
- ↑ 邪教教主：食海鮮變喪屍 《蘋果日報》蘋果動新聞，2011年12月26號
- ↑ 錫安教迫𡃁妹食雙氧水自助餐 錫安教迫𡃁妹食雙氧水自助餐 互聯網檔案館嘅歸檔，歸檔日期2017年10月1號，. 《蘋果日報》，2004年2月11號
- ↑ 錫安教會發展過程簡介 「走出錫安教」網站
- ↑ "The Hong Kong Chinese Christian Churches Union".
{{cite web}}: Cite has empty unknown parameter:|1=(help) - ↑ 〈《時代論壇社長李錦洪先生專訪錫安教會梁日華牧師》〉. 時代論壇. 2004-04-24. 原著喺2006-05-21歸檔. 喺2016-10-25搵到.
{{cite web}}: Cite has empty unknown parameter:|2=(help) - ↑ 〈錫安教會主日信息：2012 榮耀盼望〉.
{{cite web}}: Cite has empty unknown parameter:|1=(help) - ↑ 破天荒接受訪問 被指患「傳媒恐懼症」 錫安教會領袖稱不再售雙氧水 互聯網檔案館嘅歸檔，歸檔日期2014年11月4號，.，蘋果日報，2004年4月24號
- ↑ 〈世界華文聖經學院——異端邪說研究講義〉.
{{cite web}}: Cite has empty unknown parameter:|1=(help) - ↑ 〈中華宣道會黃埔聯福堂主日講道撮要〉.
{{cite web}}: Cite has empty unknown parameter:|2=(help)CS1 maint: url-status (link) - ↑ 〈錫安教會指芭比、米奇老鼠魔鬼化身〉.
{{cite web}}: Cite has empty unknown parameter:|1=(help) - ↑ 〈錫安教會與正統基督教有何差異？〉. 原著喺2010年8月21日歸檔.
{{cite web}}: Cite has empty unknown parameter:|2=(help) - ↑ 〈世界華文聖經學院——異端邪說研究講義〉.
{{cite web}}: Cite has empty unknown parameter:|1=(help) - ↑ 〈應從大處辨正邪 (二)〉.
{{cite web}}: Cite has empty unknown parameter:|1=(help) - ↑ 【01周報．精神康復】徘徊病院與社區之間 走過漫長跌碰之路 香港01，2018年2月13號