雞蛋仔

雞蛋仔（粵拼：gai1 daan6 zai2）是香港嘅一種街邊小食，使用雞蛋、砂糖、牛油、麵粉和淡奶製造汁，然後倒喺好似蜂巢嘅鐵模入面烘熟。烘完倒出嚟嗰陣嘅雞蛋仔呈金黃色，有蛋糕嘅香味，咬落口感彈牙，外脆內軟。

雞蛋仔

特色雞蛋仔

雞蛋仔起源於1950年代，有雜貨鋪嘅老闆因為唔想浪費爛咗嘅蛋，就嘗試加入麵粉、牛油之類嘅嘢食，再倒模烘成。

後嚟個模設計成小小嘅雞蛋形狀，而且大受歡迎。初時嘅雞蛋仔係由鴨蛋製成，因為平而好味，當中鴨蛋嘅腥味更可以令雞蛋仔更加香。

一底雞蛋仔大概有二十粒到三十五粒。