電視劇（粵拼：din6 si6 kek6），係劇集嘅一種，由電視做傳播媒體廣播嘅戲劇。嗰啲冇營養嘅電視劇又叫做肥皂劇。
以前電視劇好似舞台劇，只係嚮錄影廠拍出嚟，收尾先有拍外景。電視劇引申出編輯之類嘅職業。
電視劇之所以受歡迎，係因為講出觀眾嘅睇法，通過故事反映當地時代氣息，古裝戲都可以，比如借古喻今。有啲地方鍾意荷李活式大結局。有啲主角就算變咗植物人，去到結局都可以咸魚返生。商營電視台電視劇要同友台鬥收視率，呢種情況就更嚴峻，收視非常差嗰啲劇集隨時被腰斬。
