青衣北橋

青衣北橋（Tsing Yi North Bridge）或者北橋，正式叫青荃橋（Tsing Tsuen Bridge），係香港一條行人兼行車嘅橋，佢駁住青衣島同荃灣，跨過藍巴勒海峽，係青衣第二條駁出島嘅橋。條橋道車路係雙線雙程，兼再有分隔，兩邊有行人路。橋身離海面17米，家下畀行車時速最多係70公里。而橋上嘅車路，就叫青荃路（Tsing Tsuen Road）。

青衣北橋

青荃橋響青衣嘅一面駁住擔杆山交匯處，兼且可以直通青衣北岸公路。而荃灣一面，就駁到荃青交匯處，駁住荃灣路同德士古道等幾條路。

史

未有青衣大橋之前，香港政府響發展荃灣新市鎮之時，就有計劃起橋駁青衣島同荃灣，但呢個遲遲都未落實。1974年，幾間島出有工業投資嘅大公司，佢哋出資起嘅青衣大橋落成，駁去葵涌，兼負島上荃灣新市鎮發展同對外交通。而駁去荃灣嘅橋個計劃，就擺埋一邊。

1980年代中期，青衣島都只係得青衣大橋駁出島。之過青衣東北部大幅發展，條橋車流量飽晒和，成日塞車，有乜交通意外，會搞到成個青衣島交通癱瘓。當時港府打算響青衣島東北角，起第二條橋，橫過藍巴勒海峽東北位，一般都叫佢北橋或者青衣北橋，有別於南面嘅青衣大橋。

北橋由前田建設工業起，響1987年落成，由於容量比青衣大橋大，亦直接連接到荃青交匯處，可以經荃灣路駁去九龍或者經德士古道，駁去城門隧道入沙田，大大減輕青衣大橋嘅負擔。

2002年2月1號，青衣北岸公路通車，青衣同荃灣嘅車，可以直接取道青荃橋來回青嶼幹線。

2008年1月，政府開工做《青荃橋加建隔音屏障工程》，預計2010年完工。

出面網頁

• 〈又名青荃路的青衣北橋（地圖）〉。