首都 (住宅)

首都（英文：The Capitol）係香港一個私人住宅屋苑，亦係新界將軍澳日出康城第一期^[1]，總發展面積係139,740平方米，其中住宅136,240平方米，商場500平方米，重有一個佔地3,100平方米嘅老人家護理中心同埋325個車位。發展權喺2005年1月批出，由長江實業負責起，喺2009年中同康城站同埋中央公園一齊起好^[2]。

第一期將會喺5層高嘅平台上面，起5幢樓高52至56層嘅樓（電梯層數至70樓，冇4樓、13樓等），提供2,096個住宅單位^[3]^[4]。一半單位係3房設計，三成單位係4房設計，兩者面積都係900平方呎以上。兩房設計佔一成多，面積由683幾至到700幾平方呎。第一期喺2008年第一季推售，示範單位設喺尖沙咀港景匯商場^[5]。

首都由五座物業組成，每座分左翼同右翼，有獨立電梯大堂，總共有十部份，叫做「十閣」，各自有獨立嘅名，用全球聞名嘅城市分別叫做：（第一座起）Banff、翡冷翠、Luzern、馬德里、米蘭、滿地可、奧斯陸、威尼斯、維也納同埋Whistler^[6]。