開主選單
香港中學文憑考試試場

香港中學文憑考試英文Hong Kong Diploma of Secondary Education Examination,縮寫:HKDSE),口講通常叫「文憑試」或「DSE」,係香港考試及評核局(考評局)舉辦嘅公開考試,考獲嘅學術資歷就係香港中學文憑。因應三三四高中教育改革,考評局由2012年開始每年舉辦香港中學文憑考試,用嚟取代舊有嘅兩個公開考試—香港中學會考同埋香港高級程度會考。文憑試係完成中學階段(中六)嘅公開試,課程內容比中學會考多咗一年,但係比香港中學預科嘅香港高級程度會考少咗一年。

簡介

喺新學制之下,所有學生可以修讀三年初中同三年高中教育。學生完成六年中學課程之後,可以參加評核學生學業程度嘅香港中學文憑考試(DSE)。第一屆文憑試喺2012年舉行,考生以學校考生為主。

大部分學校考生報考四個核心科目(中國語文、英國語文、數學同通識教育)同兩至三個選修科目。考生可喺甲類高中科目;乙類應用學習科目或丙類其他語言科目選取選修科目。

報考資格

學校考生

考生一定要係已經獲批准參加香港中學文憑考試嘅註冊學校嘅中六正讀生,並喺嗰間學校嘅註冊地址上堂。

自修生

凡係符合以下任何一項條件,都可以自修生身分參加香港中學文憑考試[1]

  • 曾經應考香港中學文憑考試,或相等考試,
  • 喺嗰年1月1號計算,已經夠19歲,
  • 唔係修讀香港中學文憑考試課程,但係喺考試前一年已經修畢或修讀緊等同中六嘅課程。

評級

甲類科目

甲類科目嘅評級由考評局全權負責,為確保成績匯報嘅方式符合國際水平、而且透明度高同清晰明確,文憑試甲類科目採用水平參照模式匯報成績。考生喺甲類科目嘅表現分為五個等級(1-5級),第5級最高等級。獲得第5級嘅考生當中表現最佳嘅會獲得「5**」,隨後表現較佳嘅就以「5*」標示。表現低過第1級嘅會標示為「不予評級」(Unclassified)。

乙類科目

乙類應用學習科目嘅評核由提供相關課程嘅機構負責,成績分別以兩個等級匯報,即係「達標」同「達標並表現優異」。表現低於「達標」嘅水平會被定為「未達標」。喺2018年文憑試開始,考生喺應用學習科目嘅成績匯報,將由之前嘅「達標」同「達標並表現優異」兩個等級,再細分為「達標」、「達標並表現優異(I)」同「達標並表現優異(II)」。「達標並表現優異(I)」嘅表現水平等同文憑試甲類科目第3級嘅成績,而「達標並表現優異(II)」嘅表現水平就等同第4級或以上嘅成績。至於應用學習中文(非華語學生適用),就繼續用「達標」同「達標並表現優異」。

丙類科目

丙類其他語言科目採用英國劍橋大學國際考試(CIE)嘅高級補充程度試題,閱卷同成績評級亦交由CIE處理。成績以五個等級(a-e)喺香港中學文憑證書度匯報。其中e級為最低,a級為最高,而e級以下嘅成績將「不予評級」(Unclassified)。

科目一覽

香港中學文憑科目共分為三個類別,包括24科甲類:高中科目(4個核心科目同20個選修科目)、乙類:應用學習科目同丙類:其他語言類別,考生最多可以報考八科。

若果考生選擇報考八科,至少其中一科一定要係屬於以下範疇嘅科目:

  • 甲類學科中嘅倫理與宗教/音樂/體育/視覺藝術
  • 乙類學科中嘅應用學習科目
  • 丙類學科中嘅其他語言科目

甲類:核心科目

甲類:選修科目

中國語文教育學習領域

英國語文教育學習領域

個人、社會及人文教育學習領域

科學教育學習領域

  • 生物
  • 化學
  • 物理
  • 組合科學(上面三科揀兩科考)
  • 綜合科學(上面三科一齊考)

科技教育學習領域

藝術教育學習領域

體育學習領域

乙類:應用學習科目

科目類別 應用學習科目 2019 2020 2021
創意學習 展示及首飾設計  Y
時裝形象設計  Y  Y  Y
室內設計  Y  Y  Y
珠寶及時尚首飾設計  Y  Y
電腦遊戲及動畫設計  Y  Y  Y
舞出新機 - 舞蹈藝術  Y  Y
由戲開始 • 劇藝縱橫  Y  Y  Y
媒體及傳意 電影及錄像  Y  Y
電影及超媒體  Y
創意廣告  Y  Y
雜誌編輯與製作  Y  Y  Y
新媒體傳播策略  Y
公關及傳訊  Y  Y  Y
商業、管理及法律 會計實務  Y  Y
電子商務會計  Y
商業數據分析  Y  Y  Y
中小企創業實務  Y  Y  Y
市場營銷及網上推廣  Y  Y  Y
香港執法實務  Y  Y  Y
服務 甜品及咖啡店營運  Y  Y  Y
西式食品製作  Y  Y  Y
酒店服務營運  Y  Y  Y
酒店營運  Y  Y  Y
幼兒發展  Y
幼兒教育  Y  Y  Y
美容學基礎  Y  Y  Y
應用科學 動物護理  Y  Y  Y
中醫藥學基礎  Y  Y  Y
健康護理實務  Y  Y  Y
醫務化驗科學  Y  Y
應用心理學  Y  Y  Y
實用心理學  Y  Y  Y
運動科學及體適能  Y  Y  Y
運動及體適能教練  Y  Y  Y
工程及生產 汽車科技  Y
建構智慧城市  Y
電機及能源工程  Y  Y  Y
電腦鑑證科技  Y  Y  Y
物聯網應用  Y  Y  Y
航空學  Y  Y  Y
鐵路學  Y  Y
應用學習中文

(非華語學生適用)

服務業中文  Y  Y
商業服務中文  Y  Y
款待實務中文  Y  Y
實用情境中文  Y
實務中文  Y

丙類:其他語言科目

如果院校嘅收生規則容許,唔係以中文為母語嘅學生,可以用下面嘅科目取代核心科目入面嘅中國語文科嚟符合報香港大專院校嘅資格。如果母語係中文同埋會去考中國語文科嘅考生,可以揀下面嘅科目作為選修科嚟報讀香港嘅大專院校。

評級方法(甲類科目)

文憑試甲類科目成績等級係用水平參照方法評級,唔再用以前會考嘅拉曲線(俗稱拉curve)。評級主要目的係釐定考生需要最少攞到幾多分先至達到某個等級。每個等級嘅最低分數稱為臨界分數[2]

文憑試成績等級分為5**、5*、5、4、3、2、1,表現低過第1級「不予評級」(Unclassified)。

整體評級 細分評級 評級描述 大學分數
第五級 5** (喺第五級成績最好嘅10%) 達到呢個等級考生嘅典型表現︰
  • 對課程內容有廣泛嘅認識同透徹嘅理解,能夠將概念同技巧有效應用到多元同複雜嘅唔熟悉情境,並顯示深入嘅見解。
  • 能夠分析、綜合同評價廣泛嘅資料。
  • 能夠精簡同合邏輯噉傳達意念同見解。
7
5* (喺第五級成績第二好嘅30%) 6
5 (喺第五級淨低嘅60%) 5
第四級 4 達到呢個等級考生嘅典型表現:
  • 對課程內容有良好嘅認識同理解,能夠將概念同技巧有效應用到唔熟悉嘅情境,並顯示深入嘅見解。
  • 能夠分析、綜合同詮釋各種資料。
  • 能夠合邏輯噉傳達意念同見解。
4
第三級 3 達到呢個等級考生嘅典型表現:
  • 對課程內容有足夠嘅認識同理解,能夠將概念同技巧適當應用到唔同嘅熟悉情境。
  • 能夠分析同詮釋各種資料。
  • 能夠恰當噉傳達意念同見解。
3
第二級 2 達到呢個等級考生嘅典型表現:
  • 對課程內容有基本嘅認識同理解,能夠將概念同技巧應用到熟悉嘅情境。
  • 能夠辨識同詮釋直接嘅資料。
  • 能夠平衡噉傳達簡單意念。
2
第一級 1 達到呢個等級考生嘅典型表現:
  • 對課程內容有初步嘅認識同理解,喺協助之下,能夠將概念同技巧應用到簡單熟悉嘅情境。
  • 喺指導下,能夠辨識同詮釋簡單嘅資料。
  • 能夠粗略噉傳達簡單意念。
1
不予評級 UNCL 呢個等級嘅考生由於答得好少,未能夠給予任何評級。 0

睇埋

出面網頁

參考