技術，有時叫科技，係人對工具同機械嘅運用，去生產貨同服務。研究技術過程入面，會諗辦法發明同運用唔同架生、機器、技巧、組織、程序去達致目的。工藝會不斷累積智識而進步，解決更複雜嘅問題。會有新物料、新資訊，衍生出技能、知識、程序、藍圖、計劃、圖表、模型、方程、表格、工程設計、規格定義、手冊、指引等等。
