畢打街
香港街道
(由必打街跳轉過嚟)
畢打街（Pedder Street），原名必打街，係喺香港中環嘅街，連接雲咸街北端，南起皇后大道中，經德輔道中到干諾道中為止。佢係香港心臟地帶打通幾街，所以都算重要。目前畢打街係單程向北行。
歷史
編輯
必打街係以香港首位船政司（Harbour Master）必打而名。
1863年，皇后大道中同必打街交界處起咗大鐘樓，鐘樓具有報時同報火警嘅作用，當時係中環嘅標誌。不過大鐘樓喺1908年拆咗。香港開埠之初，必打街東面有顛地洋行，西面有郵政總局、渣甸洋行、連卡佛洋行等等。1867年，顛地洋行倒閉，原址就起咗當時香港最高（六層高）嘅香港大酒店，1926年俾大火燒毀。然後香港置地公司買咗塊地，改建成告羅士打行，1980年代再改建為置地廣場。
因為「必打」響中文嘅意思唔好（一定要打），當時市民習慣將「必打」讀成「不打」（唔好打）。後來政府正式將條街改名為「畢打」街，但英文名就維持不變，沿用至今[1]。
而家環球大廈嘅位置以前係書信館，即係香港郵政總局舊址，1976年搬遷後拆卸以興建香港地鐵中環站，原址上層就起咗環球大廈。響畢打街西面嘅畢打行響1924年落成，並保存至今。
現況
編輯
今日嘅畢打街係香港其中一條最繁忙嘅街道，兩邊就有銀行同著名品牌專門店等。2005年12月8號，時裝品牌路易·威登（LV）嘅香港旗艦店重新開幕，係全球四大路易威登店之一。
著名地點
編輯
睇埋
編輯參考資料
編輯- ↑ 〈香港地方; 討論; 必打街易名畢打街〉。原著喺2007年9月29號歸檔。喺2007年11月3號搵到。
