香港嘅教育情況，由宋代開始先至有確實史料記載。英國啱啱接管香港嗰陣，香港政府並唔熱心去搞教育；教育政策只係着重培養殖民地官員，以及宣揚英國嘅威信。第二次世界大戰後，香港人口飆升，教育需求隨之增加。響各方壓力下，殖民地政府先至開始請嚟國際顧問做教育研究，促成咗義務教育嘅推行。1997年主權移交之後，特區政府着手推行教育改革，但係引起連串爭議。
