文匯報 (香港)

(由香港文匯報跳轉過嚟)

文匯報》係香港中文報紙,響1948年9月9號由上海文匯報嘅親中國共產黨職工創刊,所以一直以嚟報紙立場都係親中共。

評價同爭議事件 編輯

《文匯報》嘅立場親中共,引伸對非建制派嘅態度亦唔友善,而且亦涉過一啲針對香港民主派嘅新聞嘅爭議。另外,末代港督彭定康喺回應蘋果日報同壹週刊停刊事件嘅時候,亦提到《文匯報》經常出版謊言、誣捏政府[1]

跟蹤本土派人士鍾翰林 編輯

2017年10月,《文匯報》跟蹤本土派人士鍾翰林。跟蹤時間包括喺10月20號,由鍾翰林放學至到返歸[2]。 2017年10月23號,《文匯報》喺報道展示鍾翰林住嘅大廈嘅大門[3]

鍾翰林做召集人嘅組織學生動源發聲明譴責,《文匯報》嚴重侵犯鍾翰林嘅個人私隱,同表示,唔驚任何騷擾,會繼續將香港獨立嘅聲音帶入校園[2]

老屈天文台訛稱超強颱風逼港 編輯

喺2021年4月18號,《文匯報》報導話天文台預測超強颱風「舒力基」逼港、殺入800公里範圍內,但實情係,天文台只係預測個風最大機會喺1,000公里外掠過。事件被民間氣象網站香港天氣資訊中心批評,質問佢哋係咪真係睇住天文台預報去撰寫新聞,又話報導嘅錯處多到不堪入目,語意不清。《蘋果日報》報道《文匯報》出錯嘅時候亦揶揄,提及保安局局長李家超亦話要處理「假新聞」問題,但《文匯報》無修正有關報道,唔知鄧炳強同李家超會點跟進[4]

參考 編輯

  1. 果終章定康﹕《文版謊言 港英也沒關閉它們 | 立場報道 | 立場新聞. 場新聞 Stand News. 原先內容歸檔喺2021-06-23. 喺2021-06-24搵到.
  2. 2.0 2.1  . [[立場新聞]]. 2017-10-23. 原先內容歸檔喺2019-08-20. 喺2017-10-23搵到.
  3. 秘交收 禍校園. [[文匯報]]. 2017-10-23. 原先內容歸檔喺2019-09-23. 喺2017-10-23搵到.
  4. 八方online︱匯報天文台 訛稱超強颱風逼港 實情千公里外掠過 | 蘋果日報. Apple Daily 蘋果日報 (香港中文). 原著喺2021-04-19歸檔. 喺2021-04-20搵到.

出面網頁 編輯