香港有線電視解僱新聞部員工風波
香港有線電視解僱新聞部員工風波，係指2020年12月1號起，香港有線電視（下稱「有線」）解僱40名新聞部員工引起嘅風波，當中涉及招牌節目，曾製作多項獲獎偵查報道嘅《新聞刺針》全組被裁走[1]，員工追問裁員準則被拒，結果引發大量員工辭職抗議。
由於新聞刺針過往曾經做過一啲對香港修例風波同埋建制派（親中派）民調操作唔科學嘅報道，有線近年嘅財政狀況亦已經有好轉[2]，所以有線新聞呢個決定被部分泛民主派人士質疑係政治決定。[3]
背景
編輯喺2020年9月，有線新聞部空降咗一班管理層，包括許方輝、李臻同埋陳興昌。當時就已經被人話呢個空降係有政治任務同埋打算裁員。[4]
另外，《新聞刺針》歷年做咗唔少偵查報道，當中觸及一啲中港政治議題，例如探討親中派多番引用嘅民意調查機構調查唔科學，代表性存疑，懲教署生產嘅CSI口罩流出市面問題，中學教科書被教育局政治審查，部分立法會議員、政協等人士接受未獲當地政府認可嘅美國同加拿大學術機構銜頭等。[5]
宣布決定當日
編輯12月1號，有線新聞正式宣布裁走40個員工，當中大部份都係資深員工，喺新聞部服務多年，部分過往表現突出，名單更包括《新聞刺針》全組嘅記者。[6]呢批員工向管理層追問裁員準則，但四個高層都只係話架構重組同節省資源，陳興昌更加以「爛仔」形容據理力爭嘅員工。另外，好多被裁嘅員工，佢哋嘅上司事前都唔知呢個決定。[7]有員工質疑，自從邱達昌入主之後，有線新聞部嘅新聞自由已逐步收緊，而家仲要炒晒成組《新聞刺針》，質疑以後仲可唔可以做偵查報道。[1]
結果，好多其他員工即刻遞信辭職抗議，包括港聞部16個記者，令成個部門得返8個人。[7]另外，有線中國組，以及多個部門主管亦決定集體請辭。[7][8]
後續風波同外間關注
編輯外間評論
編輯浸大新聞系高級講師呂秉權形容，事件對員工嘅士氣影響好大，日後好難收服[7]，又話事件涉政治因素，有線財政狀況唔係咁差，估計上層係想換血，加入更多信得過嘅人。[5]
記協主席楊健興話，新聞刺針成組人被裁，令人擔心係咪有非財政嘅考慮，做過一啲對反送中運動同埋親中派民調操作嘅報道，所以有線面對一定嘅政治壓力，管理層可能因此向新聞刺針「開刀」。[3]
李臻被指合作溫和採訪林鄭月娥
編輯喺公佈解僱決定之後，蘋果日報就報導咗一段之前李臻專訪特首林鄭月娥入面，未有出街嘅一段片段。當中林鄭月娥語氣帶些少不屑咁批評佢嘅訪問技巧溫和，李臻當時就話第二節會硬淨啲，林鄭就回應話唔怪得知新聞秘書話個訪問會好合作好配合。[4]新聞工作者區家麟就形容，咁樣表示佢嘅表現已經係「新聞秘書高官界」嘅共識，唔會擔心佢提出嘅問題尖銳，對記者嚟講係一種終極恥辱。[9]
香港以外關注
編輯台灣民進黨副秘書長林飛帆話，香港政府打壓壹傳媒，加上有線裁員事件，都大大影響咗香港新聞自由，質疑中共近期種種動作都有好大嘅政治目的。[10]
睇埋
編輯參考
編輯- ↑ 1.0 1.1 〈有線裁員｜新聞刺針記者質疑審查 現職員工批同TVB新聞無分別〉。《Apple Daily 蘋果日報》 (香港中文)。原著喺2021-02-12歸檔。喺2020-12-03搵到。
- ↑ 〈有線裁員｜股東涉千億中港地產富豪 中移動「輸血」 惟向前線記者開刀〉。《Apple Daily 蘋果日報》 (香港中文)。原著喺2021-02-12歸檔。喺2020-12-03搵到。
- ↑ 3.0 3.1 〈有線新聞裁40人 不容新聞刺針 中國組總辭 5組主管辭職起義〉。《Apple Daily 蘋果日報》 (香港中文)。原著喺2021-01-23歸檔。喺2020-12-03搵到。
- ↑ 4.0 4.1 〈有線裁員｜片段流出！林鄭不屑專訪問題太溫和 李臻口窒：「第二節就會...硬淨啲」〉。《Apple Daily 蘋果日報》 (香港中文)。原著喺2021-02-24歸檔。喺2020-12-03搵到。
- ↑ 5.0 5.1 〈有線裁員｜新聞刺針、中國組兩大「皇牌」摺埋 呂秉權：管理層想換血〉。《Apple Daily 蘋果日報》 (香港中文)。原著喺2021-02-24歸檔。喺2020-12-03搵到。
- ↑ 〈有線裁員百人 新聞部佔約 40 人 調查報道 《新聞刺針》全組炒 中國組總辭、多組主管辭職抗議 | 立場報道 | 立場新聞〉。《立場新聞 Stand News》 (英文)。原著喺2021-01-23歸檔。喺2020-12-04搵到。
- ↑ 7.0 7.1 7.2 7.3 〈有線裁員｜港聞組16名記者請辭明志：高層一手摧毁新聞部 現僅餘8人〉。《Apple Daily 蘋果日報》 (香港中文)。原著喺2021-02-24歸檔。喺2020-12-03搵到。
- ↑ 〈【記者總辭抗議】有線新聞中國組主管司徒元 率領全組記者遞信辭職 抗議裁員 | 立場報道 | 立場新聞〉。《立場新聞 Stand News》 (英文)。原著喺2021-01-23歸檔。喺2020-12-04搵到。
- ↑ 〈一個記者的終極恥辱 | 區家麟 | 立場新聞〉。《立場新聞 Stand News》 (英文)。原著喺2021-02-24歸檔。喺2020-12-04搵到。
- ↑ 〈關注黎智英還柙、有線裁員 台政界促港府停止侵害人權 保障新聞自由 | 立場報道 | 立場新聞〉。《立場新聞 Stand News》 (英文)。原著喺2021-02-12歸檔。喺2020-12-03搵到。