香港移動通訊
香港電訊公司
香港移動通訊有限公司（Communication Services Limited-CSL Mobile，即CSL），舊時叫香港流動通訊有限公司、PCCW Mobile、匯亞通訊同SUNDAY，係香港現時營運嘅GSM 900/1800 雙頻第二代流動電話網絡，以及W-CDMA第三代流動電話（3G）網絡。
 | |
| 類型 | 私人公司 |
|---|---|
| 開檔 | 1983年 |
| 總部地址 | 香港 |
| 產業 | 流動通訊 |
| 網址 | http://www.hkcsl.com |
歷史
編輯- 香港電話有限公司於1983年成立全資附屬公司 Communication Services Limited（通訊服務有限公司），簡稱CSL，並推出使用NAMTS嘅流動電話服務，成為香港第一間流動電話公司。
- 1984年，CSL採用NEC嘅流動電話系統NAMTS，推出首個公共流動無線電話服務。喺1987年，CSL網絡改用TACS技術，用CSL以及UNITACS網絡牌子。喺1990年，香港電訊重組，CSL改名為香港電訊CSL，但仍然係香港電訊全資附屬公司。
- 1993年7月，香港電訊CSL推出GSM 900服務，成為香港第二間推出GSM服務嘅電話公司，用牌子名1010。1996年用同一網絡推出One2Free牌子。
- 1997年，香港電訊CSL收購訊聯電信有限公司，令香港電訊CSL擁有D-AMPS及GSM 1800（PCS）牌照，前者以1+1做牌子，後者就同原GSM 900網絡合併成GSM雙頻網絡畀1010同埋One2Free牌子用。
- 2001年2月，李澤楷旗下嘅盈科數碼動力完成收購香港電訊後，將香港電訊CSL六成股權賣畀澳洲電訊，並改名做香港流動通訊有限公司，英文名就沿用CSL。2002年電訊盈科出售剩返所有股權畀澳洲電訊。喺同一年，CSL獲香港政府發出3G牌照。
- 2004年12月，CSL正式推出W-CDMA 3G網絡。備有3G手機嘅用戶可以沿用原有嘅SIM卡用3G網絡。
- 由於技術逐漸被淘汰，為善用電訊頻譜，2004年政府建議收返CSL嘅D-AMPS牌照，1+1牌子逐步停用，而網絡亦喺2005年正式停止服務。
- 2005年新世界移動控股有限公司同澳洲電訊訂立協議，合併旗下香港流動通訊業務，並成立新公司Telstra CSL，新移動向Telstra CSL轉讓新世界流動電話公司全部權益，以及支付2.44億元代價，以換取新公司23.6%股權，而Telstra就佔剩返76.4%股權。
- 2006年4月1日，CSL同新世界移動控股有限公司正式合併，成立 CSL New World Mobility Group。新世界傳動網成為CSL New World Mobility Group旗下牌子，但新世界傳動網只維持使用佢原有嘅GSM 1800網絡（PCS）。
- 2006年11月22號，新世界移動控股將佢持有嘅CSL New World Mobility Group共23.6%股權賣晒畀母公司新世界發展。相關公告（PDF檔案）
- 2008年6月19號，新世界流動電話有限公司改名做香港移動通訊有限公司，並將原CSL業務轉移到呢間公司。
- 2009年3月31號，CSL正式推出HSPA+流動寬頻網絡Next G，下載速度最高可達21Mbps。
- 2009年9月2號，CSL公開其中4G LTE網絡，並同時宣佈推出使用WCDMA 900網絡嘅HSPA+流動寬頻服務。
- 2010年5月，CSL同其餘旗下one2free喺1月22號修訂「公平使用政策」，大幅收緊無限上網用戶使用量上限，違背當初「無限數據用量」講法，違反《電訊條例》7M條，電訊管理局判處CSL罰款13萬元。[1]
參考
編輯- ↑ 突收緊下載限制 上網速度減99% 互聯網檔案館嘅歸檔，歸檔日期2012年1月19號，.【明報專訊】 2010-05-08
- Telstra續拓亞洲電訊業，《太陽報》，2006-04-01
- 鄭裕彤公司創辦 現為小股東，《蘋果日報》，2007-07-05
- 集團業務包羅萬有，《太陽報》，2007-07-05
睇埋
編輯- 新世界發展 - 目前持有CSL New World Mobility Group嘅23.6%股權
- 新世界移動控股有限公司（新移動） - 曾持有CSL New World Mobility Group嘅23.6%股權
- 新世界電訊有限公司 - 主要提供本地固網、國際長途電話同寬頻服務
- CSL New World Mobility Group（由新世界流動電話有限公司同香港流動通訊有限公司（CSL）合併而成）