香港賀歲煙花匯演

香港嘅賀歲煙花匯演係香港每年農曆新年嘅賀歲節目之一，曾經喺每年嘅農曆年初二夜晚喺維多利亞港上空舉行。

歷史

香港賀歲煙花匯演自1982年1月25號（年初一）開始舉辦，當時係為咗慶祝怡和洋行成立150周年，1983年同1984年都係年初一舉行，由1985年開始改去年初二舉行。

停辦

香港賀歲煙花匯演歷嚟曾經停辦四次：

• 2018年，由於2月10號大埔公路雙層巴士失事令到好多人死傷，為咗對遇難死者表示哀悼同顧及社會大眾情緒，嗰年2月17號嘅賀歲煙花匯演取消。
• 2020年，由於非建制派（包括泛民主派同埋香港本土派）發動嘅香港修例風波重未平息，再加上武漢肺炎第一波疫情，政府考慮安全問題，決定取消1月26號嘅煙花匯演。
• 2021年，因為「武漢肺炎」第四波疫情未完，嗰年2月13號嘅賀歲煙花匯演取消。
• 2022年，因為「武漢肺炎」第五波疫情，嗰年2月2號嘅賀歲煙花匯演取消。