馬來亞鐵道

馬來亞鐵道公司（Keretapi Tanah Melayu Berhad，簡稱KTMB）係馬來西亞馬來半島嘅主要鐵路營運公司，鐵路網絡遍布西馬各個主要城市。

馬來亞鐵道公司

Keretapi Tanah Melayu Berhad كريتاڤي تانه ملايو
類型	國有企業
前身	馬來聯邦鐵路（1901年—1948年） 馬來亞鐵道（1948年—1992年）
開檔	1992年8月1號
總部地址	馬來西亞吉隆坡
業務地區	馬來西亞半島
產業	鐵路運輸
東主	馬來西亞政府
網址	http://www.ktmb.com.my/

鐵路線票價合理，但係班次唔密，好難同其他交通工具競爭。

鐵路

西海岸鐵路綫

西海岸鐵路綫由馬泰邊界玻璃市州嘅巴東勿剎站一直延續到新加坡兀蘭站，途經檳城北海站同吉隆坡火車站。

因爲路線行經西馬嘅西岸，所以叫做西海岸綫，亦有人叫佢做「南北鐵路線」。

東海岸鐵路綫

東海岸鐵路綫銜接森美蘭金馬士站同吉蘭丹道北站。

金馬士站喺西馬西海岸同東海岸交界。就好似西海岸鐵路綫，因爲處於馬來半島東岸嘅彭亨州同吉蘭丹州，所以叫佢做東海岸鐵路綫。路線主要喺西馬內部嘅熱帶雨林穿行，所以又叫做「叢林鐵路」。

另外，登嘉樓係半島唯一一個無火車服務嘅州屬，馬六甲由森美蘭馬六甲州界嘅普羅士邦／淡邊站提供鐵路服務

運輸

一架KTM通勤鐵路列車

KTM城際鐵路

KTM城際鐵路係城際列車服務，穿行於馬來半島同新加坡。主要運送乘客來往城市、市郊同鄉村（區域性），使用柴油機組行駛。

KTM通勤鐵路

KTM通勤鐵路，又叫「電動火車」，係提供巴生谷同大檳城嘅通勤鐵路服務，分別有芙蓉線、巴生港線、硝山線、巴東勿剎線以及起緊嘅天空花園線兩條路線，路線全長456公里。

呢項服務喺1995年開始喺巴生谷一帶服務，並喺2015年9月開始喺大檳城都市區服務。KTM通勤鐵路嘅目的主要係方便通勤者來往吉隆坡市區，以減輕交通流量。

KTM電動列車服務

電動列車服務提供巴東勿剎站至金馬士站列車服務，最快營運速度可達到時速140公里。

貨運服務

馬來亞鐵道公司亦提供貨運列車服務，主要運輸海運集裝箱、洋灰同食品。