馬來西亞反貪污委員會

馬來西亞反貪污委員會馬來話Suruhanjaya Pencegahan Rasuah Malaysia英文Malaysian Anti-Corruption Commission;簡稱MACC或者SPRM),前身叫「反貪污局」(ACA或Badan Pencegah Rasuah,BPR),係馬來西亞一個政府機構,負責調查同起訴公共企業以及私人企業等嘅貪污腐敗者。為咗確保委員會嘅透明度同廉正,有五個機構監督反貪污委員會,佢哋係反貪污咨詢理事會、反貪特別委員會、工作檢討委員會、防貪與咨詢委員會、投訴委員會[2]

馬來西亞反貪污委員會
Suruhanjaya Pencegahan Rasuah Malaysia
Malaysian Anti-Corruption Commission
Logo of the Malaysian Anti-Corruption Commission.svg
Agency overview
Formed1967年
Preceding agencies
  • 反貪污局
    Anti-Corruption Agency
    (1967-1973)(1982-2008)
  • 國家調查局
    National Bureau of Investigations
    (1973-1982)
Jurisdiction馬來西亞 馬來西亞
Headquarters反貪污委員會總部,
No. 2 Lebuh Wawasan,
Precinct 7, 62250 Putrajaya [1]
Motto自由,透明,專業
Employees2,937 人(2017)
Annual budget216,220,000 令吉(2017年)
Website反貪污委員會官網

由2018年7月1號開始,反貪會由政府機構變成獨立機構,直接向國會負責[3]

歷史

以前嘅反貪污局(BPR 或者 ACA)只係馬來西亞首相署(JPM)轄下嘅一個小單位,負責展開反貪污腐敗嘅活動。與此同時,貪污案件調查由警方嘅特別犯罪科進行,貪污案件起訴亦由警方嘅法律組處理[4]

1973年7月1號,由國會批准嘅1973年國家調查局法案馬來話Biro Siasatan Negara Act 1973),並將反貪污局改名做「國家調查局」。呢個名更改後當局提供更強大嘅職責同權力,可以調查涉及國家利益嘅案件,係呢個部門第一次通過法令建立[5]

1982年5月13號,1982年反貪污法案英文Anti-Corruption Agency Act 1982)畀國會批準,呢個部門名改返做反貪污局(ACA)。呢次改變係為咗更準確咁反映呢個部門作為專門負責反貪污腐敗嘅機構[5]

由2009年1月1號開始,反貪污委員會作為一個反貪污機構運作。呢個機構根據2009年反貪污法案英文Malaysian Anti-Corruption Commission Act 2009)起草,以取代1997年反腐敗法並由呢個機構主席領導[5]。2018年7月1號開始,反貪會成為獨立機關,直接向馬來西亞國會負責[3]。2020年9月18號,反貪會為咗迎合國內華裔需求,推出中文版官網,方便華社了解防範貪污嘅相關需資訊[6]

歷任主席

  • 阿末賽益韓旦英文Ahmad Said bin Hamdan(2007年5月14號至2009年12月31號)
  • 丹斯里阿布卡欣英文Abu Kassim bin Mohamed(2010年1月1號至2016年7月31號)
  • 丹斯里祖基菲里阿末(2016年8月1號至2018年5月14號)
  • 拿督斯里蘇克里(2018年5月17號至2019年5月)
  • 拉蒂花(Latheefa Beebi Koya)(2019年6月1號至2020年3月6號)
  • 拿督斯里阿占峇基(2020年3月9號至到依家)

[5]

國際認可

由2009年1月1號成立以嚟,反貪污委員會嘅成就同良好表現直接以及間接地得到國際機構嘅承認。其中一項係23項反貪會嘅反貪污活動畀聯合國毒品和犯罪問題辦公室所承認[7],以及負責評估反貪委員會同馬來西亞遵守聯合國反腐敗公約

使命

  • 整體

建立一個無腐敗嘅馬來西亞社會; 令到MACC成為世界一流嘅反貪腐機構。

  • 使命

領導馬來西亞反腐敗工作; 通過不斷進行努力同建設,令到MACC成為一個充滿活力嘅進步組織。

  • 客觀

持續同各種形式嘅腐敗、濫用權力同瀆職作鬥爭。

主要案件

檳城海底隧道弊案

2020年8月6號夜晚,林冠英因檳城海底隧道弊案畀國盟政府翻查而畀馬來西亞反貪污委員會突然宣佈逮捕[8],喺8月7號吉隆坡法院被控索賄罪。之後喺8月10號北海法院被控濫權索賄罪。9月11日,林冠英喺北海法院被控兩項不誠實挪用政府土地相關的失信罪[9]

沙巴州水門案英文Sabah State Water Department corruption probe

2016年10月4號,反貪污委員逮捕前沙巴水務局副局長張志康同另外一名前沙巴水務局主席達希爾。兩人濫用職權,喺2010年以嚟開始由中央政府批畀沙巴州水務局總值33億嘅計劃中斂財。同日分別喺佢哋兩人屋企中搜出1億1400萬令吉同5370萬令吉嘅現金[10][11]

畀假資訊案

2018年4月26號,公正黨安邦區青年團團長阿當羅斯里,喺上一年向反貪會交代購置「迪士尼」豪宅嘅資金來源時,涉嫌提供虛假資訊,假文件,被判罪成坐監6個月[12]

一馬發展有限公司案

內文:一個馬來西亞發展有限公司醜聞
 
一馬公司標誌

一個馬來西亞發展有限公司醜聞係《華爾街日報》同《沙撈越報告》喺2015年7月3號所揭發嘅馬來西亞政治事件,報道指出7億美元分兩輪匯入咗時任馬來西亞首相納吉嘅私人賬戶,報道喺馬來西亞政壇投下震撼彈,更令到首相納吉捲入一場政治風暴。

馬來西亞反貪污委員會將呢單案分兩宗案件處理,即「捐款案」同「SRC案」進行調查。2016年1月26號,馬來西亞總檢察署總檢察長阿班迪宣佈,對於納吉喺「捐款案」接獲嘅26億令吉係沙地阿拉伯王室捐款(只係用咗部分獻金,余下巨款已退還),而喺「SRC案」並無貪污,宣佈納吉喺兩宗案中無犯法,並指示反貪會將呢兩宗案件刪file了結[13]

美國司法部嘅調查顯示,26億令吉其實係嚟自Tanore金融機構,間接駁斥總檢察長阿班迪嘅沙特阿拉伯王室捐款論調[14]

呢件案件係馬來西亞史上最大嘅貪污案件,依家案件仲審訊調查緊。

2020年7月28號,吉隆坡高等法庭宣判,納吉涉及一馬弊案嘅「SRC洗錢案」嘅7項指控全部成立,判處監禁12年同罰款2億1000萬令吉,如果交唔到罰款就加監5年[15][16][17][18]

鮋魚潛艇軍購案

內文:鮋魚級潛水艇抽佣案

法國方面,有4名法國企業前高層被逮捕,而喺馬來西亞方面,案件仍調查緊[19]

369間沙撈越學校太陽能同柴油合約弊案

馬智禮馬烈揭露Jepak控股喺無接受招標下,獲頒超過10億令吉,反貪局已進行調查[20]。之後,前首相納吉嘅特別助理被逮捕[21]民都魯一間公司嘅董事亦被逮捕,以及幾名董事律師被扣留問話[22]

第14屆大選開票夜首相署盜竊案

呢件案件涉及350萬令吉現金,依家已逮捕首相署1名保安主管同16名保安人員並充公佢哋嘅貴重資產,分別係97萬8800令吉現金,5部轎車(福士Golf GTI跑車、3部豐田、1部國產Alza休旅車),11部電單車(5部Yamaha,其他係豐田)[23]。截至8月15號,反貪會只取回147萬令吉,其余嘅錢已經花哂[24]

幹訓局虛報60萬令吉案

9名國家幹訓局英文National Civics Bureau官員同6名公司持有人被逮捕,沙撈越州內涉及20間公司嘅138名證人被傳召錄供[25]

機場官員收賄案

2018年8月6號,一名亞庇國際機場官員涉及收取3萬6500令吉嘅賄金被捕[26]。同月9號,反貪會扣留一名機場輔警,佢涉嫌收取1300令吉賄金畀行李超重嘅乘客上機,同時亦逮捕一名同佢狼狽為奸嘅機場職員[26]

600萬令吉洗錢案

2018年8月27號,反貪會逮捕一名涉嫌洗黑錢並擁有「丹斯里」頭銜嘅國大黨前副主席,嗰名疑犯第二日被押去新山法庭面控[27]

納吉登上反貪會嘅貪污罪犯資料名單

 
納吉阿都拉薩

2020年9月14號,第六任馬來西亞首相納吉阿都拉薩登上馬來西亞反貪污委員會嘅貪污罪犯資料名單,成為大馬史無前例第一名列榜嘅前首相,同埋呢項貪污罪犯名單中最高嘅前公職人員[28][29][30][31][32][33][34]

參考

  1. "hubungi-kami". SPRM. 2016年. 原著喺2019年12月14號歸檔. 喺2021年4月2號搵到.
  2. "阿布卡欣:確保透明廉正.5機構監督反貪委會". 星洲網. 2008年12月12號.
  3. 3.0 3.1 "反貪會獨立運作選委會.與7政府機構直接向國會負責". 星洲網. 2018年7月1號.
  4. "Archived copy". 原著喺2009-12-16歸檔. 喺2009-12-20搵到. Unknown parameter |deadurl= ignored (help)CS1 maint: archived copy as title (link)
  5. 5.0 5.1 5.2 5.3 "SPRM". SPRM. 2016年.
  6. "讓華裔準確接受資訊·反貪會設中文官網". www.sinchew.com.my. 喺2020-09-18搵到.
  7. UN. "2014/02/04 Malaysia Final Country Report" (PDF). Cite journal requires |journal= (help)
  8. "隆檳兩地三控 林冠英明天直接控 中國報". 中國報 China Press (英文). 喺2020-08-06搵到.
  9. "◤林冠英被控◢ 林冠英再被控2罪 他不認罪 案移吉隆坡法庭 中國報". 中國報 China Press (英文). 喺2020-09-11搵到.
  10. "沙巴水門案". TheMalaysianInsight. 2017年12月13號.
  11. Julia Chan (5 October 2016). "Wealth on display: How it took MACC 15 hours, 30 people to count Sabah's biggest haul ever". The Malay Mail. 喺11 October 2016搵到.
  12. "給假資訊罪成,安邦公青團長入獄半年". Malaysiakini. 2018年4月26日. Check date values in: |date= (help)
  13. "建議起訴納吉卅七罪·反貪會反駁《砂報告》". 當今大馬. 2016-01-18.
  14. "26億來自陳金隆控制賬戶·美國訴狀間接駁斥捐款論". 當今大馬. 2017-06-16. 原著喺2018-09-10歸檔. 喺2018-08-12搵到. Unknown parameter |dead-url= ignored (help)
  15. "馬來西亞前總理納吉布被判12年 其人其案四個看點". BBC News 中文 (中文). 喺2020-12-02搵到.
  16. "納吉共監72年 · 刑期同期執行 坐牢12年". www.sinchew.com.my. 喺2020-07-28搵到.
  17. "Ex-Malaysian PM Najib gets 12 years' jail in 1MDB-linked graft trial". The Straits Times. 28 July 2020. 原著喺2020-07-28歸檔. 喺2020-07-28搵到. Unknown parameter |dead-url= ignored (help)
  18. "Former Malaysia PM Najib Razak sentenced to 12 years in jail following guilty verdict in 1MDB trial". Channel NewsAsia. 28 July 2020. 原著喺2020-07-29歸檔. 喺2020-07-28搵到. Unknown parameter |dead-url= ignored (help)
  19. "馬潛艇軍購佣金案‧法2企業前高層控貪污". 中國報. 2017年7月19日. Check date values in: |date= (help)
  20. "教長:10億學校太陽能合約,有疑點". 中國報. 2018年6月11日. Check date values in: |date= (help)
  21. "12億太陽能計劃 納吉前特別官員被捕了". 中國報. 2018年7月12號.
  22. "學校太陽能合約涉"貪很大" 公司董事淪為扣留犯". 中國報. 2018年6月29號.
  23. "509開票夜首相署盜竊-涉案者再被充公現金、愛車及". 中國報. 2018年8月9號.
  24. "首相署350萬大選資金-200萬花掉了!". 中國報. 2018年8月15日. Check date values in: |date= (help)
  25. "幹訓局虛報60萬令吉案-砂反貪會查舞弊-捕10人". 中國報. 2018年8月2號.
  26. 26.0 26.1 "涉嫌收取3萬6500賄金-亞庇機場官員獲保釋". 中國報. 2018年8月10號.
  27. "涉嫌600萬令吉洗黑錢-反貪會扣捕國大黨前副主席". 中國報. 2018年8月27號.
  28. "反貪會"貪污罪犯名單"· 納吉成首位登榜前首相". www.sinchew.com.my. 喺2020-09-14搵到.
  29. "反貪會貪污罪犯數據庫 納吉高居榜首 國內". 東方網 馬來西亞東方日報 (中文). 喺2021-02-25搵到.
  30. 張, David. "貪污罪犯數據庫 納吉高居榜首". 馬來西亞詩華日報新聞網 (中文). 喺2021-02-25搵到.
  31. "官方"貪污罪犯"數據庫 納吉榜上有名". 光華網 (英文). 喺2021-02-25搵到.
  32. "大馬史上第一人!納吉列貪污罪犯名單 中國報 ChinaPress". www.chinapress.com.my. 喺2021-02-25搵到.
  33. 張曉真, 2020年 9月 14日 星期一 04:55 下午 Myt. "反貪會列出罪犯名單 納吉位列榜首成"最貪污公務員" 精彩大馬". www.cincainews.com. 喺2021-03-02搵到.
  34. "納吉名列反貪會貪污犯"榜首"". 早報 (英文). 2020-09-14. 喺2021-02-25搵到.

連出去