馬來西亞皇家警察
馬來西亞皇家警察（粵拼：ma5 loi4 sai1 a3 wong4 ga1 ging2 chaat3；馬來話：Polis Diraja Malaysia，英文：Royal Malaysian Police）係馬來西亞嘅執法同治安單位，工作覆蓋範圍包括交通管制、犯罪調查同埋鎮暴等，一般調查工作係由警長指揮。皇家警察總部喺吉隆坡武吉阿曼警察總部，全國警察總長係阿克里·沙尼。
| 馬來西亞皇家警察 | |
|---|---|
| Royal Malaysian Police Polis Diraja Malaysia | |
 馬來西亞皇家警察標誌 | |
| 簡稱 | RMP/PDRM |
| 格言 | "Police and The Community, Will not Separate" Polis dan Masyarakat, Berpisah Tiada |
| 成立時間 | 1807年3月25號 |
| 司法管轄權 | 全國性 |
| 性質 | |
| 駐地／總部 |  馬來西亞  吉隆坡武吉阿曼 |
| 管理體系 | |
| 管理機構 | 馬來西亞政府 |
| 上級機構 | 馬來西亞內政部 |
| 前身機構 |
|
| 領導 | |
| 內政部部長 | 韓沙再努丁 |
| 全國警察總長 | 阿都哈密 |
| 人員裝備 | |
| 誓約職員 | 130,401（2018年2月） |
| 警察局 | 1,000 |
| 警車 | 三菱Lancer Evolution第10代、三菱Lancer2.0 GTS、寶騰Inspira、本田Civic 1.8 |
| 海警船艦 | Marine Alutech Watercat M14 |
| 其他信息 | |
| 轄區面積 | 329,847 km2（127,355 sq mi） (人口: 30543632) |
| 網站 | www |
實際運作方面，皇家警察除咗擁有本身普通行動部隊執行常規巡邏任務之外，亦會訓練志願警衛團、機場輔助警察、學生警察同警察之友配合做出社區治安。國際運作方面，皇家警察同國際刑警組織長期有合作同情報交流，特別係馬來西亞6個鄰近國家嘅警務部門，印尼國家警察、汶萊皇家警察[1]、泰國皇家警察[2]、新加坡警察[3] 、菲律賓國家警察[4]同埋越南公安部[5][6]。
象徵
編輯 馬來西亞皇家警察支旗以深藍色為底色，銀白色嘅警察徽章喺正中間。警察徽章嘅中心位置係兩柄馬來短劍同克里望刀、虎首同埋稻穗；喺上方嘅皇冠左右分別書寫住「穆罕默德」同「阿拉」嘅爪夷文字；喺下方有書寫住「馬來西亞皇家警察」字樣嘅卷軸。
警務處架構
編輯馬來西亞皇家警察辦事處依據結構大少分咗4層：
- 武吉阿曼全國警察總部（Ibupejabat Polis Diraja Malaysia Bukit Aman）係由全國警察總長坐鎮嘅最高指揮中心，佢坐落喺首都吉隆坡獨立廣場對面，鄰近國會大廈。
- 州警察總部（Ibupejabat Polis Kontinjen (IPK)）係州級警察嘅指揮中心，西馬州屬，州總警長（Ketua Polis Negeri，KPN）係由警階屬高級副警察總監，副警察總監或者高級助理警察總監嘅警官出任；東馬州屬一律由警階喺副警察總監嘅警官出任，全國一共有14處州警隊總部。
- 警區總部（Ibupejabat Polis Daerah，IPD）係縣級警察嘅指揮中心，警區主任（Ketua Polis Daerah，KPD）係由警階喺副警監至助理警察總監嘅警官出任，全國一共有148處警區。
- 地方警局（Balai）係駐守地方嘅最底層警局，地方警局主任或者局長（Ketua Polis Balai，KPB）係由警階喺警察曹長至首席警長嘅警官出任，全國一共有大約840處地方警局。
- 警亭（Pondok Polis）係設立喺醫院、公園同埋社區等地方嘅流動或者小型警亭，至少擁有1至2名警員駐守。
警察階級
編輯| 警階 | 識別 | ||
|---|---|---|---|
| 高級警官 Pegawai Kanan Polis |
總監級 Komisioner |
全國警察總長 Inspektor General Polis（IG） |
警帽：（男）白色雙稻穗裝飾；（女）白色稻穗裝飾 領章：稻穗；肩章：一冠、四星、雙刃加稻穗；手持物：單刃曲劍 |
| 副全國警察總長 Deputi Inspektor General Polis（DIG） |
警帽：（男）白色雙稻穗裝飾；（女）白色稻穗裝飾 領章：稻穗；肩章：一冠、四星、雙刃；手持物：單刃曲劍 | ||
| 警察總監 Komisioner Polis（CP） |
警帽：（男）白色雙稻穗裝飾；（女）白色稻穗裝飾 領章：稻穗；肩章：一冠、三星、雙刃；手持物：單刃曲劍 | ||
| 高級副警察總監 Senior Deputi Komisioner Polis（SDCP） |
警帽：（男）白色雙稻穗裝飾；（女）白色稻穗裝飾 領章：稻穗；肩章：一冠、三星(橫行排列)、雙刃；手持物：單刃曲劍 | ||
| 副警察總監 Deputi Komisioner Polis (DCP) |
警帽：（男）白色雙稻穗裝飾；（女）白色稻穗裝飾 領章：稻穗；肩章：一冠、二星、雙刃；手持物：單刃曲劍 | ||
| 高級助理警察總監 Senior Asistan Komisioner（SAC） |
警帽：（男）白色雙稻穗裝飾；（女）白色稻穗裝飾 領章：稻穗；肩章：一冠、一星、雙刃；手持物：儀式禮劍 | ||
| 助理警察總監 Asistan Komisioner Polis（ACP） |
警帽：（男）白色雙稻穗裝飾；（女）白色稻穗裝飾 領章：稻穗；肩章：一冠、二花；手持物：儀式禮劍 | ||
| 警監級 Superintendan |
警監 Superintendan Polis（SUPT） |
警帽：（男）白色稻穗裝飾；（女）白色稻穗裝飾 領章：大徽章；肩章：一冠、一花；手持物：儀式禮劍 | |
| 副警監 Deputi Superintendan Polis（DSP） |
警帽：（男）白色稻穗裝飾；（女）白色稻穗裝飾 領章：大徽章；肩章：一冠；手持物：儀式禮劍 | ||
| 助理警監 Asistan Superintendan Polis（ASP） |
警帽：（男）白色稻穗裝飾；（女）白色稻穗裝飾 領章：大徽章；肩章：三花；手持物：儀式禮劍 | ||
| 警長級 Inspektor | |||
| 警長 Inspektor（INSP） |
警帽：（男）白色稻穗裝飾；（女）白色稻穗裝飾 領章：大徽章；肩章：二花；手持物：儀式禮劍 | ||
| 見習警長 Inspektor Percubaan（P/I） |
警帽：（男）白色稻穗裝飾；（女）白色稻穗裝飾 領章：大徽章；肩章：一花；手持物：儀式禮劍 | ||
| 普通警員 Pegawai Rendah Polis |
低級警官 Pegawai Subordinat |
副警長 Sub-Inspektor（SI） |
警帽：白色襯邊裝飾 領章：警察徽章；肩章：一星、銀牌；手持物：權杖 |
| 高級曹長 Sarjan Mejar（SM） |
警帽：無裝飾 領章：警察徽章；臂章：布織王冠；手持物：權杖 | ||
| 曹長 Sarjan（SJN） |
警帽：無裝飾 領章：警察徽章；臂章：三巡 | ||
| 伍長 Koperal（KPL） |
警帽：無裝飾 領章：警察徽章；臂章：二巡 | ||
| 一巡伍長 Lans Koperal（L/KPL） |
警帽：無裝飾 領章：警察徽章；臂章：一巡 | ||
| 普通警員 Konstabel（PC） |
警帽：無裝飾 領章：警察徽章 | ||
部門架構
編輯皇家警察嘅最高領導者為全國警察總長，其次係副全國警察總長，傳統上呢兩個職位者都擁有丹斯里頭銜。依家皇家警察一共分咗10個部門，分別係刑事調查部、毒品罪案調查部、國家內部安全與公共秩序部、商業罪案調查部、政治部、交通調查與執法部、廉正與標準執行部、防範罪案與社區安全部、行政部同埋後勤部，所有部門都係由警階為警察總監嘅10名高級警官領導，俗稱警隊10大部門，一般上呢10名高級警官都擁有拿督斯里或者拿督嘅頭銜。
行政部
編輯行政部由一名警察總監（Komisioner Polis）擔任總監，由四名副總監協助，分別係行政副總監（培訓）、行政副總監（行政）、行政副總監（服務/人員配備）同埋行政副總監（人力資源政策科。行政部係皇家警察嘅中樞部門，涉及所有同行政相關以及人事調動嘅事務。佢主要功能包括招募警員、警察檔案管理、人事與薪資調動、公關、新聞發佈等。部門下分組有：
行政部主要負責警隊內部升遷、人事調整、警員福利事宜、警力招考訓練同埋對外公共關係等工作，同時亦協助警隊內部各個部門嘅協調工作。
後勤與技術部
編輯_(first_generation,_first_facelift)_(front),_Batu_Caves.jpg)
後勤與技術部由一名警察總監擔任總監，由三名副總監協助，即係第一副總監（運輸/信息技術/通訊/發展/保養），第二任副總監（財務/資產管理/警察事務）同第三副總監（採購/警察供應中心/軍火）。後勤與技術部主要功能係提供、管理同維護皇家警察行動所需要嘅設備，同時亦負責財務上嘅管理，部門下分組有：
- 鑒證／管理組
- 通訊組
- 資訊工藝組
- 運輸組
- 財政組
- 技術所得組
- 軍火組
- 普通所得組
- 建築物組
- 銷毀／儲存／鑒定／報銷組
後勤組主要負責皇家警隊嘅一切硬體同軟體設備供應、維修、提升等工作，例如警隊嘅軍火、警車、警察制服、電腦軟件等事務都係由呢個部門管轄。
刑事調查部
編輯刑事調查部由一名警察總監（Komisioner Polis擔任總監，並由佢領導嘅四名副總監協助工作，即刑事調查副總監（情報/行動），刑事調查副總監（調查/法律），刑事調查副總監（有組織罪案），刑事調查副總監（法證/數據庫/ DNA /戰略規劃）。刑事調查部負責處理罪案嘅調查同起訴行動，遏制賭博、不良集團同非法組織嘅活動，部門下分組有：
- D1組 - 行政處
- D2組 - 刑事登記中心
- D3組 - 監督調查報告組
- D4組 - 刑事情報組
- D5組 - 主控／法律組
- D6組 - 技術援助組
- D7組 - 取締非法組織／肅賭與反風化組
- D8組 - 特別行動組
- D9組 - 特別調查組（重案組）
- D10組- 科學鑒證組
- D11組- 婦女與兒童事務組
- D12組- 國際刑警
- D13組- 數據庫組
- D14組- 有組織罪案調查組
刑事調查部主要負責調查馬來西亞國內嘅所有刑事罪案，例如謀殺、強姦、搶劫、綁架等刑事罪案嘅調查工作，同時亦主導罪案防範工作。此外，負責喺案發現場採證同化驗嘅科學鑒證組（Forensik）亦被納入呢個部門嘅管轄範圍內。
毒品罪案調查部
編輯
毒品罪案調查部由一名警察總監領導，由兩名副總監協助，即係副總監（執法/預防/警察事務）同副總監（充公財產/法律/拘留）。毒品刑事調查部係調查同遏制毒品走私同交易活動，部門下分組有：
- 特別調查組
- 協調／國際關系組
- 行政處
- 扣留組
- 充公財產組
- 審問組
- 專家／技術援助組
- 監督組
- 登記處
- 後勤組
- 海關組
毒品罪案調查部主要負責調查同防範一切同毒品、違禁藥有關嘅罪案，例如販毒、製造毒品活動等，同時亦負責凍結或者充公毒販嘅非法資產。
國家內部安全與公共秩序部
編輯
國家內部安全與公共秩序部基本功能係維護社會安全同跌序、交通管制、搜索同援救行動等，所以呢個部門嘅工作範圍必要時會同其他執行單位互相協調，部門下分組有：
- 秘書處
- 行政處
- 發展／供給組
- 行動組
- 無線電巡邏隊
- 聯邦後備部隊
- 騎警組
- 普通行動部隊
- 特別行動部隊
- 交通警察組（於2016年3月25號組成一個部門）
- 水警行動部隊
- 飛行組
- 大馬控制中心
國家內部安全與公共秩序部負責管理維持社會秩序的責任，旗下單位包括水警、警隊飛行組、聯邦後備隊（俗稱鎮暴隊）、森林警察部隊等較特殊嘅警隊單位。
商業罪案調查部
編輯商業罪案調查部係由一名警察總監擔任總監，由兩名副總監協助，即係第一副總監（調查）同第二副總監（行政）。商業罪案調查部主要係調查商業欺詐、金融詐騙、電腦網絡騙案等一切與商業、金融有關嘅犯罪活動。
部門下分組有：
- 洗黑錢調查組（北馬、東海岸區）
- 洗黑錢調查組（中馬、南馬、沙巴同沙撈越區）
- 會計剖析調查組
- 金融調查組
- 企業調查組
- 其他偽造調查組
- 電子與多媒體調查組
- 行動、技術援助組
- 行政、國際協調組
- 研究、秘密調查組
- 監督調查報告組
- 法律與訴訟組
- 商業刑事調查組
政治部（特別事務部）
編輯政治部係由資深警官所組成嘅情報部門，主要功能係收集、分析同處理一切有可能威脅國家安全嘅資訊，將呢啲信息傳遞至相關部門或者機構，部門下分組有：
- 分析組/秘書處
- E1組 - 技術情報
- E2組 - 社會情報
- E3組 - 外交情報
- E4組 - 政治情報
- E5組 - 經濟情報
- E6組 - 安全情報
- E7組 - 行政處
- E8組 - 反恐主義組
-政治部主要負責為警隊其他部，包括刑事罪案調查部、商業罪案調查部同毒品罪案調查部等收集情報等工作，同時亦負責其他領域嘅情報工作。
交通調查與執法部
編輯交通調查與執法部喺25/3/2016年3月25號（警察日）成立，由時任首相拿督斯里納吉宣佈成立，目的係降低國內車禍意外同埋車禍死亡率。
廉正與標準執行部
編輯喺2014年7月25號，由時任全國總警長宣佈成立。
防範罪案與社區安全部
編輯喺2014年6月9號成立。
制服同裝備
編輯- 巡警：由2008年開始，馬來西亞皇家警察開始分兩種制服，以海軍藍為主。執行任務、行動同巡邏時着嘅制服係頭戴貝雷帽，長袖上衫同埋卡其褲，黑色人造皮革軍靴。夜間巡邏或者執行任務時會套上一件黃色反光背心。胸前右衣袋嘅上方繡住警員嘅名同埋銀質警盾，左衣袋上方係「Polis」字樣。布製警階就喺右上臂，而部隊徽章就喺左上臂。喺慶典或者儀式時着嘅制服係頭戴貝雷帽或者警帽，長袖上衣衫同埋卡其褲，黑色人造皮革鞋。胸前右衫袋嘅上方扣銀質警盾、名牌同編號，左衣袋旁扣細鐵鏈同扣皮革制嘅警民合作徽章以及上方扣彩帶牌係由最高元首或者警隊所授勳及嘉獎擁有。衣領扣警微同肩上兩邊扣銀牌係「Polis Diraja」字樣。鐵製嘅警階喺右上臂，而部隊徽章喺左上臂。腰帶係黑色人造皮革制，腰帶頭係圓形。
- 個人裝備：每個巡警都配有一把佩槍，備用彈匣、一雙手銬、一支T字形警棍、胡椒噴霧、手電筒同埋一個無線電。交通警就頭佩戴白色頭盔或者海軍藍鴨舌帽，白色長袖上衣配上黃色反光背心，黑色騎士褲配上一雙人造皮革騎士靴。除咗配有哨子之外，其他個人裝備同巡警相同。
參考
編輯- ↑ Izam Said Ya'akub (2 December 2010). "Multilateral cooperation needed to counter transnational crime". The Brunei Times. 原著喺12 May 2016歸檔. 喺12 May 2016搵到.
- ↑ "Thai, Malaysian police agree cooperation". The Nation. 14 May 2015. 原著喺12 May 2016歸檔. 喺12 May 2016搵到.
- ↑ "Malaysia, Singapore police to work closely in combating cybercrime". Bernama. The Borneo Post. 5 May 2012. 原著喺12 May 2016歸檔. 喺12 May 2016搵到.
- ↑ "RP, Malaysia intensify joint effort vs terrorism, transnational crimes". The Philippine Star. 21 March 2002. 原著喺12 May 2016歸檔. 喺12 May 2016搵到.
- ↑ "Vietnam People's Police Force's 70th anniversary marked abroad". Voice of Vietnam 5. 20 August 2015. 原著喺12 May 2016歸檔. 喺12 May 2016搵到.
- ↑ "Vietnam, Malaysia sign agreement on transnational crimes". Nhân Dân. 1 October 2015. 原著喺12 May 2016歸檔. 喺12 May 2016搵到.
- ↑ "Mas Selamat JI leader nabbed in Skudai". thestar.com.my. The Star (Malaysia). 2009-01-15. 原著喺2009-05-10歸檔. 喺2009-01-21搵到.
- ↑ "Mas Selamat captured". Straits Times. Singapore. 2009-05-08. 原著喺2009-05-15歸檔. 喺2009-09-09搵到.