馬來西亞政府

馬來西亞政府（英文：Government of Malaysia；馬來話：Kerajaan Malaysia）主要指喺吉隆坡聯邦直轄區同布城聯邦直轄區嘅馬來西亞聯邦政府。

馬來西亞聯邦政府
Federal Government of Malaysia
Kerajaan Persekutuan Malaysia

馬來西亞國徽
成立日期	1963年9月16號
國家	馬來西亞
網站	www.malaysia.gov.my
政府結構	聯邦議會民主制 選舉君主立憲制 三權分立
憲法	《馬來西亞聯邦憲法》
法律體系	英美法系
國家領袖
最高元首	蘇丹阿都拉陛下
首相	慕尤丁
首席大法官	東姑麥潤
上議院主席	萊士雅丁
下議院議長	阿茲哈阿茲占·哈侖
立法
最高立法機構	馬來西亞國會 馬來西亞上議院 馬來西亞下議院
領袖	馬來西亞國會上議院主席 馬來西亞國會下議院議長
所在地	吉隆坡國會大廈
行政
最高行政機構	馬來西亞內閣
領袖	馬來西亞首相
所在地	布城首相署
司法
最高司法機構	馬來西亞聯邦法院
領袖	馬來西亞聯邦首席大法官
所在地	布城司法宮
武裝力量
武裝部隊	馬來西亞武裝部隊 馬來西亞陸軍 馬來西亞皇家海軍 馬來西亞皇家空軍
三軍最高統帥	蘇丹阿都拉陛下（最高元首）
國防部高級部長	依斯邁沙比里
三軍總司令	丹斯里莫哈末·阿凡迪上將

馬來西亞係一個由13個州屬組成嘅聯邦制、議會民主制同選舉君主立憲制國家。馬來西亞國會體制沿襲自英國國會嘅西敏議會制，亦被歸類為代議民主制。馬來西亞嘅法律體系係英美法系，為普通法司法管轄區。

《馬來西亞聯邦憲法》第127條文明確噉將聯邦權力分成三個部分，即係立法、行政同司法，三權之間都受到嘅唯一制約係聯邦憲法確立嘅相互制衡。三權分立制度喺聯邦同全國13個州都係一樣，以貫徹作為治國基礎嘅聯邦概念。馬來西亞聯邦政府係依照呢個概念執行同運作，而州政府嘅運作就需要奉行行政權同立法權分立。咁係因為喺馬來西亞，司法系統係全國統一運作，同時各州州憲法同立法唔可以同聯邦憲法有任何衝突。

最高元首

馬來西亞最高元首陛下係《馬來西亞聯邦憲法》法定嘅國家元首，同時亦係馬來西亞海陸空三軍名譽最高統帥。就算最高元首擁有立法、司法同行政名義上最高權力，可以自行行使職權同皇家特權，但實際運作上，佢哋必須顧慮首相同內閣意見行使職權，憲法同時亦限制咗佢嘅權力。

聯邦政府

馬來西亞聯邦政府係馬來西亞最高行政機構，其地喺各州政府之上。馬來西亞聯邦政府嘅基地喺布城聯邦直轄區同吉隆坡聯邦直轄區，由馬來西亞首相領導，佢亦被叫做政府首腦。

州政府

州政府嘅運作需要奉行立法權同行政權分立。

立法權

馬來西亞13個每個州政府都係依據各州嘅州憲法建立同運作。每個州都有一個基於一院制嘅州立法議會。州議會由作為州統治者（蘇丹或者拉惹又或者州元首）、一名議長以及州議員組成。州議員由各州嘅州選區由人民選出，係依據馬來西亞憲法受委。蘇丹或州者元首將會召開同領導州議會會議。州議員嘅任期為5年，如果喺嗰段期間州議會無被解散。蘇丹或者州元首有權解散州議會。一旦州議會被解散，選舉必須喺解散日起60日內舉行。州議員亦可以同時擔任國會下議員。喺正式成為州議員之前，州議員必須喺州議長面前宣誓就職。嗰個議員必須宣誓並承諾將盡忠職守同忠於州同國並遵守、保護同捍衛憲法。

州屬	州議會（中文）	州議會（馬來文）	州議會（英文）
柔佛州	柔佛州議會	Dewan Negeri Johor	Johore State Assembly
吉打州	吉打州議會	Dewan Undangan Negeri Kedah	Kedah State Legislative Assembly
吉蘭丹州	吉蘭丹州議會	Dewan Undangan Negeri Kelantan	Kelantan State Legislative Assembly
馬六甲州	馬六甲州議會	Dewan Undangan Negeri Melaka	Malacca State Legislative Assembly
森美蘭州	森美蘭州議會	Dewan Undangan Negeri Sembilan	Negeri Sembilan State Legislative Assembly
彭亨州	彭亨州議會	Dewan Undangan Pahang	Pahang State Assembly
檳城州	檳城州議會	Dewan Undangan Negeri Pulau Pinang	Penang State Legislative Assembly
霹靂州	霹靂州議會	Dewan Undangan Perak	Perak State Assembly
玻璃市州	玻璃市州議會	Dewan Undangan Negeri Perlis	Perlis State Legislative Assembly
雪蘭莪州	雪蘭莪州議會	Dewan Negeri Selangor	Selangor State Assembly
登嘉樓州	登嘉樓州議會	Dewan Undangan Negeri Terengganu	Terengganu State Legislative Assembly
沙巴州	沙巴州議會	Dewan Undangan Negeri Sabah	Sabah State Legislative Assembly
沙撈越州	砂拉越州議會	Dewan Undangan Negeri Sarawak	Sarawak State Legislative Assembly

行政權

州政府由州務大臣（9個有世襲統治者嘅州屬）或者首席部長（4個有非世襲州元首嘅州屬）領導，由各州嘅州立法議會以簡單多數原則產生。州務大臣同首席部長會建議佢哋各州嘅世襲統治者或者非世襲州元首行使佢哋嘅職權。喺9個有世襲統治者嘅州屬中，州世襲統治者必須根據州議會推薦，委任一位馬來人穆斯林擔任州務大臣。而其餘4個非世襲州元首嘅州屬中，首席部長必須係由州議會推薦，無任何宗教同種族限制。

州屬	州政府名（中文）	州政府名（英文）	州政府名（馬來文）	現時執政黨	有州世襲統治者？
柔佛州	柔佛州政府	Johor State Government	Kerajaan Negeri Johor	國民聯盟（國盟）
吉打州	吉打州政府	Kedah State Government	Kerajaan Negeri Kedah	國民聯盟（國盟）
吉蘭丹州	吉蘭丹州政府	Kelantan State Government	Kerajaan Negeri Kelantan	國民聯盟（國盟）
馬六甲州	馬六甲州政府	Malacca State Government	Kerajaan Negeri Melaka	國民聯盟（國盟）	—
森美蘭州	森美蘭州政府	Negeri Sembilan State Government	Kerajaan Negeri Sembilan	希望聯盟（希盟）
彭亨州	彭亨州政府	Pahang State Government	Kerajaan Negeri Pahang	國民陣線（國陣）
檳城州	檳城州政府	Penang State Governemnt	Kerajaan Negeri Pulau Pinang	希望聯盟（希盟）	—
霹靂州	霹靂州政府	Perak State Government	Kerajaan Negeri Perak	國民聯盟（國盟）
玻璃市州	玻璃市州政府	Perlis State Government	Kerajaan Negeri Perlis	國民陣線（國陣）
雪蘭莪州	雪蘭莪州政府	Selangor State Government	Kerajaan Negeri Selangor	希望聯盟（希盟）
登嘉樓州	登嘉樓州政府	Terengganu State Government	Kerajaan Negeri Terengganu	國民聯盟（國盟）
沙撈越州	砂拉越州政府	Sarawak State Government	Kerajaan Negeri Sarawak	砂拉越政黨聯盟（砂盟）	—
沙巴州	沙巴州政府	Sabah State Government	Kerajaan Negeri Sabah	國民聯盟（國盟）	—

地方政府

地方政府（Pihak Berkuasa Tempatan）嘅地位低過州政府，係州政府體系入面最低一級嘅行政機關，但係地方政府嘅設置係聯邦政府嘅權限。根據各縣人口同發展程度唔同，地方政府可以設置三類其中之一，包括係市政廳（Majlis Bandaraya）、市議會（Majlis Perbandaran）同縣議會（Majlis Daerah）。

其他

軍警

馬來西亞武裝部隊係馬來西亞嘅武裝部隊，由馬來西亞陸軍、馬來西亞皇家海軍同馬來西亞皇家空軍組成，效忠於最高元首一人。馬來西亞皇家警察負責國內執法。

選舉

馬來西亞選舉分兩個級別，分別係「聯邦選舉」同「州選舉」。聯邦選舉係喺全國222個國會選區中，選出下議院議員；而州選舉係選出各州立法議員。

出面網頁

• MyGovernment Malaysia