馮得如
馮得如（英文：Fung Tak Yu，2003年—）係香港女網球員，2019年全港運動會網球比賽嘅混合雙打賽事嘅金牌得主。
| 馮得如 | |
|---|---|
| 出生日 | 2003年  |
| 國籍 | 香港 |
[改維基數據] | |
呢篇嘢嘅主題未必符合收錄指引。
如果你熟呢個主題，請你擴充或改寫佢，幫佢建立佢嘅知名度。最好要有已經發佈咗嘅參考來源，或者係第三者出版物做資料來源。如果建立唔到知名度，根據Wikipedia:刪版，篇文可能會提議刪除。（參閱：Wikipedia:收錄指引） |
校園生活 編輯
佢喺2009年到2015年讀五旬節于良發小學，2015年到2021年喺賽馬會體藝中學度讀書，兼且係2021年嘅香港中學文憑考試嘅考生[1]。
網球運動 編輯
馮得如讀緊書嗰時就成日參與網球運動，佢曾經喺康樂及文化事務署嘅「簡易運動大賽」入面個「小型網球比賽」項目，分別攞到2011年嘅女子乙組優異獎[2]同2013年嘅女子甲組亞軍[3]，亦曾經多次喺康樂及文化事務署嘅分區分齡網球比賽入面攞到獎牌，更加喺2015至2016年度嘅大埔區分齡網球比賽女子單打青少年組12至13歲嘅組別入面贏到冠軍[4]。
馮得如喺2018年選到做第七屆全港運動會嘅北區網球代表隊成員，佢拍住雲安迪出戰混合雙打賽事，佢哋由初賽開始，分別擊敗南區、九龍城區及黃大仙區的代表而晉身四強，並喺四強擊敗灣仔區嘅對手。去到決賽，雲安迪同馮得如面對來自屯門區嘅對手，由於馮得如比較能夠擋住對方嘅發球，結果佢哋用咗34分鐘，以局數８比３壓倒屯門區對手贏到冠軍[5]。
截至2019年7月11號，佢暫時喺香港網球總會嘅青少年組別排第9。
攷 編輯
- ↑ 《【網球】疫下再起步 韋正樺馮得如換心態踏新征途》（體路，2020年11月28號）
- ↑ 《「2011簡易運動大賽－小型網球比賽」比賽結果》（康樂及文化事務署）
- ↑ 《2013簡易運動大賽–小型網球比賽比賽成績》（康樂及文化事務署）
- ↑ 《大埔區分齡網球比賽 (2015-2016)得獎名單》（康樂及文化事務署）
- ↑ 《第七屆全港運動會網球比賽(個人項目) The 7th Hong Kong Games Tennis Competition (individual events) 》（香港電台電視部，2019年5月18號）
 |