魁北克省

唔好同魁北克市搞亂。

魁北克省（法文：Québec /kebɛk/ (幫手·個快勞)；英文：Quebec /kwəˈbɛk/ (幫手·個快勞)），簡稱魁省，以前啲當地華人用臺山話發音嚟譯古壁省，係加拿大東面嘅一個省，人口7,651,531。魁北克嘅官方語言係法文，全加拿大淨係呢個省係用法文（一種語言）。省會係魁北克市，最大嘅城市係滿地可。

魁北克省喺加拿大嘅位置

地理

魁北克係加拿大最大嘅省（連埋三個地區計嘅話，細過努納武特少少），面積係法國嘅三倍。省入面好多地方都好少人。魁北克省超過90%嘅地方係加拿大地盾。北面廣闊，冇人住。魁北克喺加拿大東面，西面黐住安大略省同哈德遜灣，東面係大西洋，南面黐住美國（緬因州、紐咸西州、佛蒙特州同紐約州），北面係北冰洋。

省入面最大嘅水電工程起喺La Grande Rivière（大河）上面。極北係極地同埋副極地氣候，有啲因紐特部族嘅人住喺度。

最多人嘅地方係南面嘅聖勞倫斯河谷，省會魁北克市同滿地可都喺嗰度。滿地可北面係勞倫第安區，係地質年代久遠嘅山區，東面係阿巴拉契亞山脈，一直延伸到東城同加斯佩地區。加斯佩半島向東伸入聖勞倫斯灣。

魁北克政治係基於英國傳統西敏制嘅議會制，省督係國家元首伊利沙伯二世喺魁北克入面嘅代表。省政府最大嘅係省長，由議會多數黨嘅黨魁做。魁北克實行一院制，議會叫做魁北克國民大會。

聖勞倫斯河谷係富庶嘅農業區，出好多奶製品、生果、蔬菜、牲畜同楓樹漿（魁北克係世界最大嘅楓糖產地）。河谷以北多數係針葉林，有好多河流湖泊。紙漿、造紙、林業同水電係魁省重要嘅經濟部門。