魯桂珍（Lu Gwei-djen；1904年—1991年）係營養學家。佢亦專門研究中國科學科技史。
魯桂珍祖籍湖北蘄春，老頭係魯茂庭，係個南京名藥劑師。
魯桂珍1904年出世，響金陵女子大學學生理學，之後去上海一間醫學研究所專攻生物化學。佢之後因仰慕李約瑟夫婦，唔要美國獎學金，1936年坐船去英國，轉去劍橋大學跟李約瑟夫婦。魯桂珍原定跟同李約瑟老婆李大斐研究肌肉，無耐佢就同李約瑟有戀情，就轉跟李約瑟。李大斐默認佢哋嘅關係，而魯桂珍亦自認係妾。
魯桂珍影響李約瑟十分之大，令佢下半生對中國有興趣，教佢唔少中國事物。
佢曾經響美國做研究。戰後亦曾供職於巴黎聯合國教科文組織秘書處。
佢半生都同李約瑟編《中國科學與文明》（《中國科學技術史》），係佢長期助手。
佢響李大斐死後兩年先同李約瑟結婚，但係無幾年就死埋。
