鮑勳
鮑勳（粵拼：baau1 fan1；?—226年），字叔業（suk1 jip6）[1]，係三國時曹魏嘅大臣、將領。
| 鮑勳 | |
|---|---|
| 曹魏 大臣、將領 | |
| 死 | 226年 洛陽 |
| 活躍時期 | 212年～226年 |
| 遞啲名 | |
| 字 | 叔業 |
身世
編輯鮑勳係泰山平陽人（而家山東新泰），佢嘅先世鮑宣係西漢司隸校尉，鮑宣嘅後人有支從上黨搬去泰山，而鮑勳係鮑宣嘅九世孫[1]。佢老豆鮑信係漢靈帝時嘅騎都尉，喺軍閥戰爭開頭時，佢同曹操合作，後來曹操封佢做濟北相。之後佢同曹操去同黃巾軍交戰，鮑信戰死但救出曹操[2]。
事蹟
編輯建安十七年（212年），做咗漢朝丞相嘅曹操追錄鮑信嘅功勞，表封鮑勳阿哥鮑邵做新都亭侯，鮑勳封做丞相府掾屬[2]。
建安二十二年（217年），曹操已經畀漢獻帝封做魏王，於是呢年立曹丕做魏國太子，而鮑勳做中庶子。之後佢改做黃門侍郎，然後派出外做魏郡西部都尉[3]。
太子曹丕嘅妾侍郭夫人嘅細佬喺曲周做縣吏，被發現私吞公家布料，按法應該喺街市公開斬頭。嗰陣時曹操喺譙縣，太子曹丕留喺鄴縣，多次親自寫信畀鮑勳，請佢幫夫人細佬赦罪。鮑勳唔敢就噉放過罪犯，將罪證列足呈上[4]。喺之前佢喺東宮做嘢，守正道、唔放過，曹丕已經唔鍾意，加多呢件事，佢對鮑勳嘅怨恨強下添。到咗鮑勳喺郡界整頓軍隊時，佢出咗啲錯，曹丕密令畀軍中軍官中尉，叫佢參奏罷免鮑勳嘅官職[5]。
之後，鮑勳重新封做侍御史。延康元年（220年），曹操死咗，曹丕繼位做魏王，鮑勳做駙馬都尉兼侍中[6]。
220年尾，曹丕爭得漢朝嘅帝位，建立咗曹魏稱帝。鮑勳常勸曹丕注重農業同軍事，寬待人民，減輕賦役、多搞民生[7]。
曹丕要出去遊獵，鮑勳又再上奏阻佢。曹丕親自撕爛佢嘅表奏，然後繼續去打獵。中途喺路上休息，問侍臣：「狩獵嘅樂趣，同八音禮樂比，點啊？」[8]
劉曄話狩獵好過禮樂。鮑勳出聲反駁佢，同時奏責劉曄佞諛不忠，提議論罪。曹丕即時嬲氣，解散場狩獵回宮，然後立即調鮑勳外出做右中郎將[9]。
黃初四年（223年），尚書令陳群、僕射司馬宣王一齊提舉鮑勳做宮正（即係御史中丞）。曹丕不得已重新起用佢。佢上任後，百官整肅到買佢怕，都對佢好恭敬[10]。
黃初六年（225年），曹丕想去打吳國，群臣議論紛紛，鮑勳又來阻佢，話無謂耗損國力去打場難勝嘅仗。曹丕重憎下添佢，降佢做治書執法，然後引軍去打吳[11]。
曹丕敗陣，自壽春返來，喺陳留郡嘅地界度駐軍。太守孫邕來到見曹丕，之後順便過去探鮑勳。嗰陣時營壘未起好，只豎起營標，孫邕行咗細路而無行大路，被軍營嘅令史劉曜發現，想按軍令追究罪責，鮑勳以營壘未起好爲由保孫邕[12]。
226年，大軍返到洛陽，劉曜犯咗罪，鮑勳奏請將佢貶職外放，於是劉曜秘密表奏曹丕，講鮑勳私底開脫孫邕嘅罪。於是曹丕將鮑勳交由廷尉審罪。廷尉提議五年刑罰。三官唔贊成，提議按律法罰兩斤金。曹丕聽咗後好嬲，話鮑勳應當殺死，重想將三官治罪[13]。朝中各大臣反對，太尉鍾繇、司徒華歆、鎮軍大將軍陳群、侍中辛毗、尚書衛臻、守廷尉高柔一齊上表話鮑勳老豆鮑信對曹操有功，提議減罪。曹丕唔聽，提令處死鮑勳[14]。
只係兩旬之後，曹丕亦死埋。鮑勳常日間專心於守住自己嘅節操同德行，爲官廉潔但亦好肯幫人，於是好多人爲佢嘅死嘆惜遺憾[15]。
睇埋
編輯參攷資料
編輯- 陳壽（著）；裴松之（注）。〈卷十二 - 魏書：崔毛徐何邢鮑司馬傳—鮑勳傳〉. 《《[[三國志]]》》。
- 司馬光。〈卷七十〉. 《《[[資治通鑑]]》》。
註
編輯- ↑ 1.0 1.1 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢鮑勳字叔業，泰山平陽人也，漢司隸校尉鮑宣九世孫。宣後嗣有從上黨徙泰山者，遂家焉。｣
- ↑ 2.0 2.1 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢勳父信，靈帝時為騎都尉，大將軍何進遣東募兵。後為濟北相，協規太祖，身以遇害。……魏書曰：……是歲，太祖始起兵於己吾，信與弟韜以兵應太祖。……太祖為東郡太守，表信為濟北相。會黃巾大眾入州界……太祖以賊恃勝而驕，欲設奇兵挑擊之於壽張。先與信出行戰地，後步軍未至，而卒與賊遇，遂接戰。信殊死戰，以救太祖，太祖僅得潰圍出，信遂沒，時年四十一。……建安十七年，太祖追錄信功，表封勳兄邵新都亭侯。辟勳丞相掾。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢二十二年，立太子，以勳為中庶子。徙黃門侍郎，出為魏郡西部都尉。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢太子郭夫人弟為曲周縣吏，斷盜官布，法應棄市。太祖時在譙，太子留鄴，數手書為之請罪。勳不敢擅縱，具列上。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢勳前在東宮，守正不撓，太子固不能悅，及重此事，恚望滋甚。會郡界休兵有失期者，密敕中尉奏免勳官。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢久之，拜侍御史。延康元年，太祖崩，太子即王位，勳以駙馬都尉兼侍中。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢文帝受禪，勳每陳『今之所急，唯在軍農，寬惠百姓。臺榭苑囿，宜以為後。』｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢文帝將出遊獵，勳停車上疏曰：『臣聞五帝三王，靡不明本立教，以孝治天下。陛下仁聖惻隱，有同古烈。臣冀當繼蹤前代，令萬世可則也。如何在諒闇之中，修馳騁之事乎！臣冒死以聞，唯陛下察焉。』帝手毀其表而競行獵，中道頓息，問侍臣曰：『獵之為樂，何如八音也？』｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢侍中劉曄對曰：『獵勝於樂。』勳抗辭曰：『夫樂，上通神明，下和人理，隆治致化，萬邦咸乂。移風易俗，莫善於樂。況獵，暴華蓋於原野，傷生育之至理，櫛風沐雨，不以時隙哉？昔魯隱觀漁於棠，春秋譏之。雖陛下以為務，愚臣所不原也。』因奏：『劉曄佞諛不忠，阿順陛下過戲之言。昔梁丘據取媚於遄台，曄之謂也。請有司議罪以清皇廟。』帝怒作色，罷還，即出勳為右中郎將。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢黃初四年，尚書令陳群、僕射司馬宣王並舉勳為宮正，宮正即御史中丞也。帝不得已而用之，百寮嚴憚，罔不肅然。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢六年秋，帝欲征吳，群臣大議，勳面諫曰：『王師屢征而未有所克者，蓋以吳、蜀脣齒相依，憑阻山水，有難拔之勢故也。往年龍舟飄蕩，隔在南岸，聖躬蹈危，臣下破膽。此時宗廟幾至傾覆，為百世之戒。今又勞兵襲遠，日費千金，中國虛耗，令黠虜玩威，臣竊以為不可。』帝益忿之，左遷勳為治書執法。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢帝從壽春還，屯陳留郡界。太守孫邕見，出過勳。時營壘未成，但立標埒，邕邪行不從正道，軍營令史劉曜欲推之，勳以塹壘未成，解止不舉。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢大軍還洛陽，曜有罪，勳奏絀遣，而曜密表勳私解邕事。詔曰：『勳指鹿作馬，收付廷尉。』廷尉法議：『正刑五歲。』三官駮：『依律罰金二斤。』帝大怒曰：『勳無活分，而汝等敢縱之！收三官已下付刺奸，當令十鼠同穴。』｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢太尉鍾繇、司徒華歆、鎮軍大將軍陳群、侍中辛毗、尚書衛臻、守廷尉高柔等並表『勳父信有功於太祖』，求請勳罪。帝不許，遂誅勳。｣
- ↑ 陳壽；裴松之。〈卷十二 - 魏書：崔毛徐何邢鮑司馬傳〉. 《三國志》。｢勳內行既脩，廉而能施，死之日，家無餘財。後二旬，文帝亦崩，莫不為勳嘆恨。｣