鴻溝

鴻溝，係中國古代連接黃河同淮河嘅運河，由戰國時代嘅魏惠王開鑿，之後曾經響秦滅魏之戰期間俾秦國將軍王賁派人扑穿，導致魏國首都大梁水浸；秦始皇統一天下後整返好鴻溝；楚漢戰爭嗰陣，漢王劉邦同西楚霸王項羽以鴻溝為界，東面屬於項羽，西面屬於劉邦，劉邦之後帶兵越過鴻溝滅楚。

名稱

鴻溝係歷史上有好多個名，《竹書紀年》叫佢做「大溝」，《史記·河渠書》叫佢做「鴻溝」，《漢書·地理志》叫佢做「狼湯渠」，《後漢書·郡國志》叫佢做「鴻溝水」，《水經注》叫佢做「蒗盪渠」或者「渠水」，魏晉以後就叫佢做「蔡河」。

中國象棋入面嘅楚河漢界，即係鴻溝。