鹹水樓係用鹹水（即係海水）代淡水起樓，搞到樓宇比預期中短命，會有危險。
正常起樓，落石屎嗰陣，會用水撈埋，加埋鋼筋來起做，起嘅嘢會好硬淨。但如果水係鹹水來，水裏便嘅鹽就搞到鋼筋好快生鏽變弱，鋼筋無力支撐座樓。
香港1960年代因為天成日無雨落制水，所以淡水唔夠。營造商為咗慳皮，起某啲公共屋邨嗰陣，用鹹水代淡水。當年營造商有行賄監工，畀佢哋過骨。
到咗1982年陸陸續續發現有26棟樓，鋼筋生鏽得好勁，鹹水樓事件曝光，最後啲樓喺1987年到1990年間全面拆晒[1]。
