2012末日預言
《2012末日預言》，又直叫《2012》，係2009年美國科幻災難電影，背景係地球將會應驗瑪雅預言喺2012年世界末日，由尊古錫、阿曼達比蒂、丹迪紐頓主演，羅倫艾默烈治執導。
劇情
編輯2009年，太陽系九大行星經過幾千年嘅周期後排成一條直線而出咗單歷史上規模最大嘅太陽爆發。喺印度，美國地質學家艾德禮安·赫爾姆斯利（Adrian Helmsley）話世界最深嘅銅礦場見到天文物理學家薩南蘇爾塔尼（Satnam Surtani）。薩南畀出太陽爆發令中微子嘅數量爆燈，甚至產生物理反應而開始加熱地球核心，將來令成個地球板塊崩潰。艾德禮安馬上返到華盛頓，將呢單嘢話咗畀白宮幕僚長卡爾安豪澤（Carl Anheuser）。安豪澤驚到騰騰震，重將件事彙報咗美國現任總統湯馬仕威爾遜（Thomas Wilson）。幾個月後，湯馬仕嚟到加拿大嘅八國集團峰會，將咁得人驚嘅事話畀各國元首知。各國元首得知呢單嘢後達成協議，決定喺就快出現毀滅災難之前，救佢哋可以救到啲人。2011年，世界各國開始移送啲值得紀念嘅藝術品同動物，甚至有人類爲咗保證種族嘅延續而開始搵啲生育基因比較好嘅有錢人，重以十億歐羅出售添。
2012年12月，住喺洛杉磯嘅積遜古提斯（Jackson Curtis）帶住細路去黃石公園度假時，發現原先好靚嘅湖乾嗮兼變成禁區，令古提斯認唔出喺邊度。佢喺黃石公園附近嘅營地識咗查理霍斯達（Charlie Foster）。霍斯達話畀古提斯知由於自然環境同埋資源長期俾人類掠奪性破壞，令地球自身嘅平衡系統就快崩潰，人類要面臨自然災害。甚至話有啲國家一齊喺度秘密研發緊可以避難嘅「方舟」。後嚟古提斯笑佢搵笨而走咗。點知第二日爆發大災難。
由於強烈嘅地震同大型嘅火山爆發，令眼前比較熟嘅城市變成人間地獄，連地球其他地方都唔例外，甚至聞所未聞。古提斯同好多家庭一齊踏上求生之路。由於事發突然，令佢唔知諗住去邊避難，甚至諗返尋日查理提到嘅「方舟」同地圖，結果決定去諾亞方舟基地搵生存嘅機會。
古提斯去搵緊諾亞方舟基地時，雖然經歷咗生死考驗，但最後成功去到諾亞方舟基地。不過，起好啲方舟數遠遠跟唔上從世界各地收到料而過來嘅難民，從而成為挑戰成個人類嘅道德。後嚟喺唔同國家嘅人類都為咗成功避難，重猛咁同其它國家元首而開放任何邊境而入去船艙避難。艦船開始飄到珠穆朗瑪峰山腳，諾亞方舟到咗山腳後，群眾終於安全，最後成功避難。
0001年1月27號（世界文明毀滅之後嘅一個月），艦船入面啲人嚟到甲板呼吸新鮮空氣。艾德禮安將自己所發生啲事寫成本書。到咗艦橋時發現浸咗大陸啲海水已經開始退潮，其他國家嘅艦船都加入咗佢哋嘅航線，其它生還者都開始去非洲好望角開啓新嘅人類文明。
反應
編輯部片出街之後，除咗國際版外，雖然唔少國家或地區都出現咗刪減版，但係喺全球各國引起高票房收入，重出現咗一股熱潮；重引致有人擔心2012年12月21號係咪會世界末日[1][2]，以及「諾亞方舟」嘅一系列惡搞船飛作品[3]。實際上，2012年12月21號嗰日凈得瑪雅地區文明搞慶祝，世界各地並冇任何災難事件發生，粉碎咗「末日」嘅謠言[4]。所謂嘅「諾亞方舟」喺香港馬灣一帶，整咗挪亞方舟嘅旅遊景點出嚟。
不過亦有例外，北韓當地宣佈禁播呢部片，重列入2012年北韓禁播電影名錄。由於嗰時金正恩啱上臺無耐，曾經喺太陽節期間提出建設「社會主義強盛大國」嘅目標，重要係紀念金日成宣佈北韓獨立100週年，因此北韓政府認為《2012》部片醜化北韓政府。但係北韓當地媒體凈簡單講「會叉住睇咗《2012》呢部電影嘅人」，詳細原因冇講到。據估計北韓政府會將睇《2012》嘅人以「挑釁北韓政府」罪名逮捕[5][6]。
睇埋
編輯註
編輯- ↑ 〈2012年12月21日真的是世界末日吗？〉。《鳳凰網》。2012-11-30。原著喺2018年2月3日歸檔。喺2016年10月18日搵到。
- ↑ 〈揭秘：玛雅人关于2012世界末日的预言！〉。《中國民族宗教網》。2009-12-27。原著喺2016-11-05歸檔。喺2016-10-18搵到。
- ↑ 〈2012诺亚方舟船票网上热卖 商家称纯属恶搞〉。《腾讯》。2009-11-26。
- ↑ 〈末日谣言粉碎！今日冬至去吃羊肉汤-成都〉。《四川手机报》。2012-12-21。
{{cite news}}: CS1 maint: url-status (link) - ↑ Nishimura, Daisuke (March 26, 2010). "Watching '2012' a no-no in N. Korea". Asahi.com. The Asahi Shimbun Company. 原先內容歸檔喺March 29, 2010. 喺April 25, 2010搵到.
- ↑ "North Korea fears 2012 disaster film will thwart rise as superpower". The Telegraph. March 26, 2010. 喺July 18, 2011搵到.
出面網頁
編輯
- 2012末日預言嘅官方網站
- 《2012》喺互聯網電影資料庫嘅資料（英文）