GB2312

GB2312 或 GB2312-80 係中華人民共和國國家標準簡體中文字元集嘅其中一種字庫表達方式，全名叫《資訊交換用漢字編碼字元集•基本集》，重可以嗌GB0，佢係由中國國家標準總局發佈，喺1980年5月1號開始用。GB2312編碼可以通用喺中國大陸同埋新加坡等地。依家中國大陸嘅所有中文系統同埋國際化嘅軟體都支持GB2312。

介紹

收錄漢字數：7445個字

漢字

6763個漢字

• 一級漢字3755個
• 二級漢字3008個；

其它字符

包括拉丁字母、希臘字母、日文平假名同埋片假名字母、俄文斯拉夫字母嘅682個字元。

缺陷

雖然話呢個字庫出現咗就基本滿足嗮漢字喺電腦入面嘅處理（收錄嘅漢字數量已經覆蓋中國大陸99.75%嘅使用頻率）。但係對於人名、地名、古漢語等方面出現嘅罕用字同埋繁體字，呢個代碼都處理唔到。後嚟係2001年實施嘅GBK同埋GB 18030中文字元集相繼出現咗之後先至基本解決呢啲問題，依家嘅新版出版嘅電子產品都唔用呢種咁落後嘅字庫啦。至於中文入面所有嘅漢字演示方面，到依家為止都未收錄齊嗮啲字。