爵士樂

  「Jazz」跳轉到呢度。想搵專輯，請睇「Jazz (專輯)」。

爵士樂（英文：jazz，IPA：/dʒæz/）係1900年代嗰時非裔美國人由非洲傳統音樂變化發展出嚟嘅一種音樂風格，最開始淨係得嗰啲黑人演奏同作呢種音樂，之後慢慢嘅都影響到白人，最後爵士樂融入到美國白人嘅音樂同文化入邊，而家終於成為咗西方音樂文化嘅一部份，而不單止係黑人嘅音樂。喺發展嘅過程當中，爵士樂融合咗好多種其他風格音樂嘅元素，到而家爵士樂嘅風格已經係好豐富，有融合爵士、自由爵士、室內爵士樂、靈魂爵士、冷爵士樂等風格。

比·南利

爵士樂用到比較多嘅樂器係鋼琴、色士風、短號、小號、爵士鼓、結他同埋大提琴，除咗人聲，其他樂器好似色士風、短號，同結他都可以負責主旋律，好多爵士樂隊響現場都會有好多即興嘅彈奏。

馬來西亞已故巨星比·南利嘅部分作品受爵士樂影響，無論歌曲格式或編曲，甚至演唱嘅方式，都有爵士樂嘅基礎，如1960年嘅《Getaran Jiwa》。

睇埋

• 華爾茲